លោកអ្នកដឹងទេ ថ្ងៃនេះហាងឆេងអត្រាប្តូរប្រាក់ប្រាក់រៀលខ្មែរហាក់មានប្រៀបជាងប្រាក់ដុល្លារអាមេរិកបន្តិច នេះបើប្រៀបធៀបទៅនឹងថ្ងៃម្សិលមិញ ។ ជាក់ស្តែងនៅថ្ងៃទី០៣ ខែតុលា នេះ ធនាគារ អេស៊ីលីដា ភីអិលស៊ី បានឱ្យដឹងថា ៖ ១ដុល្លារអាមេរិកមានអត្រាទិញត្រឹមតែ ៤.០៩២,០០ រៀល អត្រាលក់ ៤.១០៨,០០ រៀល ដែលកាលពីថ្ងៃទី០២ខែតុលា ម្សិលមិញមានអត្រាទិញ៤.០៩៥,០០ រៀល និងអត្រាលក់រហូតដល់ទៅ៤.១១២,០០ រៀលឯណោះ ។
ប្រភពដដែលឱ្យដឹងទៀតថា ថ្ងៃនេះអត្រាប្តូរប្រាក់បណ្តាប្រទេសផ្សេងៗធៀបជាមួយប្រាក់រៀលរួមមាន ១ដុល្លារអូស្ត្រាលីមានអត្រាទិញ២.៦៩២,៥៤ រៀល អត្រាលក់ ២.៧៩៧,៥៥រៀល, ១អឺរ៉ូមានអត្រាទិញ៤.៤៣១,៦៤ រៀល អត្រាលក់៤.៥៤៣,៤៥ រៀល ។
ចំពោះប្រាក់យ៉េនជប៉ុន គឺ ១យ៉េនមានអត្រាទិញ៣៧,៦៤៤៩ រៀល អត្រាលក់៣៨,៧៩១៣ រៀល, ១បាតថៃមានអត្រាទិញ១៣៣,៦០ រៀល អត្រាលក់១៣៤,៨០រៀល, ១ដុងវៀតណាមមានអត្រាទិញ០,១៧៣៤ រៀល អត្រាលក់ ០,១៧៧៨ រៀល និង១គីបឡាវមានអត្រាទិញ ០,៣៩៦៧ រៀល និងអត្រាលក់០,៤៧២១ រៀល ៕ កែសម្រួលដោយ ៖ សុឃាក់
ចែករំលែកព័តមាននេះ