សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី២៣ កញ្ញា បានលើកជាថ្មីទៀតថា លោកពិតជាសមទទួលបានពានរង្វាន់ណូបែលសន្តិភាព។ នៅខាងក្រៅមហាសន្និបាតអ.ស.បក្រុងញូវយ៉កលោកត្រាំថ្លែងថាលោកសមជាអ្នកទទួលពានរង្វាន់ណូបែលសន្តិភាព សម្រាប់រឿងជាច្រើនប្រសិនបើពានរង្វាន់នោះផ្ដល់ដោយសុច្ចរិត តែមិនអញ្ចឹងទេ។…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី២៣ កញ្ញា បានលើកជាថ្មីទៀតថា លោកពិតជាសមទទួលបានពានរង្វាន់ណូបែលសន្តិភាព។
នៅខាងក្រៅមហាសន្និបាតអ.ស.បក្រុងញូវយ៉កលោកត្រាំថ្លែងថាលោកសមជាអ្នកទទួលពានរង្វាន់ណូបែលសន្តិភាព សម្រាប់រឿងជាច្រើនប្រសិនបើពានរង្វាន់នោះផ្ដល់ដោយសុច្ចរិត តែមិនអញ្ចឹងទេ។
នេះពុំមែនជាលើកទីមួយទេ ដែលលោកត្រាំនៅតែលើកពីការប្រៀបធៀបគ្នារវាងរូបលោកនឹងបណ្ដាប្រមុខសេតវិមានមុនៗលោក ដែលបានទទួលពានរង្វាន់ណូបែលសន្តិភាព។ ពេលដែលសមាជិកសភាគណបក្សសាធារណរដ្ឋមួយចំនួនធ្លាប់លើកពីគំនិតដែលថា លោកសមទទួលពានរង្វាន់ណូបែលនោះ ដោយសារការគ្រប់គ្រងរបស់លោកលើសំណុំរឿងកូរ៉េខាងជើងដ៏ចម្រូងចម្រាស់ លោកត្រាំអះអាងថា ពានរង្វាន់ណូបែលសន្តិភាពត្រូវបានគេផ្ដល់ឲ្យលោកបារ៉ាក់អូបាម៉ា ភ្លាមៗបន្ទាប់ពីលោកអូបាម៉ាឡើងកាន់អំណាចភ្លាម ហើយគេមិនទាំងលើកពីហេតុផលណាមួយដែលលោកត្រូវទទួលពាននេះផង។
ដោយទទួលពានរង្វាន់ណូបែលសន្តិភាពកាលពីថ្ងៃទី១០ធ្នូឆ្នាំ២០០៩ លោកបារ៉ាក់អូបាម៉ាធ្លាប់ទទួលស្គាល់ថា គ្រាន់តែលោកចូលកាន់តំណែងអាណត្តិទីមួយភ្លាម ក៏ទទួលបានគួរឲ្យភ្ញាក់ផ្អើលពានរង្វាន់នេះ។
លោកថាខ្ញុំទើបចាប់ផ្ដើម ហើយមិនមែនជាការបញ្ចប់ការងាររបស់ខ្ញុំលើឆាកពិភពលោកឡើយ។ ក្រៅពីលោកបារ៉ាក់អូបាម៉ា ប្រធានាធិបតីអាមេរិក៣រូបទៀត បានទទួលរួចហើយពានរង្វាន់ប្រកបដោយកិត្តិយសនេះគឺ លោកTHEODORE ROOSEVELT លោកWOODROW WILSONនិងលោកJIMMY CARTER៕ (កែសម្រួលដោយ ៖ បុប្ផា)
ចែករំលែកព័តមាននេះ