រាជធានីភ្នំពេញ ៖ បញ្ហាសំរាមនៅក្រុងប៉ោយប៉ែត អាជ្ញាធរចោទក្រុមហ៊ុនកាស៊ីណូថា បានដឹកយកទៅចាក់ចោលនៅក្បែរអូរព្រំដែនជាង៥០០តោន បើទោះជាអាជ្ញាធរព្រមានក៏មិនស្តាប់ដែរ ។ នេះជាការលើកឡើងរបស់លោកអភិបាលរងក្រុងប៉ោយប៉ែត ក្នុងកិច្ចប្រជុំរៀបចំញែកនិងបែងចែកសំរាម ដែលបានធ្វើឡើងកាលពីថ្ងៃទី១៩…
រាជធានីភ្នំពេញ ៖ បញ្ហាសំរាមនៅក្រុងប៉ោយប៉ែត អាជ្ញាធរចោទក្រុមហ៊ុនកាស៊ីណូថា បានដឹកយកទៅចាក់ចោលនៅក្បែរអូរព្រំដែនជាង៥០០តោន បើទោះជាអាជ្ញាធរព្រមានក៏មិនស្តាប់ដែរ ។ នេះជាការលើកឡើងរបស់លោកអភិបាលរងក្រុងប៉ោយប៉ែត ក្នុងកិច្ចប្រជុំរៀបចំញែកនិងបែងចែកសំរាម ដែលបានធ្វើឡើងកាលពីថ្ងៃទី១៩ ខែកញ្ញា នៅសាលប្រជុំសាលាខេត្ត ។
ក្នុងកិច្ចប្រជុំនេះ ត្រូវបានស្នើឡើងដោយក្រសួងសាធារណការនិងដឹកជញ្ជូន សុំជួបអភិបាលខេត្តប្រជុំពិភាក្សាការងារស្តីពីការគ្រប់គ្រងនិងបណ្តុះបណ្តាលសម្រាប់ទីលានញែកសំរាម(MRF)ក្រុងប៉ោយប៉ែត ។
លោក វង្ស ពិសិដ្ឋ អនុរដ្ឋលេខាធិការក្រសួងសាធារណការនិងដឹកជញ្ជូន មានប្រសាសន៍ថា កិច្ចប្រជុំពិភាក្សាការងារស្តីពីការគ្រប់គ្រងសម្រាប់ទីលានញែកសំរាមក្រុងប៉ោយប៉ែត ដើម្បីចូលរួមការពារបរិស្ថាន និងចូលរួមសម្អាតក្រុងក្នុងផែនការប្រឡងប្រណាំងទីក្រុងស្អាតផង ព្រោះក្រុងប៉ោយប៉ែតជាតំបន់ដែលភ្ញៀវជាតិ-អន្តរជាតិឆ្លងកាត់ ។ បើទីក្រុងស្អាត សេវាកម្មល្អ អាចទាក់ទាញភ្ញៀវអន្តរជាតិស្នាក់នៅ ហើយប្រជាពលរដ្ឋក៏អាចរកចំណូលបានសម្រាប់ជីវភាពគ្រួសារដែរ ។
លោកអនុរដ្ឋលេខាធិការបញ្ជាក់ថា បញ្ហាសំរាមបើយើងគ្រប់គ្រងមិនបានទេ អាចមានការលំបាក ហើយសំរាមមិនមែនដើរប្រមូលលុយហើយទុកចោល២ទៅ៣ថ្ងៃទើបសម្អាតនោះទេបើសំរាមទុកចោលយូរនឹងប៉ះពាល់ដល់សុខភាពអ្នកនៅក្បែរនិងប៉ះពាល់បរិស្ថាន ។ ការគ្រប់គ្រងសំរាម បានត្រូវបែងចែកឱ្យច្បាស់
លាស់ដូចជា បង្កើតទីលានបែងចែក ឬញែកសំរាមឱ្យដាច់ពីគ្នា គឺកាកសំណល់រឹងនិងរាវឱ្យដាច់ដោយ
ឡែកពីគ្នា ។ លោក ទូច មុនី អភិបាលរងក្រុងប៉ោយប៉ែតបានបញ្ជាក់ថា នៅក្រុងប៉ោយប៉ែតបញ្ហាសំរាមពិតជាការលំបាកនិងមានបញ្ហាច្រើន ដែលធ្វើឱ្យអាជ្ញាធរកំពុងរកដំណោះស្រាយជាក់ស្តែង ។
សំរាមនៅក្រុងប៉ោយប៉ែត មានក្រុមហ៊ុនស៊ីនទ្រីជាអ្នកប្រមូលនិងមានទីលានចាក់សំរាម ក៏ប៉ុន្តែកន្លងមកសំរាមមានកាកសំណល់ដូចជាម្ជុលចាក់ថ្នាំយកមកចោល រហូតប្រទះឃើញទារកដែលត្រូវគេរំលូតហើយយកមកបោះចោលក៏មានដែរ ។លោកបានបញ្ជាក់ថា បញ្ហាដែលលំបាកគឺក្រុមហ៊ុនកាស៊ីណូតែម្តងដែលមិនអនុវត្តតាមអាជ្ញាធរ ហើយថែមទាំងយកទៅចាក់ចោលក្បែរអូរព្រំដែនឃើញសំរាមប្រមាណ៥០០តោនហើយ។
អាជ្ញាធរបានណែនាំ និងឃាត់រថយន្តក្រុមហ៊ុនកាស៊ីណូទុកនៅសាលាក្រុងប៉ោយប៉ែតយកមកធ្វើកិច្ចសន្យាម្តងជាពីរដងតែមិនស្តាប់ រហូតដល់តំណាងក្រុងហ៊ុនកាស៊ីណូថា នឹងសុំច្បាប់រាជរដ្ឋាភិបាលធ្វើទីលានចាក់សំរាមដោយខ្លួនឯងទៀតផង ៕ (សម្រួលដោយ៖ ស្រីណា)
ចែករំលែកព័តមាននេះ