ដឹង Real Madrid ចង់បាន Sterling មេឃខៀវ Man City លេងមួយក្បាច់កប់យោបល់
តាមប្រភពព័ត៌មាន The Sun បានឱ្យដឹងថា កីឡាករ Raheem Sterling មានបំណងចង់ទៅលេងឱ្យ Real Madrid…
តាមប្រភពព័ត៌មាន The Sun បានឱ្យដឹងថា កីឡាករ Raheem Sterling មានបំណងចង់ទៅលេងឱ្យ Real Madrid…
តាមប្រភពព័ត៌មាន The Sun បានឱ្យដឹងថា កីឡាករ Raheem Sterling មានបំណងចង់ទៅលេងឱ្យ Real Madrid តែត្រូវបន្តកុងត្រាជាមួយនឹង Manchester City ដែលជាក្លិបបច្ចុប្បន្ន ។
កីឡាករអង់គ្លេសរូបនេះបានធ្វើឱ្យកេរ្តិ៍ឈ្មោះរបស់ខ្លួនល្បីល្បាញដោយសារតែការចាប់ផ្តើមរដូវកាលថ្មីនេះទម្រង់លេងរបស់គេឡើងជើងយ៉ាងល្អ ។ លោក Pep Guardiola និងក្លិបទាំងមូលចង់ផ្តល់នូវកុងត្រាបន្តសម្រាប់ Sterling ឱ្យនៅក្លិបបន្ត បើទោះបីជាកុងត្រាបច្ចុប្បន្នមិនទាន់ហួសក៏ដោយ ។
Sterling អាយុ២៤ឆ្នាំ បានចុងត្រាជាមួយនឹង Manchester City ចុងក្រោយគេនៅកាលពីខែវិច្ឆិកា ឆ្នាំ២០១៨ ដែលរកបានប្រាក់ចំណូល២៨ម៉ឺនផោនក្នុងមួយសប្តាហ៍ ។ នៅពេលនេះគេបានធ្វើឱ្យ Real Madrid ចាប់អារម្មណ៍ចង់ពង្រាត់ចេញពី Manchester City ។
តាមអ្នកសារព័ត៌មាន Alex Kay-Jelski បានឱ្យដឹងថា ថ្នាក់ដឹកនាំរបស់ក្លិប Real Madrid បានមកជួបជាមួយនឹងអ្នកតំណាងរបស់ Sterling ដើម្បីនិយាយពីការទិញយកទៅលេងនៅក្លិបរបស់ខ្លួន ។
ក្រោយពីដឹងថា Real Madrid ចង់មកជ្រៀតជ្រែកទំនាក់ទំនងរបស់ខ្លួន Manchester City បានបង្ហើបប្រាប់ថា នឹងផ្តល់ជូននូវកុងត្រាថ្មីមួយទៀតនៅពេលដែលកុងត្រាបច្ចុប្បន្នហួសកំណត់ ។ កុងត្រាថ្មីនេះគឺមានតម្លៃខ្ពស់ជាងមុនដោយសារតែវាថ្លៃជាងតម្លៃខ្លួនរបស់ Neymar កាលពីចេញពី Barcelona ទៅកាន់ PSG ទៅទៀត ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ