រាជធានីភ្នំពេញ ៖ ក្រសួងធនធានទឹក និងឧតុនិយមបានឲ្យដឹងថា ចាប់ពីថ្ងៃទី២៣ ដល់២៩ ខែកញ្ញា កម្ពុជានឹងបន្តមានភ្លៀងធ្លាក់ពីតិចទៅច្រើននៅតាមបណ្តាខេត្តមួយចំនួន ។ យោងតាមសេចក្តីជូនដំណឹងរបស់ក្រសួងធនធានទឹកនិងឧតុនិយម…
រាជធានីភ្នំពេញ ៖ ក្រសួងធនធានទឹក និងឧតុនិយមបានឲ្យដឹងថា ចាប់ពីថ្ងៃទី២៣ ដល់២៩ ខែកញ្ញា កម្ពុជានឹងបន្តមានភ្លៀងធ្លាក់ពីតិចទៅច្រើននៅតាមបណ្តាខេត្តមួយចំនួន ។
យោងតាមសេចក្តីជូនដំណឹងរបស់ក្រសួងធនធានទឹកនិងឧតុនិយម ចេញផ្សាយនៅថ្ងៃទី២៣ ខែកញ្ញា ស្តីពីស្ថានភាពអាកាសធាតុចាប់ពីថ្ងៃទី២៣ ដល់ថ្ងៃទី២៩ ខែកញ្ញា ឆ្នាំ២០១៩ថា បន្ទាប់ពីការសង្កេត ពិនិត្យនិងតាមដានជាប្រចាំ បង្ហាញឲ្យឃើញថា អាកាសធាតុក្នុងតំបន់មាន ការប្រែប្រួលយ៉ាងឆាប់រហ័ស ដែលតម្រូវឲ្យមានការជូនដំណឹងបន្ថែមជាបន្តបន្ទាប់ ។
ដោយសារឥទ្ធិពលនៃសម្ពាធខ្ពស់ពីភាគខាងលើ បានធ្លាក់ចុះសង្កត់លើប្រព័ន្ធសម្ពាធទាប (ITCZ) ធ្វើឲ្យប្រព័ន្ធធ្លាក់រំកិលចុះមកក្រោមអូសបន្លាយលើភាគខាងត្បូងនៃកម្ពុជាយើងសាជាថ្មី ។ ស្ថានភាពបែបនេះនឹងធ្វើឲ្យ ៖
១-នៅបណ្តារាជធានី-ខេត្ត ភ្លៀងបន្តធ្លាក់រាយប៉ាយក្នុងកម្រិតបរិមាណពីមធ្យមទៅច្រើន និងផ្នែកខ្លះមានភ្លៀងធ្លាក់ខ្លាំង ។ ដោយឡែកនៅថ្ងៃទី២៤-២៥ខែកញ្ញា ភ្លៀងមានភាពរអាក់រអួលបន្តិច ។ ២-នៅតំបន់មាត់សមុទ្រ នឹងអាចមានភ្លៀងធ្លាក់ពីតិចទៅបង្គួរ ។
ជាមួយគ្នានេះ សេចក្តីជូនដំណឹងក៏បានអំពាវនាវឲ្យប្រជាពលរដ្ឋបន្តការប្រុងប្រយ័ត្នខ្ពស់ចំពោះជំនន់ទឹកភ្លៀង ដែលអាចកើតមានជាពិសេសនៅថ្ងៃទី២៦-២៩ ខែកញ្ញា ឆ្នាំ២០១៩ ។
ចែករំលែកព័តមាននេះ