មជ្ឈមណ្ឌលសិក្សា និងអភិវឌ្ឍន៍កសិកម្មកម្ពុជា (អង្គការសេដាក) ជាអង្គការមិនមែនរដ្ឋាភិបាលខ្មែរ ឯករាជ្យ មិនស្វែងរកកំរៃផលប្រយោជន៍បុគ្គល និងមិនពាក់ព័ន្ធគណបក្សនយោបាយ ។ សេដាក បានត្រូវបង្កើតឡើងនៅឆ្នាំ១៩៩៧ ក្នុងគោលបំណងពង្រឹងសមត្ថភាព និងភាពជាម្ចាស់របស់កសិករ ក្នុងការកែលំអគុណភាពជីវិតរបស់ខ្លួន និងចូលរួមយ៉ាងសកម្មក្នុងការអភិវឌ្ឍន៍សង្គម ។
មជ្ឈមណ្ឌលសិក្សា និងអភិវឌ្ឍន៍កសិកម្មកម្ពុជា (អង្គការសេដាក) ជាអង្គការមិនមែនរដ្ឋាភិបាលខ្មែរ ឯករាជ្យ មិនស្វែងរកកំរៃផលប្រយោជន៍បុគ្គល និងមិនពាក់ព័ន្ធគណបក្សនយោបាយ ។ សេដាក បានត្រូវបង្កើតឡើងនៅឆ្នាំ១៩៩៧ ក្នុងគោលបំណងពង្រឹងសមត្ថភាព និងភាពជាម្ចាស់របស់កសិករ ក្នុងការកែលំអគុណភាពជីវិតរបស់ខ្លួន និងចូលរួមយ៉ាងសកម្មក្នុងការអភិវឌ្ឍន៍សង្គម ។
ខណៈដែលប្រជាកសិករខ្មែរបាននិងកំពុងតែមមាញឹកជាមួយនឹងការសាបព្រោះធ្វើស្រែនៅរដូវវស្សាឆ្នាំនេះ មជ្ឈមណ្ឌលសិក្សា និងអភិវឌ្ឍន៍កសិកម្មកម្ពុជា (សេដាក) សង្កេតឃើញថា កន្លងមកប្រជាកសិករខ្មែរ តែងតែធ្វើការរក្សាទុកពូជស្រូវនៅរដូវច្រូតកាត់ សំរាប់ធ្វើការដាំដុះនៅរដូវបន្ទាប់ ប៉ុន្ដែនៅមិនទាន់បានយកចិត្ដទុកដាក់នៅឡើយទៅលើការរើសសំរាំងពូជស្រូវនៅមុនពេលយកទៅសាប ឬដាំដុះទេ ។
លោកបណ្ឌិតយ៉ង សាំងកុមារ ប្រធានអង្គការសេដាកពន្យល់ថា ការរើសសំរាំងពូជស្រូវមុនពេលដាំដុះ គឺជាកត្ដាសំខាន់បំផុតចំពោះកសិករ ដើម្បីទទួលបានទិន្នផលស្រូវខ្ពស់ និងលក់ស្រូវបានតម្លៃថ្លៃ ។ លោក បណ្ឌិតបន្ដថា ដើម្បីធ្វើការរើសសំរាំងពូជស្រូវ គឺត្រូវរើសចេញនូវគ្រាប់ស្រូវ ដែលមិនមានគ្រាប់ពេញ និងសុទ្ធល្អ មានស្នាមប្រេះ ក្រពឹត កំពក ឬមានជំងឺ ដោយរើសយកតែ គ្រាប់ស្រូវដែលមានគ្រាប់ពេញ និងសុទ្ធល្អយកទៅសាប និងធ្វើការដាំដុះ ។ “កសិករ ត្រូវការចំណាយពេលតែ២ឬ៣ថ្ងៃតែប៉ុណ្ណោះ ដើម្បីធ្វើការរើសសំរាំងពូជស្រូវមុននឹងធ្វើការដាំដុះ ប៉ុន្ដែការរើសសំរាំងពូជស្រូវបានល្អនេះ នាំឱ្យកសិករទទួលបានទិន្នផលស្រូវខ្ពស់ ពី១០-៣០% និងលក់បានតម្លៃថ្លៃ” ។ នេះ បើតាមប្រសាសន៍របស់លោកបណ្ឌិតយ៉ង សាំងកុមារ ប្រធានអង្គការសេដាក ។
ផ្អែកតាមបទពិសោធន៍ និងការកើនឡើងនូវទិន្នផល មណ្ឌលសិក្សា និងអភិវឌ្ឍន៍កសិកម្មកម្ពុជា (សេដាក) សូមធ្វើការអំពាវនាវដល់ប្រជាកសិករដែលបាននិងកំពុងសហការជាមួយអង្គការសេដាក ក៏ដូចជាស្ថាប័នពាក់ព័ន្ធដែលធ្វើការផ្នែកកសិកម្មទាំងអស់ ធ្វើការជំរុញការរើសសំរាំងពូជស្រូវដោយយក តែស្រូវដែលមានគ្រាប់ពេញ និងសុទ្ធល្អយក ទៅសាប និងដាំដុះនៅរដូវវស្សាឆ្នាំនេះ ។ សំរាប់ព័ត៌មានបន្ថែមសូមទំនាក់ទំនងលោកហ៊ីម ខទៀត ៖ ០១៦ ៥៧៥ ៧១៣ ៕
ចែករំលែកព័តមាននេះ