ប្រកាសចាត់របៀបលើសំណុំរឿងអតីតបុគ្គលិកវិទ្យុអាស៊ីសេរី២នាក់
- ភ្នំពេញ
រាជធានីភ្នំពេញ ៖ កាលពីព្រឹកថ្ងៃទី៣ ខែតុលា ឆ្នាំ២០១៩ ចៅក្រមជំនុំជម្រះសាលាដំបូងរាជធានីភ្នំពេញ លោក អុឹម វណ្ណៈ បានប្រកាសសាលក្រមសម្រេចចាត់របៀបលើសំណុំរឿង…
រាជធានីភ្នំពេញ ៖ កាលពីព្រឹកថ្ងៃទី៣ ខែតុលា ឆ្នាំ២០១៩ ចៅក្រមជំនុំជម្រះសាលាដំបូងរាជធានីភ្នំពេញ លោក អុឹម វណ្ណៈ បានប្រកាសសាលក្រមសម្រេចចាត់របៀបលើសំណុំរឿង…
រាជធានីភ្នំពេញ ៖ កាលពីព្រឹកថ្ងៃទី៣ ខែតុលា ឆ្នាំ២០១៩ ចៅក្រមជំនុំជម្រះសាលាដំបូងរាជធានីភ្នំពេញ លោក អុឹម វណ្ណៈ បានប្រកាសសាលក្រមសម្រេចចាត់របៀបលើសំណុំរឿង អតីតបុគ្គលិកវិទ្យុអាស៊ីសេរី២នាក់ ដោយបង្វិលរឿងនេះទៅចៅក្រមស៊ើបសួរបន្តនីតិវិធីឡើងវិញ ។
សំណុំរឿងលោក យាង សុធារិន្ទ និងលោក អ៊ួន ឈិន ជាប់ចោទចំនួន២បទចោទ គឺទី១ បទ «ផ្ដល់ឱ្យរដ្ឋបរទេសនូវព័ត៌មានជាអាទិ៍ដែលនាំឱ្យអន្តរាយការការពារជាតិ» និងទី២បទ «ផលិតវីដេអូអាសអាភាស» បន្ទាប់ពីបានឃាត់ខ្លួនអ្នកទាំង២កាលពីពាក់កណ្ដាលខែវិច្ឆិកា ឆ្នាំ២០១៧ កន្លងទៅ ។
សាលាដំបូងរាជធានីភ្នំពេញ បានសម្រេចឃុំខ្លួនជនសង្ស័យទាំងពីរនាក់ដាក់ពន្ធនាគារជាបណ្តោះអាសន្នអស់រយៈពេលជាង៩ខែ ទើបអនុញ្ញាតឱ្យនៅក្រៅឃុំ ដោយភ្ជាប់នូវលក្ខខណ្ឌដាក់ឱ្យស្ថិតក្រោមការត្រួតពិនិត្យតាមផ្លូវតុលាការ និងត្រូវបង្ហាញខ្លួននៅសមត្ថកិច្ចនគរបាលប៉ុស្តិ៍ដែលជាអាសយដ្ឋានខ្លួនស្នាក់រៀងរាល់ខែ និងហាមធ្វើដំណើរចេញទៅក្រៅប្រទេស ។
ការប្រកាសសាលក្រមនេះដែរ គេបានសង្កេតឃើញវត្តមានក្រុមអ្នកសង្កេតការសង្គមស៊ីវិល អ្នកកាសែតជាតិ និងក្រុមគ្រួសារជនសង្ស័យក៏បានចូលរួមផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ