រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានករណីបុរសម្នាក់ចាប់ស្ត្រីជាគូស្នេហ៍អារ.ក បណ្តាលឱ្យស្លាប់ រួចហើយជនដៃដល់ជាប្រុសស្នេហ៍បានអារ.កខ្លួនឯង បណ្តាលឱ្យរងរបួសធ្ងន់ ត្រូវបានគេបញ្ជូនទៅសង្គ្រោះនៅមន្ទីរពេទ្យ ។ ពាក់ព័ន្ធនឹងករណីនេះ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានករណីបុរសម្នាក់ចាប់ស្ត្រីជាគូស្នេហ៍អារ.ក បណ្តាលឱ្យស្លាប់ រួចហើយជនដៃដល់ជាប្រុសស្នេហ៍បានអារ.កខ្លួនឯង បណ្តាលឱ្យរងរបួសធ្ងន់ ត្រូវបានគេបញ្ជូនទៅសង្គ្រោះនៅមន្ទីរពេទ្យ ។ ពាក់ព័ន្ធនឹងករណីនេះ គេមិនដឹងថា ផ្តើមចេញពីរឿងអ្វីនោះទេ ។
ករណីខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៧និង១០នាទីព្រឹកថ្ងៃទី២៥ កញ្ញា ឆ្នាំ២០១៩ នៅចំនុចបន្ទប់ជួលលេខ១ ស្ថិតក្នុងភូមិក្បាលដំរី១ សង្កាត់កាកាប១ ខណ្ឌពោធិសែនជ័យ រាជធានីភ្នំពេញ ។
ស្ត្រីរងគ្រោះឈ្មោះយិត ធិញ អាយុ៤២ឆ្នាំ ជាកម្មការិនីរោងចក្រ មានស្រុកកំណើតនៅភូមិថ្មី ឃុំជ្រៃធំ ស្រុករមាសហែក ខេត្តស្វាយរៀង បានស្លាប់នៅនឹងកន្លែងកើតហេតុ ។ ចំណែកជនដៃដល់ជាប្រុសស្នេហ៍ឈ្មោះយា រិត អាយុ៣០ឆ្នាំ មុខរបរមិនពិតប្រាកដ មានស្រុកកំណើតនៅភូមិរមាំងត្រេត ឃុំសំបួរ ស្រុករមាសហែក ខេត្តស្វាយរៀង បានរងរបួសធ្ងន់ ។
តាមប្រភពពីសាក្សីនៅក្បែរកន្លែងកើតហេតុបានអោយដឹងថា មុនពេលកើតហេតុ គេឮស្ត្រីរងគ្រោះ និងជនដៃដល់ជាប្រុសស្នេហ៍បានឈ្លោះគ្នាតាំងពីវេលាម៉ោងប្រហែល២ឈានចូលព្រឹកថ្ងៃទី២៥ កញ្ញា មកម៉្លេះ តែគេមិនដឹងថា ផ្តើមចេញពីរឿងអ្វីនោះទេ ។ លុះមកដល់វេលាម៉ោងកើតហេតុខាងលើ ស្រាប់តែជនដៃដល់ជាប្រុសស្នេហ៍បានចាប់ស្ត្រីរងគ្រោះអារ.ក បណ្តាលអោយស្លាប់ភ្លាមៗនៅកន្លែងកើតហេតុ បន្ទាប់មកជនដៃដល់ជាប្រុសស្នេហ៍ក៏បានអារ.កសម្លាប់ខ្លួនឯងបណ្តាលអោយរងរបួសធ្ងន់ ត្រូវបានគេបញ្ជូនទៅសង្គ្រោះនៅមន្ទីពេទ្យព្រះកុសុមៈ (ពេទ្យលោកសង្ឃ)។
ក្រោយពេលកើតហេតុ សពស្ត្រីរងគ្រោះត្រូវបានសមត្ថកិច្ចប្រគល់អោយក្រុមគ្រួសារយកទៅធ្វើបុណ្យតាមប្រពៃណីនៅឯស្រុកកំណើត ។
តាមសេចក្តីរាយការណ៍បានបន្តថា គិតមកត្រឹមវេលាម៉ោង៩និង២០នាទីព្រឹកថ្ងៃដដែល បើតាមប្រភពពីលោកអធិការរងនគរបាលខណ្ឌពោធិសែនជ័យបានឱ្យដឹងថា ស្ត្រីរងគ្រោះខាងលើមានប្តី និងមានកូនចំនួន៣នាក់នៅស្រុកកំណើតឯខេត្តស្វាយរៀង បន្ទាប់មកស្ត្រីរងគ្រោះបានមកភ្នំពេញធ្វើជាកម្មការិនីរោងចក្រ ហើយក៏មានទំនាក់ទំនងជាមួយបុរសជាជនដៃដល់ ដែលត្រូវជាប្រុសស្នេហ៍ខាងលើ ។
តាមប្រភពដដែលបានបន្តថា កាលពីវេលាម៉ោង២ឈានចូលព្រឹកថ្ងៃទី២៥ កញ្ញា ដោយសារជនដៃដល់ជាប្រុសស្នេហ៍ខឹងសុំលុយទិញថ្នាំញៀន និងទិញស្រាផឹកមិនបាន ទើបកើតជាទំនាស់រហូតឈានទៅដល់ការចាប់ស្ត្រីរងគ្រោះអារ.ក បណ្តាលឱ្យស្លាប់ បន្ទាប់មកជនដៃដល់ជាប្រុសស្នេហ៍ក៏បានអារ.កខ្លួនឯង បណ្តាលឱ្យរងរបួសធ្ងន់តែម្តង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព (កែសម្រួលដោយ ៖ ធីតា)
ចែករំលែកព័តមាននេះ