រាជធានីភ្នំពេញ ៖ សម័យបច្ចេកវិទ្យាជឿនលឿនគេសង្កេតឃើញថា ក្មេងៗមួយចំនួនពិសេសនៅតំបន់ទីប្រជុំជន និងទីក្រុងត្រូវបាននិងកំពុងប្រើប្រាស់ទូរស័ព្ទស្មាតហ្វូន ឬអាយផេតដោយឪពុកម្តាយអនុញ្ញាតឱ្យមើល ទោះបីដឹងពីគុណវិបត្តមួយចំនួនក្តី ។ យ៉ាងណាមិញ យើងមកតោងដឹងពីមូលហេតុដែលឪពុកម្តាយឱ្យកូនៗមើលទូរស័ព្ទអាយផេត…
រាជធានីភ្នំពេញ ៖ សម័យបច្ចេកវិទ្យាជឿនលឿនគេសង្កេតឃើញថា ក្មេងៗមួយចំនួនពិសេសនៅតំបន់ទីប្រជុំជន និងទីក្រុងត្រូវបាននិងកំពុងប្រើប្រាស់ទូរស័ព្ទស្មាតហ្វូន ឬអាយផេតដោយឪពុកម្តាយអនុញ្ញាតឱ្យមើល ទោះបីដឹងពីគុណវិបត្តមួយចំនួនក្តី ។ យ៉ាងណាមិញ យើងមកតោងដឹងពីមូលហេតុដែលឪពុកម្តាយឱ្យកូនៗមើលទូរស័ព្ទអាយផេត អ្នកស្រីអាំ សុគន្ធា អាយុ៣៦ឆ្នាំ ជាស្ត្រីមេផ្ទះ រស់នៅក្នុងទីក្រុងភ្នំពេញបានឲ្យដឹងថា មូលហេតុដែលគាត់ឲ្យកូនមើលទូរស័ព្ទ ឬអាយផេតនោះដោយសារមានពេលវេលាធ្វើការងារផ្ទះ ដូចជាដាំបាយស្ល បោកខោអាវ បោសជូនផ្ទះ ។ល។
អ្នកស្រីបានបញ្ជាក់ថា «កាលកូនបងអាយុប្រហែលជាង២ឆ្នាំ ឱ្យគាត់មើលអាយហ្វូន និងអាយផេតរាល់ថ្ងៃ មួយថ្ងៃមិនតិចជាង១០ម៉ោងទេ ។ គាត់មិនមើលតែពេលគេងប៉ុណ្ណោះ ។ អាចថា ពេលហ្នឹងគាត់មិនទាន់ដឹងច្បាស់ពីផលប៉ះពាល់ខ្លាំងពីការមើលទូរស័ព្ទ ឬអាយផេតនេះទេ គឺឱ្យគាត់កូន ដើម្បីកំុឱ្យមករំខានឪពុកម្តាយ មិនអាចធ្វើការងារអីបាន» ។
អ្នកស្រីបន្តថា នៅពេលដែលកូនមើល គឺគាត់ជាម្តាយ និងប៉ារបស់គាត់មានពេលច្រើនក្នុងការធ្វើការងារផ្ទះ ក៏ដូចជាការងាររកប្រាក់ចំណួលជាដើម។ អ្នកស្រីបានឲ្យដឹងទៀតថា គាត់ឲ្យកូនមើលទូរស័ព្ទប្រហែលជាជាង១ឆ្នាំ ហើយអ្នកស្រីបានចាប់ផ្តើមសម្គាល់លើកូនគាត់ គឺភ្នែកគាត់មានភាពមិនប្រក្រតី ភ្នែកគាត់ញាក់ៗ ហើយ គាត់តែងតែយកដៃញីភ្នែកជាញឹកញាប់ នៅពេលដែលគាត់មើលអ្វីមួយ ពិសេសភ្នែកគាត់ចាប់ ផ្តើមចាញ់ពន្លឺ ។ ពាក់ព័ន្ធនឹងបញ្ហាភ្នែកនេះដែរ អ្នកស្រីឲ្យដឹងថា បានចាប់ផ្តើមស្រាវជ្រាវមើលពីមូលហេតុដែលនាំឲ្យកូនអ្នកប្រែប្រួលភ្នែក ហើយក៏ឈប់ឲ្យគាត់មើលរហូតមកដល់ពេលនេះ។
អ្នកស្រីបញ្ជាក់ថា «ការមើលទូរស័ព្ទ ឬអាយផេត មានទាំងចំណុចល្អ និងមិនល្អ។ ចំណុចមិនល្អ គឺប៉ះពាល់ភ្នែកកូន និងការទំនាក់ទំនងទៅអ្នកផ្សេងខ្សោយ គឺគាត់មិនសូវនិយាយរកអ្នកជុំវិញខ្លួន» ។ យ៉ាងណាក្តីបងស្រីក៏បានបញ្ជាក់ថា «ចំណុចល្អគឺ គាត់ឆ្លាត ខាងចាប់បានភាសាបរទេស ។ គាត់ចេះប្រើពាក្យ ឬឃ្លាជាភាសាអង់គ្លេស និងឆាប់យល់ពីអ្វីដែលគេនិយាយជាភាសាអង់គ្លេស» ។
ទាក់ទិននឹងការឱ្យកូនមើលទូរស័ព្ទនេះដែរ លោក ស្រ៊ុន ទិត្យ អ្នករស់នៅភ្នំពេញបានឲ្យដឹងថាកាលដែលគាត់ឲ្យកូនមើលទូរស័ព្ទដោយសារចង់ឲ្យកូនចេះ និងមានពេលច្រើនក្នុងកា រធ្វើការងារ ដើម្បីផ្តត់ផ្គង់ជីវភាពគ្រួសារ។
យ៉ាងណាលោកថា សម័យបច្ចុប្បន្នជាសម័យបច្ចេកវិទ្យាទំនើប នៅលើពិភពលោកមិនថា ប្រទេសអ្នក មានឬប្រទេសអ្នកក្រ មិនថាអ្នកមាន ឬអ្នកក្រ ។ បើយើងក្រលេកទៅមើលវិស័យទំនាក់ទំនងវិញ គឺមានការរីកចំរើនខ្លាំងណាស់ សម័យមុនការទំនាក់ទំនង គឺពិបាកទាក់ទងគ្នាខ្លាំងណាស់ ដោយប្រើប្រាស់់ សរសេរជាសំបុត្រយកទៅដាក់នៅប្រៃសណីយ ហើយប្រើរយៈពេលយូរថ្ងៃ ទើបទៅដល់បងប្អូន ។ តែឥលូវជាសម័យទំនើបគ្រាន់តែចាប់ទូរស័ព្ទតេទៅ គឺទៅដល់បងប្អូនដែលនៅឆ្ងាយឮទាំងសម្លេង និងមើលរូបគ្នាទៅវិញទៅមកបានទៀតផង ។
លោកបញ្ជាក់ថា «សព្វថ្ងៃ មិនថាក្មេង ឬមនុស្សចាស់ទេ ម្នាក់ៗសុទ្ទតែមានទូរស័ព្ទរៀងៗខ្លួន សម្រាប់ធ្វើការទំនាក់ទំនងគ្នាទៅវិញទៅមក។ព្រោះបច្ចេកវិទ្យាដ៏ទំនើបនេះ ហើយបានជាឪពុកម្ដាយខ្លះបានទិញទូរស័ព្ទអោយកូនប្រើប្រាស់ សម្រាប់ធ្វើការទំនាក់ទំនងគ្នាងាយស្រួល មិនដើររកគ្នាងាយស្រួលប្រកបមុខរបរ និងងាយស្រួលក្នុងការងារផ្សេងៗ។ក៏ប៉ុន្ដែការ ប្រើប្រាស់ទូរស័ព្ទខ្លះ ក៏បណ្ដាឲ្យកើតហានិភ័យខ្លាំងណាស់ដែរ ដូចជាក្មេងខ្លះ ឪពុកម្ដាយបណ្ដោយឲ្យកូនលេងហ្គេម រហូតខូចភ្នែកនិងភ្លេចការរៀនសូត្រក៏មាន»។
ចំណែកលោក គង់ សេរីរ័ត្ន មន្ត្រីបំរើការងារនៅក្នុងស្ថាប័នរដ្ឋមួយបានឲ្យដឹងថា មូលហេតុដែលលោកឲ្យកូនមើលទូរស័ព្ទនោះ ដោយសារពេលខ្លះលោកនិងភរិយាមានការរវល់នឹងការងារផ្ទះ និងការងារខាងក្រៅច្រើន ។ ជាងនេះ ការការឲ្យមើលទូរស័ព្ទនេះដែរ ដើម្បីបន្លំកូន ឬលួងកូនដូចជាឲ្យដេក ឲ្យញាំអាហារ ញាំថ្នាំជាដើម។
ទោះជាយ៉ាងណាលោកថា ស្ទើរតែគ្រប់ម្តាយឪពុកបានឲ្យកូនមើលទូរស័ព្ទព្រោះ ដើម្បីមានពេលវេលាធ្វើការងារដូចជាអ្នកខ្លះមានពេលធ្វើការងារផ្ទះ មានពេលវេលានិយាយ ពីនេះ ពីនោះជាមួយមិត្តភក្តិ ឬមានពេលធ្វើនេះធ្វើនោះ ដែលមានលក្ខខណៈខុសគ្នារវាងគ្រួសារមួយទៅគ្រួសារមួយ ។
ចែករំលែកព័តមាននេះ