ហាងនំ Big Apple Donuts & Coffee សម្ពោធសាខាថ្មីទី ៨ នៅផ្សារទំនើបអូឡាំព្យាម៉ល
- ភ្នំពេញ
រាជធានីភ្នំពេញ ៖ នៅថ្ងៃទី១២ ខែតុលា ឆ្នាំ២០១៩ នេះហាងនំ Big Apple Donuts &…
រាជធានីភ្នំពេញ ៖ នៅថ្ងៃទី១២ ខែតុលា ឆ្នាំ២០១៩ នេះហាងនំ Big Apple Donuts &…
រាជធានីភ្នំពេញ ៖ នៅថ្ងៃទី១២ ខែតុលា ឆ្នាំ២០១៩ នេះហាងនំ Big Apple Donuts & Coffee បានបើកសម្ពោធសាខាថ្មីទី ៨ របស់ខ្លួនបន្ថែមទៀត ដែលមានទីតាំងនៅក្នុងផ្សារទំនើបអូឡាំព្យាម៉ល ជាន់ទី ៥ ដើម្បីឆ្លើយតបនឹងកំណើនតម្រូវការពីសំណាក់អតិថិជន ។
ជាមួយគ្នានេះដែរក៏នឹងមានកម្មវិធីប្រូម៉ូសិនពិសេស គឺទិញ ៤ ថែម ២ ចាប់ពីថ្ងៃ ១២ រហូតដល់ ២០ ខែតុលា ២០១៩ និងជាពិសេសជាងនេះទៅទៀតនោះគឺ នំដូណាត់ចំនួន6តម្លៃត្រឹមតែ1$ប៉ុណ្ណោះសម្រាប់អតិថិជន ៥០ នាក់ដំបូង ដែលបានមកជាវនៅក្នុងថ្ងៃបើកសម្ពោធសាខាថ្មីនេះផងដែរ ។
Big Apples Donuts &Coffee គឺជាម៉ាកនំដូណាត់ដ៏ល្បីល្បាញ មានប្រភពដើមមកពីប្រទេសម៉ាឡេស៊ី និងត្រូវបាននាំចូលផ្តាច់មុខដោយក្រុមហ៊ុន Star Food Enterprise Co., Ltd។
លើសពីសោភ័ណភាព គឺគុណភាព ដែលជាក់ស្តែង Big Apple Donuts & Coffee តែងតែផ្តល់ជូនអតិថិជននូវជម្រើសនំដូណាត់ល្អៗជាច្រើន ដែលមានរហូតទៅដល់ ៣៦ រសជាតិ រួមជាមួយកាហ្វេ តែ ភេសជ្ជៈដែលមានរសជាតិឈ្ងុយឆ្ងាញ់ជាច្រើនប្រភេទផងដែរ ។
គុណសម្បត្តិដ៏ពិសេសនៃនំដូណាត់របស់ Big Apple គឺចេញមកពីរូបមន្តប្រចាំម៉ាកមានតែមួយគត់ ជាមួយនឹងការលាយបញ្ចូលគ្នានៃគ្រឿងផ្សំនាំចូលជាង ២០ មុខ យ៉ាងសម្រិតសម្រាំងបំផុត ដើម្បីទទួលបាននំដូណាត់ទន់ឆ្ងាញ់ប្រកបដោយគុណភាពខ្ពស់ ។
សូមបញ្ជាក់ថា Big Apple នឹងមានបង្កើតរសជាតិថ្មីបន្ថែមទៀតគឺ ដូណាត់ពងទាប្រៃ និង ដូណាត់ស្លឹកតយ ដែលនឹងធ្វើឱ្យអតិថិជនកាន់តែពេញចិត្តនូវរសជាតិដ៏ឈ្ងុយឆ្ងាញ់នេះ ។
សូមរំឭកផងដែរថា Big Apple Donuts and Coffee បានបើកដំណើរការដំបូងកាលពីដើមឆ្នាំ២០១៥ ហើយមកទល់បច្ចុប្បន្ននេះ ក្រុមហ៊ុនបានពង្រីកសាខាបន្ថែមចំនួន ៨ កន្លែងទៀតហើយនៅទីក្រុងភ្នំពេញ គឺសាខា បឹងកេងកង (BKK) សាខាទួលគោក (TK) សាខា ម៉ៅសេទុង(MST) សាខាកម្ពុជាក្រោម (KPK) សាខាបឹងត្របែក (BTK) សាខា Eden Garden (EG) សាខាឈូកមាសផ្លាហ្សា និងសាខាថ្មីទី ៨ អូឡាំព្យាម៉ល (OLP) ។
សម្រាប់ព័ត៌មានបន្ថែម សូមចូលទៅកាន់គេហទំព័រ ៖ https://bigappledonuts.com/ ឬ Facebook: bigapple.cambodia និង Instagram: bigappledonutscambodia ៕
កែសម្រួលដោយ ៖ សំណាង
ចែករំលែកព័តមាននេះ