សហរដ្ឋអាមេរិក-ចិន ៖ ប្រធានាធិបតីអាមេរិកលោកដូណាល់ត្រាំអះអាងនាថ្ងៃទី១១តុលាថា សហរដ្ឋអាមេរិក និងចិនឈានទៅសម្រេចបានកិច្ចព្រមព្រៀងពាណិជ្ជកម្មដ៏សំខាន់បំផុតមួយផ្នែក តែភាពលម្អិតជាក់ស្ដែងពុំទាន់ត្រូវបានលាតក្រដាងក្នុងពេលភ្លាមៗនៅឡើយ។
ក្រោយពីជួបជាមួយប្រមុខអ្នកចរចាចិនលោកឧបនាយករដ្ឋមន្ត្រីLIU HE លោកត្រាំថ្លែងទៅកាន់សារព័ត៌មានថា យើងឈានទៅសម្រេចបានកិច្ចព្រមព្រៀងដ៏សំខាន់បំផុតមួយនៃដំណាក់កាលទី១។ តាមលោកត្រាំថាដំណាក់កាលទី១នេះរួមមានការទិញផលិតផលកសិកម្មអាមេរិក ហើយក៏ទាក់ទិននឹងកម្មសិទ្ធិបញ្ញា សេវាកម្មហិរញ្ញវត្ថុ និងអត្រានៃការទូទាត់ដោះដូរពាណិជ្ចកម្មគ្នា។
លោកSTEVEN MNUCHINរដ្ឋមន្ត្រីរតនាគារ ដែលចូលរួមក្នុងការជួបគ្នារបស់លោកត្រាំជាមួយលោកLIU HE នៅការិយាល័យពងក្រពើនៃសេតវិមានដែរអះអាងថា សហរដ្ឋអាមេរិកប្រកាសពីការបង្កើនពន្ធ្គយមានទឹកប្រាក់២៥០ពាន់លានដុល្លារ លើបណ្ដាផលិតផលនាំចូលពីចិន ដែលត្រូវឡើងពី២៥%ដល់៣០%ចាប់ពីថ្ងៃទី១៥តុលាទៅ។
ចំណែកអ្នកចរចាចិននិយាយពីការរីកចម្រើនថែមទៀតក្នុងវិស័យជាច្រើន។ លោកLIU HEបន្តថា ការចរចានឹងបន្តទៀត។ ចំណែកតំណាងពាណិជ្ជកម្មអាមេរិក លោកROBERT LIGTHIZER និយាយថា ប្រធានាធិបតីពុំបានធ្វើការសម្រេចលើការយកពន្ធគយដែលត្រូវចូលជាធរមានក្នុងខែធ្នូនៅឡើយ៕ (កែសម្រួលដោយ ៖ បុប្ផា)
ចែករំលែកព័តមាននេះ