រាជធានីភ្នំពេញ៖ ប្រជាពលរដ្ឋចំនួន៧គ្រួសារបានប្រតិកម្ម និងទទួចសុំអោយសាលារាជធានីភ្នំពេញជំរុញធ្វើការដោះស្រាយ ដើម្បីបញ្ចប់ទំនាស់ក៍រ៉ាំរ៉ៃនៅតំបន់អភិវឌ្ឍន៍ឬស្សីកែវ ខណៈពេលដែលអាជ្ញាធរខណ្ឌ ប្ញស្សីកែវបានប្រើកម្លាំងជាង១០០នាក់ចុះទៅវាស់វែង និងការពារគ្រឿងចក្រ ដើម្បីចាក់ដីឈូសឆាបស្ថាបនាផ្លូវ។ ការប្រើ កម្លាំងចុះទៅវាស់វែងស្ថាបនាផ្លូវនេះ…
រាជធានីភ្នំពេញ៖ ប្រជាពលរដ្ឋចំនួន៧គ្រួសារបានប្រតិកម្ម និងទទួចសុំអោយសាលារាជធានីភ្នំពេញជំរុញធ្វើការដោះស្រាយ ដើម្បីបញ្ចប់ទំនាស់ក៍រ៉ាំរ៉ៃនៅតំបន់អភិវឌ្ឍន៍ឬស្សីកែវ ខណៈពេលដែលអាជ្ញាធរខណ្ឌ ប្ញស្សីកែវបានប្រើកម្លាំងជាង១០០នាក់ចុះទៅវាស់វែង និងការពារគ្រឿងចក្រ ដើម្បីចាក់ដីឈូសឆាបស្ថាបនាផ្លូវ។
ការប្រើ កម្លាំងចុះទៅវាស់វែងស្ថាបនាផ្លូវនេះ បានធ្វើឡើងកាលពីវេលាម៉ោងប្រមាណ៨ព្រឹកថ្ងៃទី០៧ ខែតុលាឆ្នាំ ២០១៩ នៅក្នុងតំបន់អភិវឌ្ឍន៍ឬស្សីកែវ ដែលស្ថិតនៅភូមិ ទួលពពែ សង្កាត់ទួលសង្កែ២ខណ្ឌឬស្សីកែវក្រោយការដឹកនាំ ដោយលោកជា ពិសីអភិបាលខណ្ឌឬស្សីកែវ ។ ទន្ទឹមការចុះវស់វែងឈូសផ្លូវ គេឃើញ ប្រជាពលរដ្ឋចំនួន ៧គ្រួសារ ដែលបានរស់កាន់នៅតំបន់អភិវឌ្ឍន៍ មានទំនាស់ពុំទាន់ដោះស្រាយចប់ក៍បានចេញមកប្រតិកម្ម នឹងទទួចសុំអោយសាលារាជធានីភ្នំពេញដោះស្រាយសិន ។
តាមសេចត្តីជួនដំណឹងរបស់រដ្ឋបាលខណ្ឌឬស្សីកែវបានអោយដឹងថា ការចុះវាស់វែង បើកផ្លូវទាំងអស់នៅក្នុង តំបន់អភិវឌ្ឍន៍ ឬស្សីកែវធ្វើឡើងតាមស្មារតីអង្គប្រជុំរបស់រដ្ឋបាលរាជធានីភ្នំពេញនាថ្ងៃទី០៤ ខែតុលា ឆ្នាំ២០១៩។ តាមសេចត្តីជួនតំណឹងក៍បានអោយដឹងទៀតថា រដ្ឋបាលខណ្ឌឫស្សីកែវបានរៀបចំផែនការចុះវាស់វែងបើកផ្លូវសាធារណៈទាំងអស់ក្នុងតំបន់អភិវឌ្ឍន៍ឫស្សីកែវស្ថិតក្នុងភូមិទួលពពែ សង្កាត់ទួលសង្កែទី២ និងភូមិស្ពានខ្ពស់ សង្កាត់គីឡូម៉ែត្រលេខ៦។
ចំពោះមុខរដ្ឋបាលខណ្ឌបានចុះវាស់វែង បោះគោលកំណាត់ផ្លូវលេខ១៧២១ កំណាត់ផ្លូវលេខ១៧២៣ រួចរាល់ និងកំពុងចាក់ដី ឈូសឆាយបើកផ្លូវលេខ១៨០២ហើយនឹងបន្តចុះវាស់វែង បោះគោល និងឈូសឆាយបើកផ្លូវលេខ១៨០៤បន្តនៅថ្ងៃទី០៧ ខែតុលា ឆ្នាំ២០១៩នេះ។ឡែកកំណាត់ផ្លូវលេខ ១៧២១និងផ្លូវលេខ ១៧២៣ ដែលនៅសល់នឹងបន្តឈួសឆាយបើកផ្លូវបន្តទៀត។ នៅក្នុងសេចក្តីជួនដំណឹង ក៍បានជំរាបជូនដំណឹងដល់សាធារណៈជនទាំងអស់ ពិសេសម្ចាស់ក្បាលដីដែលស្ថិតក្នុងតំបន់អភិវឌ្ឍន៍ឫស្សីកែវ ដែលមានក្បាលដីពាក់ព័ន្ធមេត្តាចូលរួមសហការជាមួយក្រុមការងារក្នុងការបើកផ្លូវសាធារណៈនេះឲ្យទទួលបានជោគជ័យប្រកបដោយប្រសិទ្ធភាពខ្ពស់ ។
ដោយឡែកចំពោះរូបវន្តបុគ្គលណាដែលកំពុងកាន់កាប់ដីផ្លូវសាធារណៈរបស់រដ្ឋទាំងបំពានច្បាប់សូមប្រគល់ដីផ្លូវនោះជូនរដ្ឋវិញដោយការស្ម័គ្រចិត្ត និងប្រកបដោយការទទួលខុសត្រូវតាមផ្លូវច្បាប់។ តាមប្រជាពលរដ្ឋ ៧គ្រួសារ បានអោយដឹងថា ពួកគាត់ ត្រេកអរណាស់ មិនជំទាស់នោះទេចំពោះអាជ្ញាធរ ដែល ឈូសឆាយបើកផ្លូវ តែសូមអោយ សាលារាជធានីភ្នំពេញដោះស្រាយអោយចប់សិន ដោយទទួលបាននូវគោលការឈ្នះឈ្នះ ទាំងអស់ គ្នា។ម្យ៉ាងទៀត រឿងទំនាស់ដីធ្លីនេះកំពុងតែប្តឹងផ្តល់គ្នា នៅតុលាការ ហើយ ត្រូវបានចៅក្រមកោះហៅជាលើកទី២ នៅថ្ងៃទី១៨ ខែតុលាខាងមុខនេះស្រាប់តែអាជ្ញាធរ បានជួនដំណឹង អោយពួកគាត់រុះរើចេញ។
តាមប្រជាពលរដ្ឋ បានអោយដឹងទៀតថា ដីដែល ពួកគាត់បានរស់នៅ និងកាន់កាប់ដីតាំងពីឆ្នាំ ១៩៨២មកម្លេះ ដោយមកត្រូវបានសាលាក្រុង បានយកដីរបស់ដាក់ជាតំបន់អភិវឌ្ឍន៍ ហើយ លក់អោយមន្ត្រីរាជការ២០ម៉ឺនរៀល ហើយ ពួកគាត់បាននាំគ្នា តវ៉ា អស់រយះពេលជាង២០ឆ្នាំ មក ហើយ ត្រូវបានគណះកម្មាការដោះស្រាយវិវ៉ាទដីធ្លីដោះស្រាយ ប្រគល់អោយ ពួកគាត់ខ្លះ១ឡូតិ៍ ,៣ឡូតិ៍ , ៤ឡូតិ៍ជាដើមតែពួកគាត់មិនយល់ព្រមព្រោះខ្លះមានដីជាង១ហិតតាបានតែ៤ឡូតិ៍ ទំហំ២០គុណ៣០ម៉ែត្រតែប៉ុណ្ណោះ៕
ចែករំលែកព័តមាននេះ