ខេត្តកណ្តាល ៖ សេចក្តីរាយការណ៍បឋមបានឲ្យដឹងថា ក្រុមរថយន្តដឹកខ្សាច់ជាច្រើនគ្រឿងសំរុកដឹកខ្សាច់ចេញពីដេប៉ូខ្សាច់មួយកន្លែងដែលនៅក្បែរសាលាក្រុងតាខ្មៅដឹកយ៉ាងគគ្រឹកគគ្រេង កំពុងបំផ្លាញផ្លូវមុខសាលាក្រុងតាខ្មៅ ស្របពេលអាជ្ញាធរក្រុងតាខ្មៅ ជាពិសេសលោក នូ សុវណ្ណារ៉ា អភិបាលក្រុងតាខ្មៅធ្វើមិនឃើញ…
ខេត្តកណ្តាល ៖ សេចក្តីរាយការណ៍បឋមបានឲ្យដឹងថា ក្រុមរថយន្តដឹកខ្សាច់ជាច្រើនគ្រឿងសំរុកដឹកខ្សាច់ចេញពីដេប៉ូខ្សាច់មួយកន្លែងដែលនៅក្បែរសាលាក្រុងតាខ្មៅដឹកយ៉ាងគគ្រឹកគគ្រេង កំពុងបំផ្លាញផ្លូវមុខសាលាក្រុងតាខ្មៅ ស្របពេលអាជ្ញាធរក្រុងតាខ្មៅ ជាពិសេសលោក នូ សុវណ្ណារ៉ា អភិបាលក្រុងតាខ្មៅធ្វើមិនឃើញ ។
ក្រុមរថយន្តដឹកខ្សាច់ទាំងអស់នោះភាគច្រើនមិនគ្របត្រឹមត្រូវ ហូរខ្សាច់ធ្លាក់មកលើផ្លូវក្លាយជាភក់ជ្រាំ រអិល បង្កជាហេតុគ្រោះថ្នាក់ចរាចរណ៍ដល់អ្នកធ្វើដំណើរពីក្រោយ ជាពិសេសនោះបើកបរក្នុងល្បឿនលឿនបំផ្លាញផ្លូវមុខសាលាក្រុងតាខ្មៅស្ទើរទាំងស្រុងទៅហើយ ។
ដោយពលរដ្ឋបានប្រាប់អោយដឹងថា បើប៉ុន្មានខែមុនវិញក្រុមរថយន្តដឹកខ្សាច់ទាំងនោះដឹកយ៉ាងអនាធិបតេយ្យ ហុយខ្សាច់ ធ្លាក់ខ្សាច់ ឡើងងងឹតផ្លូវមើលផ្លូវចង់មិនឃើញធ្វើអោយពួកគាត់ពិបាកក្នុងការធ្វើដំណើរខ្លាំងណាស់ ។ ហើយពួកគាត់បានលាន់មាត់ថា ផ្លូវនៅមុខសាលាក្រុងស្ទើរខ្ទេចទៅហើយចុះហេតុអ្វីលោកចៅហ្វាយក្រុងតាខ្មៅមិនមានវិធានការសោះ ? នៅរសៀលថ្ងៃទី១៩ កញ្ញានេះ ក្រុមល្បាតចល័តរបស់នគរបាលចរាចរណ៍ផ្លូវគោកនៃស្នងការដ្ឋាននគរបាលខេត្តកណ្តាលដឹកនាំដោយលោកឧត្តមសេនីយ៍ត្រី វ៉ែន សាវឹន ស្នងការរងទទួលផែនចរាចរណ៍ក៏បានឃាត់រថយន្តពីរគ្រឿងចេញពីដេប៉ូខ្សាច់ផងដែរ ។
លោកឧត្តមសេនីយ៍ត្រី វ៉ែន សាវឹន ស្នងការរងទទួលផែនសណ្តាប់ធ្នាប់ និងចរាចរណ៍នៃស្នងការនគរបាលខេត្តកណ្តាលបានប្រាប់អោយដឹងនៅព្រឹកថ្ងៃទី២០ កញ្ញានេះថា កម្លាំងលោកបានឃាត់រថយន្តដឹកខ្សាច់ចេញពីដេប៉ូខ្សាច់នោះមែនឃាត់ពីរថយន្តដោយគ្មានស្លាកលេខត្រឹមត្រូវដឹកខ្សាច់អត់គ្របហូរ ។ ចំពោះតៃកុងរថយន្តធ្វើការអប់រំណែនាំអោយវិលត្រឡប់ទៅវិញ ៕ កែសម្រួលដោយ ៖ សុឃាក់
ចែករំលែកព័តមាននេះ