រាជធានីភ្នំពេញ ៖ ក្នុងគោលបំណងលុបបំបាត់ការរើសអើងលើស្ត្រី និងកុមារអង្គកា រ UNDP បានជំរុញឲ្យគ្រប់ភាគីពាក់ព័ន្ធចូលរួមលុបបំបាត់ទង្វើការផុសរូបដែលប៉ះពាល់ដល់ស្ត្រី និងកុមារគ្រប់រូបភាពលើបណ្តាញសង្គម ។
លោក រីក បារ៉េនស្វើត តំណាងអង្គការ UNDP បានលើកឡើងកិច្ចប្រជុំបណ្តាញ អ្នកសារ ព័ត៌មានស្តីពីការអនុវត្តក្រមប្រតិបត្តិប្រព័ន្ធផ្សព្វផ្សាយសម្រាប់ការរាយការណ៍ព័ត៌មានអំពើហិង្សាលើស្ត្រី នាព្រឹកថ្ងៃទី១៩ ខែកញ្ញានេះ នៅសណ្ឋាគាភ្នំពេញថា ការរីកចំរើននៃប្រព័ន្ធផ្សព្វផ្សាយសង្គមមានហ្វេសប៊ុក ឬក៏ប្រព័ន្ធផ្សេងៗទៀតបាននាំមកនូវភាគីរីកចម្រើន ។ ប៉ុន្តែវាក៏បាននាំមកនូវឧបសគ្គ និងហានិភ័យជាច្រើនរួមជាមួយគ្នាផងដែរ ។
ជាពិសេសនោះការផ្សព្វផ្សាយបានលើកកម្ពស់ការយល់ដឹងជាសាធារណៈ មានការប្រមូលព័ត៌មាន និងមានការជះឥទ្ធិពលទៅលើអាប្បកិរិយា និងឥរិយាបថមួយចំនួននៅក្នុងចំណោមមហាជន ជាពិសេសការយល់ដឹងរបស់ពួកគាត់ ។ លោកបន្តថា ការផុសលើបណ្តាញសង្គមនិងផ្តល់ភាពអវិជ្ជមានដល់អ្នកដែលទទួលបាន ប្រសិនអ្នកផុស ឬអ្នកផ្តល់នោះមិនបានផ្តល់ព័ត៌មានគ្រប់ជ្រុងជ្រោយប្រកបដោយស្តងដា ឬប្រកបដោយក្រមសីលធម៌វិជ្ជាជីវៈនោះទេ ។
លោកបញ្ជាក់ថា ៖«យើងឃើញថា ប្រជាជនកម្ពុជាមានប្រហែលជា១៦លាននាក់ ហើយក្នុងនោះ១២លាននាក់ មានភាពសកម្មក្នុងការប្រើប្រាស់បណ្តាញសង្គម ឬក៏ប្រព័ន្ធផ្សព្វផ្សាយព័ត៌មាន ។ អីញ្ចឹងក្នុងនោះជាមធ្យមអ្នកទាំងនោះមានអាយុ២៤ ឆ្នាំ ដែលជនពេញវ័យមួយនៅកម្ពុជា ហើយកំពុងចូលរួមយ៉ាងស្រាក់ស្រាំនៅក្នុងវិស័យនេះ» ។ ចំពោះអ្នកប្រើប្រាស់បណ្តាញសង្គមត្រូវបានលោកលើកឡើងថា ពិសេសនោះនៅតំបន់ទីក្រុង ដូច្នេះវាជាឱកាសមួយដល់ល្អ ហើយជាចំណែកមួយ និងជាកាដូរក្នុងយុទ្ធសាស្ត្រចតុកោណរបស់រាជរដ្ឋាភិបាល ក្នុងនោះរួមមានឲ្យមានការរីកចំរើនលើកប្រព័ន្ធឌីជីថល ដូច្នេះអ្នកចូលរួមគួរធ្វើជាបទពិសោធជាវិជ្ជមានមួយ ។ លោកបានបន្ថែមថា UNDP បានគាំទ្រចំពោះក្រសួងកិច្ចនារីក្នុងការបង្កើន និងពន្លឿន និងបង្កើនវិសាលភាពក្នុងការលុបបំបាត់អំពើហិង្សាលើស្ត្រី និងកុមារឲ្យកាន់តែប្រសិទ្ធិភាព និងអន្តរាគមន៍ ក្នុងការផ្លាស់ប្តូរ ដើម្បីធ្វើការផ្សព្វផ្សាយដល់អ្នកសារព័ត៌មានធ្វើការផ្សព្វផ្សាយអំពីការយល់ដឹងអំពីសមភាពយេនឌឺ និងធ្វើយ៉ាងណា ដើម្បីប្រឆាំងលើស្ត្រី និងកុមារ ។
លោកអ៊ុក គឹមសេង អនុរដ្ឋលេខាធិការក្រសួងព័ត៌មានបានលើកឡើងថា នៅកម្ពុជាបណ្តាញសង្គមកំពុងតែមានប្រជាប្រិយភាពច្រើនជាងគេ បន្ទាប់មកមានយូធូបតេឡេក្រាម …។ លោកបញ្ជាក់ថា ៖ «ខ្ញុំយល់ថា គ្រប់ក្រុមហ៊ុនដែលធ្វើការលើវិស័យព័ត៌មានដែលចុះបញ្ជីជាមួយក្រសួងព័ត៌មានតែងតែធ្វើការប្រុងប្រយ័ត្នជានិច្ចក្នុងការផ្សព្វផ្សាយព័ត៌មានពាក់ព័ន្ធនឹងព្រឹត្តិការណ៍ទាំងឡាយ ពិសេសនោះពាក់ព័ន្ធនឹងអត្ថប្រយោជន៍របស់ស្ត្រី ។ ព្រោះថា បច្ចុប្បន្ន យើងលើកមុខមាត់សិទ្ធិសេរីរបស់ស្ត្រីធ្វើយ៉ាងឲ្យស្ត្រី និងបុរសមានសេរីស្មើនឹងបុរស និងមាន មុខនៅក្នុងសង្គមស្មើរៗគ្នា» ។
ចំណែកទូរទស្សន៍នៅចំនួនដដែល គឺ២៣ស្ថានីយ៍ (ទូរទស្សន៍ផ្សាយព័ត៌មាន) និងវិទ្យុមានជាង ២០០ស្ថានីយ៍ ។ គ្រប់អំពើហិង្សានោះអាចកើតឡើ ងដោយមិនគិតពីប្រាក់ចំណូល កម្រិតវប្បធម៌ ចំណេះដឹងឡើយ ។ អំពើហិង្សាកើតចំពោះស្ត្រីនៅកម្ពុជា គឺអំពើហិង្សាក្នុងគ្រួសារ និងអំពើហិង្សារផ្លូវភេទ» ។ លោកស្រីបន្ថែមថា រាជរដ្ឋាភិបាលតែងតែគិតគូរក្នុងការទប់ស្កាត់អំពើហិង្សាគ្រប់រូបភាព ពិសេសនោះរាជរដ្ឋាភិបាលបានបញ្ចូលបញ្ហានេះទៅក្នុងយុទ្ធសាស្ត្រចតុកោណដំណាក់កាលពី៤ផងដែរ ។ លោកស្រីលើកឡើងទៀតថា នៅកម្ពុជាសេរីភាពសារព័ត៌មានបានកំពុងតែមានការអភិវឌ្ឍន៍យ៉ាងខ្លាំង ជាពិសេសនោះការផ្សាយព័ត៌មានប្រព័ន្ធអេឡេចត្រូនិច និងបណ្តាញសង្គមបង្កផលជាវិជ្ជមានផង និងជាអវិជ្ជមានផងដល់សង្គម ៕ កែសម្រួលដោយ ៖ សុឃាក់
ចែករំលែកព័តមាននេះ