រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ជនសង្ស័យជាជនជាតិចិនតៃវ៉ាន់ ម្នាក់ដែលបាញ់សម្លាប់មិត្តភក្តិមិនបានសម្រេចត្រូវបានកម្លាំងនគរបាលព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញស្រាវជ្រាវឃាត់ខ្លួន និងបង្ហាញមុខជាសារណៈ កាលពីវេលាម៉ោងប្រមាណជាង១រសៀល ថ្ងៃទី០៤ ខែតុលានេះហើយ ។…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ជនសង្ស័យជាជនជាតិចិនតៃវ៉ាន់ ម្នាក់ដែលបាញ់សម្លាប់មិត្តភក្តិមិនបានសម្រេចត្រូវបានកម្លាំងនគរបាលព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញស្រាវជ្រាវឃាត់ខ្លួន និងបង្ហាញមុខជាសារណៈ កាលពីវេលាម៉ោងប្រមាណជាង១រសៀល ថ្ងៃទី០៤ ខែតុលានេះហើយ ។
សេចក្តីរាយការណ៍បានបន្ត ជនដៃដល់ត្រូវបានសមត្ថកិច្ចអោយដឹងថាឈ្មោះ LAI SUNGMAO អាយុ៥៣ឆ្នាំ ជាជនជាតិតៃវ៉ាន់ មុខរបរជាពាណិជ្ជករ ស្នាក់នៅបន្ទប់លេខ២២ ផ្ទះសំណាក់ឡេង សុផាន ស្ថិតនៅផ្លូវលេខ៦៤៤ ភូមិដើមអំពិល សង្កាត់ច្បារអំពៅ១ ខណ្ឌច្បារអំពៅ ។
តាមលោកវរៈសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាល បានអោយដឹងថា ជនសង្ស័យត្រូវបានកម្លាំងនគរបាលរបស់លោកសហការណ៍ជាមួយកម្លាំងអធិកាដ្ឋាននគរបាលខណ្ឌទួលគោក កម្លាំងអធិការដ្ឋាននគរបាលខណ្ឌច្បារអំពៅ និងស្នងការដ្ឋាននគរបាលខេត្តកណ្តាលធ្វើការស្រាវជ្រាវឃាត់ខ្លួនបានកាលពីវេលាម៉ោង១ និង៤៥នាទីរសៀល ថ្ងៃទី០២ ខែតុលានេះ ពីបទឃាតកម្មគិតទុកជាមុន (ប្រើអាវុធខ្លី បាញ់ទៅលើមិត្តភក្តិរបស់ខ្លួន ចំនួន៣គ្រាប់ដែលបានប្រព្រឹត្តកាលប្រព្រឹត្តកាលពីវេលាម៉ោង៧ និង៥០នាទីយប់ ថ្ងៃទី២៧ ខែកញ្ញា ឆ្នាំ២០១៩ នៅចំណុចមុខទ្វារច្រកចូលភោជនីយដ្ឋាននិងកាហ្វេហ្គ្រីន ភូមិ៣ សង្កាត់ទឹកល្អក់២ ខណ្ឌទួលគោក ។
នៅក្នុងសកម្មភាពជនដៃដល់បានបាញ់ចំនួន៣គ្រាប់ តែពុំបណ្តាលអោយរងរបួសឡើយ ។ ជនរងគ្រោះដែលរងការបាញ់ពីមិត្តភក្តិនេះឈ្មោះ XIAO HONG JE អាយុ៣៧ឆ្នាំ ជនជាតិចិន ស្នាក់នៅផ្ទះជួល សង្កាត់ទួលទំពូង ខណ្ឌចំការមន រាជធានីភ្នំពេញ មុខរបរពាណិជ្ជករ និងឈ្មោះ ស្រូ រិទ្ធី ភេទប្រុស អាយុ៤០ឆ្នាំ ជនជាតិខ្មែរ នៅភូមិអូរបែកក្អម សង្កាត់អូរបែកក្អម ខណ្ឌសែនសុខ រាជធានីភ្នំពេញ មុរខរបរគ្រូបង្រៀន ។
តាមព័ត៌មានបានអោយដឹងថា ឈានទៅបាញ់សម្លាប់មិត្តភក្តិខ្លួនឯងផ្តើមចេញពីទំនាស់ ដែលជនដៃដល់ខឹងជនរងគ្រោះជំពាក់ប្រាក់១៥០០០ដុល្លារមិនសង ហើយជិះរថយន្តម៉ាកTOYOTA HIGHLANDER ពណ៌ទឹកមាស ពាក់ស្លាកលេខភ្នំពេញ២AY៩២២៣ទៅបាញ់សម្លាប់ មិត្តភក្តិចំនួន៣គ្រាប់ តែពុំបណ្តាលអោយរងរបួស ។ បន្ទាប់ពីមានករណីឃាតកម្មសមត្ថកិច្ចបានធ្វើការស្រាវជ្រាវហើយឈានទៅឃាត់ខ្លួនជនសង្ស័យតែម្តង ។
នៅពេលឃាត់ខ្លួនសមត្ថកិច្ចដកហូតបានកាំភ្លើងខ្លីម៉ាក SIG SAUER មួយដើម បង់កាំភ្លើង ចំនួន០១ និងគ្រាប់ចំនួន៣០គ្រាប់ លិខិតឆ្លងដែនចំនួន០២ក្បាល ទូរស័ព្ទដៃចំនួន០២ គ្រឿង ម្សៅពណ៌ស (សង្ស័យជាគ្រឿងញៀន) ចំនួន១០កញ្ចប់ ថ្នាំគ្រាប់ម៉ាកហ្វាយ (សង្ស័យជាគ្រឿងញៀន) ចំនួន០៥គ្រាប់ថ្នាំគ្រាប់ពណ៌ខៀវ និងពណ៌ផ្កាឈូក (សង្ស័យជាគ្រឿងញៀន) ចំនួន១៨គ្រាប់ រថយន្តមួយគ្រឿង ព្រមទាំងសម្ភារមួយចំនួនទៀត ។
តាមព័ត៌មានអោយដឹងទៀតថា ថ្នាំញៀនដែលសមត្ថកចិច្ចដកហូតត្រូវបានជនសង្ស័យ ទិញក្នុងតម្លៃ៥ពាន់ដុល្លារ ដើម្បីទុកប្រើប្រាស់ ។បន្ទាប់ពីបង្ហាញមុខសមត្ថកិច្ចក៏បានបញ្ចូនជនសង្ស័យទៅកាន់សាលាដំបូងចាត់ការតាមច្បាប់ ៕ កែសម្រួលដោយ ៖ សុឃាក់
ចែករំលែកព័តមាននេះ