កិច្ចប្រជុំកំពូល G-20 បញ្ចប់ដោយបណ្ដាមេដឹកនាំឯកភាពកាត់បន្ថយឱនភាពថវិកា
កិច្ចប្រជុំកំពូល G-20 ដែលរៀបចំឡើងនៅក្នុងទីក្រុងតូរ៉ុងតូ ប្រទេសកាណាដា បានបញ្ចប់ដោយទទួលបានលទ្ធផលជាផ្លែផ្កា ។ មេដឹកនាំដែលបានចូលរួមប្រជុំទាំងអស់បានឯកភាពគ្នាកាត់បន្ថយឱនភាព ថវិកាជាតិ ខណៈសេដ្ឋកិច្ចពិភពលោកនៅមិនទាន់ងើបឡើងវិញនៅឡើយក៏ដោយ ។ លោក Stephen Harper នាយករដ្ឋមន្ដ្រីនៃប្រទេសកាណាដា ដែលជាម្ចាស់ផ្ទះថ្លែងថា បណ្ដាប្រទេសជាសមាជិកដែលមានបំផុតនៃក្រុម G-20 គួរតែកាត់បន្ថយឱនភាពថវិកា របស់ខ្លួនក្នុងរង្វង់រយៈពេល៣ឆ្នាំ ។ ពេលថ្លែងទៅកាន់អ្នកកាសែត ក្រោយពីកិច្ចប្រជុំកំពូល G-20 ប្រធានាធិបតីសហរដ្ឋអាមេរិក លោកបារ៉ាក់ អូបាម៉ា ថ្លែងថា បទបញតិតឹងរ៉ឹងរួមមានសេចក្ដីត្រូវការមូលធនយ៉ាងច្រើនសំរាប់វិស័យ ធនាគារនឹងត្រូវដោះស្រាយនៅក្នុងកិច្ចប្រជុំ G-20 លើកក្រោយ ដែលរៀបចំឡើងនៅក្នុងទីក្រុងសេអ៊ូល ប្រទេសកូរ៉េខាងត្បូងនាខែវិច្ឆិកាខាងមុខនេះ ។
ចែករំលែកព័តមាននេះ