រាជធានីភ្នំពេញ ៖ រថយន្ត FORTUNER មួយគ្រឿងបើកបរ និងរួមដំណើរដោយបុរស2នាក់ធ្វើដំណើរក្នុងល្បឿនលឿនដូចហោះស្របពេលមេឃកំពុងភ្លៀងក៏ជ្រុលទៅបុកនឹងក្បាលនាគពុះចែកទ្រូងបណ្តាលឲ្យដួលខូចខាតអស់ចំនួន2កង់ ចំណែករថយន្តបង្កខូចខាតមួយចំហៀងមុខខាងឆ្វេង ។ ហេតុការណ៍នេះដែលបានកើតឡើងកាលពីវេលាម៉ោង10នឹង15នាទីយប់ ថ្ងៃទី3 តុលា នៅតាមបណ្តោយមហាវិថីព្រះនរោត្តម ទល់មុខនឹងក្រសួងវប្បធម៌ និងវិចិត្រសិល្បៈ ស្ថិតនៅសង្កាត់ទន្លេរបាសាក់ ខណ្ឌចំការមន ។ រថយន្ដបង្កម៉ាក FORTUNER ពណ៌ទឹកប្រាក់ ពាក់ស្លាកលេខ បាត់ដំបង 2A-6191 បើកបរ និងរួមដំណើរដោយបុរស2នាក់ ។
ប្រភពព័ត៌មានពីប្រជាពលរដ្ឋដែលឃើញហេតុការណ៍បានប្រាប់ឱ្យដឹងថា មុនកើតហេតុគឺគាត់បានឃើញរថយន្តបង្កខាងលើធ្វើដំណើតាមបណ្តោយមហាវិថីព្រះនរោត្តមទិសដៅពីត្បូងទៅជើងក្នុងល្បឿនលឿនដូចហោះ ស្របពេលមេឃកំពុងភ្លៀងមកដល់កន្លែងកើតហេតុក៏ជ្រុលបុកនឹងក្បាលនាគពុះចែកទ្រូងពេញទំហឹងចំកង់មុខខាងឆ្វេងបណ្តាលឱ្យទ្រូងផ្លូវដួលបែករងការខូចខាត ។ ចំណែករថយន្តបើកទៅមុខបានមួយរយម៉ែត្រក៏អស់ល្បឿនទៅមុខលែងរួចបណ្តាលឲ្យរថយន្តរងការខូចខាតមួយកំណាត់មុខចំហៀងខាងឆ្វេងយ៉ាងដំណំក្រោយបង្កហេតុអ្នកបើកបររថយន្ត និងអ្នករួមដំណើរបានចេញពីរត់គេចខ្លួនបាត់ស្រមោល ។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុហើយពិនិត្យមើលរថយន្តបង្កឃើញមានភាពមិនប្រក្រតីក៏បានស្គេន QR Code នៅលើផ្លាកលេខរថយន្តបង្កតែអ្វីដែលចំឡែកបន្ទាប់ពីស្គេននោះគឺបែរជាលោតម៉ាករថយន្តផ្សេង និងផ្លាកលេខផ្សេងទៅវិញដោយនៅលើ QR Code បន្ទាប់ពីស្គេនគឺលោតផ្លាកលេខ រដ្ឋ06 2-5168 ម៉ាករថយន្ត TOYOTA 4RUNNER ពណ៌ទឹកមាស ទៅវិញខុសពីម៉ាករថយន្តបង្ក ។
ក្រោយកើតហេតុរថយន្ដបង្កត្រូវសមត្ថកិច្ចមូលដ្ឋានប្រគល់ទៅឱ្យខាងជំនាញចរាចរណ៍ក្រុងធ្វើការវាស់វែងយកទៅរក្សាទុកនៅការិយាល័យនរគរបាលចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចាត់ការតាមនីតិវិធី ៕
កែសម្រួលដោយ ៖ សំណាង
ចែករំលែកព័តមាននេះ