ខេត្តកណ្តាល ៖ សេចក្តីរាយការណ៍បឋមបានឲ្យដឹងថា អំពើហិង្សាមួយបានកើតឡើងបណ្តាលអោយបុរសម្នាក់រងរបួស ខណៈដែលជនបង្កឪពុក និងកូន តែកូនរត់គេចខ្លួន ឪពុកត្រូវនគរបាលឃាត់ខ្លួន ដែលហេតុការណ៍នេះ បានកើតឡើងនៅវេលាម៉ោង២១និង០០នាទីយប់…
ខេត្តកណ្តាល ៖ សេចក្តីរាយការណ៍បឋមបានឲ្យដឹងថា អំពើហិង្សាមួយបានកើតឡើងបណ្តាលអោយបុរសម្នាក់រងរបួស ខណៈដែលជនបង្កឪពុក និងកូន តែកូនរត់គេចខ្លួន ឪពុកត្រូវនគរបាលឃាត់ខ្លួន ដែលហេតុការណ៍នេះ បានកើតឡើងនៅវេលាម៉ោង២១និង០០នាទីយប់ ថ្ងៃទី០៧ តុលានេះ ចំណុចមុខផ្ទះជនរងគ្រោះចំហៀងខាងត្បូង ភូមិបឹងជន្លេន ឃុំឬស្សីជ្រោយ ស្រុកមុខកំពូល ខេត្តកណ្តាល ។
ជនរងគ្រោះឈ្មោះ លឹម សំអាត ភេទប្រុស អាយុ៦៣ឆ្នាំ ជនជាតិខ្មែរ មុខរបរកសិករ រស់នៅភូមិ-ឃុំកើតហេតុ ។ ជនសង្ស័យ០២នាក់ ទី០១-ឈ្មោះ ហុង ប៊ុនធឿន ភេទប្រុស អាយុ ៤៦ឆ្នាំ ជនជាតិខ្មែរ រស់នៅភូមិ-ឃុំកើតហេតុ មុខរបរកម្មករសំណង់ និងទី០២-ឈ្មោះ ថៃ ប៊ុនរ៉ុង ភេទប្រុស អាយុ២០ឆ្នាំ ជនជាតិខ្មែរ រស់នៅភូមិ-ឃុំកើតហេតុ មុខរបរកម្មករលក់គ្រឿង សំណង់ (គេចខ្លួន) ។
នគរបាលបានប្រាប់អោយដឹងថា កន្លងមកជនសង្ស័យ ហុង ប៊ុនធឿន ជាប្អូនថ្លៃជនរងគ្រោះលឹម សំអាត ធ្លាប់មានទំនាស់គ្នាពីរឿងជនរងគ្រោះបើកវិទ្យុរំខានការដេកពួន (ផ្ទះជិតគ្នា) ។ ដោយថ្ងៃទី០៧ តុលានេះ វេលាម៉ោង១៧និង០០នាទី ឈ្មោះ ហុង ប៊ុនធឿន បានផឹកស្រានៅផ្ទះឈ្មោះ ចំរើន យុទ្ធ នៅភូមិព្រែកយាយហ៊ិនទី២ ឃុំឬស្សីជ្រោយ ជាមួយឈ្មោះចាន់ណា រហូតដល់ម៉ោង១៩និង៣០នាទី ឈ្មោះហុង ប៊ុនធឿនបានជិះម៉ូតូទៅផ្ទះ រួចក៏ដើរទៅផឹកនៅផ្ទះឈ្មោះ ទូច បន្តទៀតដែលត្រូវជាបងប្អូនរហូតដល់ម៉ោង២១និង០០នាទីឈ្មោះ ហុង ប៊ុនធឿន មានភាពស្រវឹងបានដើរមកផ្ទះបង្ករឿងឡូឡាជាមួយជនរងគ្រោះទៅវិញទៅមក នៅពេលនោះជនសង្ស័យឈ្មោះ ថៃ ប៊ុនរ៉ុង ជាកូនបង្កើតឈ្មោះ ហុង ប៊ុនធឿន បានដើរចុះពីលើផ្ទះមិនដឹងថា មានកាន់អីនោះទេ ចុះបាត់រយៈពេលប្រហែលជា០២នាទី ស្រាប់តែឮជនរងគ្រោះស្រែកអូយៗជួយផង នៅក្រោមជណ្ដើរផ្ទះខ្លួនឯង ។
ភ្លាមនោះម្ដាយជនសង្ស័យឈ្មោះ ថៃ ប៊ុនរ៉ុង ក៏ចុះមកដីឃើញជនរងគ្រោះមានរបួសហូរឈាមដេកដួលនៅកន្លែងកើតហេតុ ហើយមិនហ៊ានមើលក៏ដើរត្រឡប់មកផ្ទះវិញ ។ ចំណែកជនសង្ស័យឈ្មោះ ថៃ ប៊ុនរ៉ុង (ត្រូវជាកូន) បានគេចខ្លួនមិនចូលផ្ទះបាត់ទាំងយប់តែម្តង ។ ក្រោយពីទទួលដំណឹងភ្លាមសមត្ថកិច្ចប៉ុស្តិ៍ និងជំនាញស្រុកបានចុះដល់កន្លែងកើតហេតុ ហើយបានឃាត់ខ្លួនជនសង្ស័យឈ្មោះ ហុង ប៊ុនធឿន បញ្ជូនមកអធិការដ្ឋាននគរបាលស្រុក ដើម្បីសាកសួរ តែជនសង្ស័យឆ្លើយថា ខ្លួនស្រវឹងស្រាអត់ដឹងទេ ។
តាមការសួរជនរងគ្រោះឆ្លើយថាឈ្មោះ ធឿន និងម្នាក់ទៀតមើលមិនច្បាស់បានលួចវ៉ៃខ្លួនបណ្ដាលឲ្យមានរបួស ។ ជនរងគ្រោះត្រូវបានបញ្ជូនទៅធ្វើការសង្គ្រោះបន្ទាន់នៅមន្ទីរពេទ្យភ្នំពេញ ។ ករណីនេះផ្នែកជំនាញ និងប៉ុស្តិ៍កំពុងបន្តស្រាវជ្រាវចាប់ខ្លួនជនសង្ស័យឈ្មោះថៃ ប៊ុនរ៉ុង ចាត់ការតាមនីតិវិធី ៕ កែសម្រួលដោយ ៖សុឃាក់
ចែករំលែកព័តមាននេះ