Berbatov ប្រកាសចូលនិវត្តន៍ក្រោយពីសាងឈ្មោះល្បីល្បាញនៅ Man Utd និង Spurs
តាមប្រភពព័ត៌មាន The Sun បានឱ្យដឹងថា អតីតកីឡាកររបស់ក្លិប Tottenham Spurs និង ក្លិបបិសាចក្រហម Dimitar…
តាមប្រភពព័ត៌មាន The Sun បានឱ្យដឹងថា អតីតកីឡាកររបស់ក្លិប Tottenham Spurs និង ក្លិបបិសាចក្រហម Dimitar…
តាមប្រភពព័ត៌មាន The Sun បានឱ្យដឹងថា អតីតកីឡាកររបស់ក្លិប Tottenham Spurs និង ក្លិបបិសាចក្រហម Dimitar Berbatov បានប្រកាសចូលនិវត្តន៍នៅអាយុ៣៨ឆ្នាំ ពីវិស័យបាល់ទាត់ ។
កីឡាករអាយុ៣៨ឆ្នាំរូបនេះ បានសាងកេរ្តិ៍ឈ្មោះល្បីល្បាញនៅក្លិបបិសាចក្រហម ដោយបានលើកពាន Premier League ២ដងក្នុងរយៈពេលជាង២០ឆ្នាំមកនេះ ។ រូបគេក៏សប្បាយនឹងលេងឱ្យក្លិប Bayer Lverkusen, Fulham និង Monaco ផងដែរ មុនពេលបញ្ចប់អាជីពជាកីឡាករបាល់ទាត់នៅក្លិប Kerala Blasters ក្នុងប្រទេសឥណ្ឌា ។
Berbatov បានសរសេរថា៖«ខ្ញុំធ្វើបែបនេះតាមវិធីរបស់ខ្ញុំ! ការប្រកួតចុងក្រោយរបស់ខ្ញុំ គឺតាំងពីជាងមួយឆ្នាំមុន ដូចនេះខ្ញុំគិតថាវាដល់ពេលដែលត្រូវឈប់លេងបាល់ហើយ។ វាអស់រយៈពេល២០ឆ្នាំហើយ ដែលខ្ញុំនៅលេងបាល់។ ខ្ញុំនឹងនឹកការប្រកួត ការហ្វឹកហាត់ ការស៊ុតបញ្ចូលទី ការរៀបចំខ្លួនប្រកួត សម្ពាធការងារ និង មិត្តរួមក្រុមរបស់ខ្ញុំ។ ជាពិសេសគឺសម្រែកកងរំពងរបស់អ្នកគាំទ្រ»។
គេបានសរសេរអរគុណដល់មិត្តរួមក្រុម និង មនុស្សគ្រប់គ្នាដែលបានជួយគេឱ្យមានមុខមាត់អស់រយៈពេល២០ឆ្នាំមកនេះ។ អាជីពរបស់ Berbatov បានចាប់ផ្តើមនឹង Bulgaria ជាមួយនឹងក្លិប CSKA Sofia មុនពេលទៅលេងនៅ Leverkusen ក្នុងឆ្នាំ២០០១ ។
ក្រោយមកគេក៏ទៅលេងនៅ Tottenham នៅឆ្នាំ២០០៦ មុនពេលទៅលេងនៅ United ដែលនៅទីនោះ គេបានលើកពាន Premier League ចំនួនពីរដង។ បន្ទាប់ពីចេញពី Man Utd គេក៏បានទៅលេងនៅ Monaco ក្រោយមក PAOK និង ចុងក្រោយគឺ Kerala Blasters នៅប្រទេសឥណ្ឌា ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ