សូម្បីតែតួអង្គព្រះពុទ្ធមុននឹងបានត្រាស់ដឹងធម៌ ចាក់ធ្លុះនូវអរិយសច្ចៈ ក៏លោកធ្លាប់ប្រព្រឹត្តឆ្គងខ្លះដែរ ចុះទម្រាំសាមញ្ញជនគ្របសង្កត់ដោយកិលេសប្រហែលជាគ្មានអ្នកណាល្អគ្រប់ដប់ទេ ទោះជាឥតខ្ចោះយ៉ាងណា ក៏គង់ជ្រុលជ្រួសខ្លះមិនខាន ។ អ្នកប្រាជ្ញពោលថា បុគ្គលដែលបានទទួលការលើកតម្កើងថាជាមនុស្សល្អ ក៏ធ្លាប់ធ្វើអាក្រក់ខ្លះដែរ…
សូម្បីតែតួអង្គព្រះពុទ្ធមុននឹងបានត្រាស់ដឹងធម៌ ចាក់ធ្លុះនូវអរិយសច្ចៈ ក៏លោកធ្លាប់ប្រព្រឹត្តឆ្គងខ្លះដែរ ចុះទម្រាំសាមញ្ញជនគ្របសង្កត់ដោយកិលេសប្រហែលជាគ្មានអ្នកណាល្អគ្រប់ដប់ទេ ទោះជាឥតខ្ចោះយ៉ាងណា ក៏គង់ជ្រុលជ្រួសខ្លះមិនខាន ។
អ្នកប្រាជ្ញពោលថា បុគ្គលដែលបានទទួលការលើកតម្កើងថាជាមនុស្សល្អ ក៏ធ្លាប់ធ្វើអាក្រក់ខ្លះដែរ បើទោះជាគេមិនធ្វើដោយកាយ ក៏គង់មាននៅក្នុងចិត្ត ។ ចំណែកបុគ្គលដែលគេគ្រប់គ្នាឃើញថាជាមនុស្សអាក្រក់ ក៏គង់ធ្លាប់ធ្វើល្អខ្លះពីមុនមក ហើយតទៅមុខទៀតក៏គេអាចជាមនុស្សល្អពិតប្រាកដបាន នេះជារឿងធម្មតារបស់បុថុជ្ជនទៅហើយ ។
ព្រោះតែលក្ខណៈជាក់ស្តែងនេះហើយបានជាលោកដាស់តឿនមនុស្សទូទៅមិនគួរប្រញាប់វិនិច្ឆ័យបុគ្គលណាដោយគ្រាន់តែឃើញការធ្វើខុសម្តងឬពីរដងនោះឡើយ ហើយក៏កុំគិតថា គេនឹងជាមនុស្សបែបនេះរហូតតទៅក្នុងមួយជីវិតរបស់គេនោះឱ្យសោះ ។
មនុស្សនៅក្នុងពិភពលោកនេះទាំងបព្វជិត ទាំងគ្រហស្ថសុទ្ធតែជាបុថុជ្ជន គ្រាន់តែអ្នកបួសលោកមានកិលេសស្រាលជាងគ្រហស្ថបន្តិច ព្រោះលោកមិនជាប់ជំពាក់ទៅដោយទ្រព្យសម្បត្តិពោលគឹ មិនធ្ងន់ទៅដោយវត្ថុកាម និងកិលេសកាមពេកទេ ។ ដូច្នេះបើជាបុថុជ្ជនចៀសមិនផុតពីទង្វើល្អខ្លះ អាក្រក់ខ្លះទៅតាមអំណាចនៃចិត្តមិនខានឡើយ ។(ដោយសាន សារិន)
ចែករំលែកព័តមាននេះ