រាជធានីភ្នំពេញ ៖ ប្រជាពលរដ្ឋប្រមាណ១០នាក់ តំណាងអោយ១៦១គ្រួសារ ក្នុងចំណោម១៦៣គ្រួសារ បានធ្វើសន្និសីតកាសែតថ្លែងអំណអរគុណ ដល់អ្នកដឹកនាំគ្រប់ជាន់ថ្នាក់, តុលាការនិងអាជ្ញាធរមូលដ្ឋាន ព្រមទាំងបញ្ជាក់ថា រឿងទំនាស់ដី១៦៣គ្រួសារបានចប់សព្វគ្រប់ហើយ។ ចំណែកដីដែលដែលពួកគាត់ឈ្នះ តាមអំណាចសាលដីកាលេខ០១ ក្រlllសអ ចុះថ្ងៃទី០៨ កុម្ភៈ ឆ្នាំ ២០១៨ របស់សាលាឧទ្ធរណ៍ ក៏បានលក់ទៅអោយក្រុមហ៊ុន ដែលមានលោកបាញ់ អ៊ុយតា និងលោកគឹម ស៊ូប៊ុតជាតំណាង រួចចប់សព្វគ្រប់ហើយដែរ ។
ការធ្វើសន្និសីទកាសែតនេះ បានធ្វើឡើងកាលពីព្រឹកថ្ងៃទី០២ តុលា ដោយតំណាងប្រជាពលរដ្ឋបាននាំគ្នា កាន់ឯកសារមកឈរបង្ហាញក្រុមបណ្តាញព័ត៌មាននៅលើទីតាំងដី ដែលស្ថិតនៅក្នុងភូមិ រោងចក្រទី១ សង្កាត់គោកឃ្លាង ខណ្ឌសែនសុខ ។
លោកស្រី ហួយ តារាវី តំណាងប្រជាពលរដ្ឋ១៦១គ្រួសារ ក្នុងចំណោម១៦៣គ្រួសារបានអោយដឹងថា សំនុំរឿងដីនេះក្តីក្តាន់គ្នារយះពេល ១៥ឆ្នាំ មកហើយ ដែលពួកគាត់បានប្តឹង ឈ្នះពីលោកស្រី កែវ នាម,
ពី លោក គឹម កៅ និងលោកស្រីជា សារ៉ុម ហើយ ត្រូវបានតុលាការដឹកនាំដោយលោក កុល បុន ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ និងជាមន្ត្រីទទួលបន្ទុកកិច្ចការអាជ្ញាសាលានិង
មានការចូលរួម ពីអាជ្ញាធរ និងសមត្ថកិច្ចខណ្ឌសែនសុខចុះអនុវត្តន៍សាលដិកាប្រគល់ដីនោះអោយពួក
គាត់ ។
បន្ទាប់ពីទទួលបានដី តំណាងប្រជាពលរដ្ឋ ក៍បានធ្វើប័ណ្ណកម្មសិទ្ធិ ព្រមទាំងបែងដីម្នាក់ៗទទួលបានទំហំ៤ម៉ែត្រគុណ១៨ម៉េត្រ ។ដោយសារតែពួកគាត់ពុំមានលទ្ធភាពសាងសង់អភិវឌ្ឍន៍ដីនោះ ប្រជាពលរដ្ឋ ចំនួន ១៦១គ្រួសារក៍បានឯកភាពគ្នា លក់ទៅអោយក្រុមហ៊ុន អាយ អេស ប៊ីយូ(ខេមបួឌា)ឯ.ក ដែលមានលោក បាញ់ អ៊ុយតានិងលោកគឹម ស៊ូប៊ុត ជាតំណាង។ នៅសល់តែ២គ្រួសារ គឺលោកស្រីជា សារ៉ុម និងលោកស្រីទួច គន្ធី ដែលមានចំណែកនៅខាងកើត មិនបានលក់ ហើយ បានបន្តរស់នៅលើរោងរបស់ពួកគាត់នៅផ្នែកខាងលិច លើដីនោះ ព្រមរារាំងក្រុមហ៊ុន មិនអោយធ្វើរបង ។
តំណាងប្រជាពលរដ្ឋរូបនោះ បានអោយដឹងទៀតថា ការធ្វើសន្និសីទកាសែតនៅពេលនេះ គឺដើម្បីថ្លែងអំណអរគុណ និងជូនដំណឹងដល់ថ្នាក់ដឹកនាំ គ្រប់ជាន់ថ្នាក់និងអាជ្ញាធរ ហើយ សំនុំរឿង ទំនាស់ដីធ្លីរបស់ប្រជាពរដ្ឋ១៦៣គ្រួសារបានបញ្ចប់ហើយ ។ ចំណែកបុគ្គល២នាក់ ដែលមានចំណែកដីហើយ មិនលក់ហើយបន្តរស់នៅលើដីរបស់ក្រុមហ៊ុន វាជារឿងបុគ្គលដែលប្រព្រឹត្តបទល្មើស ហើយពេលនេះក្រុមហ៊ុនប្តឹងទៅតុលាការចាត់ការតាមច្បាប់ហើយ ។
ដូចនេះសូមថ្នាក់លើ ក៏ដូចជាសារធារណះៈជ្រាបជាព័ត៌មាន កុំយល់ច្រឡំទៀត ប្រជាពលរដ្ឋ ទទួលបានយុត្តិធម៌ហើយ ។ គួរបញ្ជាក់ថា ដីទំនាស់នោះមានទំហំ១០៧៥០ម៉ែត្រការ៉េ ដែលបានប្តឹងផ្តល់គ្នាប្រមាណ១៥ឆ្នាំមកហើយ ហើយប្រជាពលរដ្ឋ១៦៣គ្រួសារជាអ្នកឈ្នះក្តី ។
គេនៅចាំបានថា កាលពីថ្ងៃទី១៨ មេសា ឆ្នាំ២០១៨ ជាថ្ងៃអនុវត្តសាលដីការ ប្រគល់ដីជួនប្រជាពលរដ្ឋនោះបាននាំគ្នា លើកបដា និងកាន់ព្រះឆាយាល័ក្ខព្រះមហាក្សត្រ ,រូបថតសម្តេចតេជោ និងសម្តេចកិតិព្រឹទ្ធ ដើម្បី អបអរសាទរដល់សមត្ថកិច្ចចម្រុះដែលបានចុះទៅអនុវត្តសាលដីកាប្រគល់ដីអោយពួកគាត់ ដែលជាអ្នកឈ្នះក្តីតាមអំណាចតុលាការផងដែរ។
ចែករំលែកព័តមាននេះ