រាជធានីភ្នំពេញ ៖ បុរសជាកម្មករសំណង់ម្នាក់បានស្លាប់ភ្លាមៗនៅនឹងកន្លែង ខណៈជនរងគ្រោះកំពុងជិះម៉ូតូត្រឡប់មកពីលេងកូននៅឯស្រុកបាទី ខេត្តតាកែវ រួចបានបត់ឆ្វេងឆ្លងផ្លូវ ស្រាប់តែមានរថយន្តម៉ាកហ៊ីយ៉ាន់ដាយមួយគ្រឿងបើកបរក្នុងល្បឿនយ៉ាងលឿនមកដល់ក៏បុកយ៉ាងពេញទំហឹង បណ្តាលឱ្យជនរងគ្រោះខ្ទាតប៉ើងជាង៣០ម៉ែត្រស្លាប់ភ្លាមៗតែម្តង។ ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង៩ព្រឹកថ្ងៃទី១៩ ខែកញ្ញា…
រាជធានីភ្នំពេញ ៖ បុរសជាកម្មករសំណង់ម្នាក់បានស្លាប់ភ្លាមៗនៅនឹងកន្លែង ខណៈជនរងគ្រោះកំពុងជិះម៉ូតូត្រឡប់មកពីលេងកូននៅឯស្រុកបាទី ខេត្តតាកែវ រួចបានបត់ឆ្វេងឆ្លងផ្លូវ ស្រាប់តែមានរថយន្តម៉ាកហ៊ីយ៉ាន់ដាយមួយគ្រឿងបើកបរក្នុងល្បឿនយ៉ាងលឿនមកដល់ក៏បុកយ៉ាងពេញទំហឹង បណ្តាលឱ្យជនរងគ្រោះខ្ទាតប៉ើងជាង៣០ម៉ែត្រស្លាប់ភ្លាមៗតែម្តង។
ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង៩ព្រឹកថ្ងៃទី១៩ ខែកញ្ញា ឆ្នាំ២០១៩ នៅលើលំណាត់ផ្លូវ៥០ម៉ែត្រ ចំណុចមុខក្លោងទ្វាវត្តហា ស្ថិតនៅក្នុងភូមិពាម សង្កាត់ព្រៃស ខណ្ឌដង្កោ រាជធានីភ្នំពេញ។
ជនរងគ្រោះដែលស្លាប់ឈ្មោះពិសិដ្ឋ សាមី ភេទប្រុស អាយុ៣៧ឆ្នាំ មុខរបរកម្មករសំណង់មានស្រុកកំណើតនៅឃុំព្រៃឃ្នេស ស្រុកមេសាង ខេត្តវែង មានទីលំនៅអចិន្រ្តៃយ៍នៅស្រុកបាទី ខេត្តតាកែវ ហើយជនរងគ្រោះបានមកស្នាក់នៅ និងធ្វើជាកម្មករសណង់ នៅបន្ទប់ជួលម្តុំរោងចក្រកាណាឌីយ៉ា ស្ថិតក្នុងភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។
ចំណែករថយន្ត១គ្រឿងខាងលើម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ ២AY-៤៣៥០ បើកបរដោយបុរសម្នាក់ មិនស្គាល់អត្តសញ្ញាណ បានរត់គេចខ្លួនបាត់ ។
តាមប្រភពព័ត៌មានបានឲ្យដឹងថា នៅមុនពេលកើតហេតុ ជនរងគ្រោះបានជិះម៉ូតូ១គ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ ភ្នំពេញ ១AY-៦២០៤ ត្រឡប់មកពីលេងកូននៅឯស្រុកបាទី ខេត្តតាកែវ ដោយបានធ្វើដំណើរក្នុងទិសដៅពីត្បូងទៅជើង លុះមកដល់ត្រង់ចំណុចកើតហេតុបានបត់ឆ្វេងឆ្លងផ្លូវ ស្រាប់តែមានរថយន្តមួយគ្រឿងម៉ាកហ៊ីយ៉ាន់ដាយ បើកបរក្នុងល្បឿនយ៉ាងលឿនក្នុងទិសដៅពីលិចទៅកើតក៏ជ្រុលចង្កូតទៅបុកម៉ូតូយ៉ាងពេញទំហឹងតែម្ដង។
តាមប្រភពព័ត៌មានបានបន្តថា ក្នុងហេតុការណ៍នោះបណ្ដាលឲ្យអ្នកបើកបរម៉ូតូប៉ើងខ្ទាតប្រហែលជាង៣០ម៉ែត្រស្លាប់ភ្លាមៗនៅនឹងកន្លែងកើតហេតុ បន្ទាប់ពីកើតហេតុ រថយន្តបង្កបានឈប់ហើយអ្នកបើកបររត់គេចខ្លួនបាត់ស្រមោល។
ក្រោយពេលកើតហេតុ នគរបាលចរាចរណ៍ខណ្ឌដង្កោបានសហការជាមួយនគរបាលការិយាល័យចរាចរណ៏ផ្លូវគោកនៃស្នងការដ្ឋានរាជធានីភ្នំពេញ ចុះទៅធ្វើការវាស់វែងរួចនាំយករថយន្តនិងម៉ូតូទៅរក្សាទុករង់ចាំធ្វើការដោះស្រាយគ្នាតាមផ្លូវច្បាប់នៅពេលក្រោយ៕ (កែសម្រួលដោយ ៖ ធីតា)
ចែករំលែកព័តមាននេះ