រាជធានីភ្នំពេញ ៖ សេចក្តីរាយការណ៍ឱ្យដឹងថា នាព្រឹកថ្ងៃទី២៥ កញ្ញា គេបានមើលឃើញកម្មករ៤-៥នាក់ មានសម្ភារ និងឧបករណ៍គ្រប់គ្រាន់ យកទៅធ្វើរបងបាំងទីតាំងការិយាល័យកណ្តាលនគរបាលប្រឆាំងបទ ល្មើសរាជធានីភ្នំពេញបិទជិត…
រាជធានីភ្នំពេញ ៖ សេចក្តីរាយការណ៍ឱ្យដឹងថា នាព្រឹកថ្ងៃទី២៥ កញ្ញា គេបានមើលឃើញកម្មករ៤-៥នាក់ មានសម្ភារ និងឧបករណ៍គ្រប់គ្រាន់ យកទៅធ្វើរបងបាំងទីតាំងការិយាល័យកណ្តាលនគរបាលប្រឆាំងបទ ល្មើសរាជធានីភ្នំពេញបិទជិត ប្រៀបដូចចាប់បង្ខំឲ្យមន្ត្រីបម្រើការងារ ៣ការិយាល័យនោះរើតោករើហឹងចាកចេញឱ្យបានឆាប់ ដើម្បីម្ចាស់ថ្លើមថ្លៃយកដីសម្រាប់សាងសង់អ្វីមួយ ។
បានសង្កេតឃើញទៀតថា ខណៈម្ចាស់ដីបាន និងកំពុងឲ្យកម្មករហ៊ុមព័ទ្ធដោយរបងស័ង្កសី មានមន្ត្រីនគរបាលការិយាល័យប្រឆាំងការជួញដូរមនុស្ស និងការពារអនីតិជនម្នាក់ បានជួលរថយន្តមួយគ្រឿងរើសម្ភារៈដឹកចេញទាំងទឹកមុខស្រងូតស្រងាត់ ហាក់ដូចស្តាយស្រណោះឆ្នាំងដែលធ្លាប់រស់នៅច្រើនឆ្នាំមកនោះ ។
មន្ត្រីនគរបាលជាច្រើននាក់ទៀត ដែលមិនទាន់រើអីវ៉ាន់ចេញ បានឈរមើលមិត្តរួមការងារកំពុងរើតោករើហឹងរអ៊ូរទាំគ្រប់គ្នាថា គេបាំងរបងបង្ខំឲ្យយើងចេញ តែដូចជាមិនទាន់មានឮពាក្យថា ដោះស្រាយគោល នយោបាយឲ្យមន្ត្រីនគរបាលជាតិ ដែលរស់នៅបម្រើការងារលើទីតាំងនេះយូរឆ្នាំនោះនៅឡើយទេ ។
មន្ត្រីនគរបាលដែលមិនឲ្យបញ្ចេញឈ្មោះបន្តថា កាលគេដេញពីទីតាំងចាស់នៅជិតផ្សារដេប៉ូ ស្ថិតក្នុងសង្កាត់វាលវង់ខណ្ឌ៧មករា ឲ្យមកនៅទីតាំងសព្វថ្ងៃនេះ មន្ត្រីថ្នាក់តូចទាបបំផុតក៏បានទទួលបានប្រាក់ឧបត្ថមម្នាក់៥០ដុល្លារអាមមេរិកដែរ ចំណែកពេលនេះស្ងាត់សូន្យឈឹង ។
ក្នុងទឹកមុខមន្ត្រីនគរបាលម្នាក់ៗឡើងក្រហមស្ទាក់ស្ទើរមិនទាន់រើសម្ភារទៅកន្លែងដែលតម្រូវឲ្យទៅនោះ នៅអែអង់រង់ចាំប្រាក់សតិអារម្មណ៍ក្រែងបានខ្លះ ។ ដែលតាមឮល្បីតៗគ្នាមិនច្បាស់លាស់ថា ដីប្រមាណជិត១ហិកតាដែលធ្លាក់ដៃឈ្មួញឬក្រុមហ៊ុនណានោះ តម្លៃជាង១១លានដុល្លារអាមេរិក ។
ព័ត៌មានពិស្តារនឹងផ្សាយជូននៅលើទំព័រកាសែតកោះសន្តិភាព ។
ចែករំលែកព័តមាននេះ