រាជធានីភ្នំពេញ ៖ សម្តេចតេជោនាយករដ្ឋមន្ត្រី ហ៊ុន សែន បានបញ្ជាក់ជាសាធារណៈថា វៀតណាមមិនមែនជាឧបសគ្គសម្រាប់ការធ្វើនយោបាយ និងអភិវឌ្ឍន៍សេដ្ឋកិច្ចនៅកម្ពុជានោះទេ ចាប់តាំងពីដើមឡើយមកម្ល៉េះ ។…
រាជធានីភ្នំពេញ ៖ សម្តេចតេជោនាយករដ្ឋមន្ត្រី ហ៊ុន សែន បានបញ្ជាក់ជាសាធារណៈថា វៀតណាមមិនមែនជាឧបសគ្គសម្រាប់ការធ្វើនយោបាយ និងអភិវឌ្ឍន៍សេដ្ឋកិច្ចនៅកម្ពុជានោះទេ ចាប់តាំងពីដើមឡើយមកម្ល៉េះ ។ ការបញ្ជាក់បែបនេះរបស់សម្តេចតេជោ គឺបន្ទាប់ពីក្រុមប្រឆាំងតែងតែរិះគន់ និងលើកឡើងថា រាជរដ្ឋាភិបាលបច្ចុប្បន្នគឺជារដ្ឋាភិបាលអាយ៉ងវៀតណាម ។
សម្តេចតេជោបានលើកឡើងក្នុងពិធីប្រារព្ធខួបអនុស្សាវរីយ៍លើកទី៤០ នៃការបង្កើតធនាគារជាតិនៃកម្ពុជាឡើងវិញ(១០ តុលា ១៩៧៩-១០ តុលា ២០១៩) នៅសាលសន្និសីទចតុមុខថា «វៀតណាមមិនមែនជាឧបសគ្គសម្រាប់ការធ្វើកំណែទម្រង់របស់ខ្ញុំទេ ចំពោះស្ថានការណ៍នយោបាយនិងសេដ្ឋកិច្ចកម្ពុជា ។
សូមបញ្ជាក់ឲ្យច្បាស់ថា ការសម្រេចចិត្តរបស់ខ្ញុំនៅក្នុងពេលដែលកងទ័ពវៀតណាមមានវត្តមាននៅកម្ពុជា គឺវៀតណាមបានសហការថែមទៀត ខណៈកម្ពុជាបានចែកដីឲ្យប្រជាពលរដ្ឋកាន់កាប់ធ្វើជាកម្មសិទ្ធិឯក
ជន» ។
សម្តេចតេជោបានគូសបញ្ជាក់ថា យើងឯណេះចែកដីឲ្យប្រជាពលរដ្ឋ ឯវៀតណាមដែលមានកងទ័ពនៅកម្ពុជាន ៅធ្វើសហករណ៍នៅឡើយទេ ។ជាមួយគ្នានេះ សម្តេចតេជោក៏បានលើកឡើងថា សមទ្ធិផលដែលបានកើតឡើងដោយភាពស្រួលមិនងាយថែរក្សានោះទេ តែនេះជាសមទ្ធិផលដែលបានមកដោយការខិតខំរបស់យើងយ៉ាងលំបាក ។
ខ្ញុំអរគុណចំពោះថ្នាក់ដឹកនាំទាំងអស់ និងប្រជាជនកម្ពុជាដែលបានគាំទ្រគំនិតផ្តួចផ្តើមតាមដំណាក់កាលនីមួយៗ ដែលរហូតមកដល់ពេលនេះគឺជាខួប៤០ឆ្នាំ គឺជាពេលវេលាដែលយើងឈរជើងរឹងមាំនៅក្នុងទឹកដីរបស់យើង ។សម្តេចតេជោបានអះអាងថា បើសម្តេចនិយាយប្រវត្តិពីដើមវិញ ២០០ម៉ោង ក៏មិនអស់ដែរ ប៉ុន្តែខ្ញុំមិនមានពេល ៕
ចែករំលែកព័តមាននេះ