ខេត្តព្រះសីហនុ ៖ គ្រោះថ្នាក់ចរាចរណ៍រវាងរថយន្តក្រឡុកស៊ីម៉ង់ត៍មួយគ្រឿងបើកបត់ស្តាំបានកៀររួចកិនម៉ូតូមួយគ្រឿង បណ្តាលឱ្យអ្នកបើកបរម៉ូតូស្លាប់នៅនឹងកន្លែង និងអ្នករួមដំណើរម្នាក់រងរបួសស្រាល ។ ហេតុការណ៍ខាងលើនេះបានកើតឡើងកាលពីវេលាម៉ោង៩និង៣០ព្រឹកថ្ងៃទី៥ ខែតុលា ឆ្នាំ២០១៩ តាមបណ្តោយផ្លូវវិថីឯករាជ្យ…
ខេត្តព្រះសីហនុ ៖ គ្រោះថ្នាក់ចរាចរណ៍រវាងរថយន្តក្រឡុកស៊ីម៉ង់ត៍មួយគ្រឿងបើកបត់ស្តាំបានកៀររួចកិនម៉ូតូមួយគ្រឿង បណ្តាលឱ្យអ្នកបើកបរម៉ូតូស្លាប់នៅនឹងកន្លែង និងអ្នករួមដំណើរម្នាក់រងរបួសស្រាល ។
ហេតុការណ៍ខាងលើនេះបានកើតឡើងកាលពីវេលាម៉ោង៩និង៣០ព្រឹកថ្ងៃទី៥ ខែតុលា ឆ្នាំ២០១៩ តាមបណ្តោយផ្លូវវិថីឯករាជ្យ ត្រង់ចំណុចផ្កាឈូក (វេទិកា៧មករា) ស្ថិតនៅភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ ។
ភាគីខាងរថយន្តក្រឡុកមួយគ្រឿង ពណ៌ស ពាក់ផ្លាកលេខ ព្រះសីហនុ ៥A-៣០០១ ជាកម្មសិទ្ធិរបស់ក្រុមហ៊ុនហ្វុងរ៉ូ បើកបរដោយឈ្មោះស្ងួន ពិសាល ភេទប្រុស អាយុ៣០ឆ្នាំ មានទីលំនៅភូមិក្រសាជេត ឃុំរំចេក ស្រុកព្រះស្តេច ខេត្តព្រៃវែង ត្រូវសមត្ថកិច្ចឃាត់ខ្លួន។ ចំណែកភាគីខាងម៉ូតូ១គ្រឿងជិះគ្នា២នាក់ម៉ាកហុងដា ធុនC125 ពណ៌ខ្មៅ គ្មានស្លាកលេខ បើកបរដោយឈ្មោះ មុំ ឆាន ភេទប្រុស អាយុ៥២ឆ្នាំ មុខរបររត់ម៉ូតូឌុប បានស្លាប់នៅនឹងកន្លែងកើតហេតុ និងអ្នករួមដំណើរម្នាក់ឈ្មោះ មុំ ឆេ ភេទស្រី អាយុ៤៧ឆ្នាំ រងរបួសស្រាល។ ជនរងគ្រោះទាំងពីរនាក់មានទីលំនៅក្នុងស្រុកទំលាប់ ខេត្តតាកែវ ។
ក្រោយពេលកើតហេតុ អ្នកបើករថយន្តត្រូវបានសមត្ថកិច្ចនាំខ្លួនមកធ្វើការសាកសួរនៅការិយាល័យនគរបាលចរាចរណ៍ផ្លូវគោក ដើម្បីកសាងសំណុំរឿងចាត់ការតាមនីតិវិធី ។ រីឯរថយន្ត និងម៉ូតូ ត្រូវបានសមត្ថកិច្ចយកមករក្សាទុកនៅការិយាល័យនគរបាលចរាចរណ៍ផ្លូវគោក ៕ (កែសម្រួលដោយ ៖ ធីតា)
ចែករំលែកព័តមាននេះ