ស្ទីលធ្វើការរបស់មហាសេដ្ឋីលំដាប់ពិភពលោក
មនុស្សម្នាក់ៗមានពេលវេលាស្មើៗគ្នាក្នុងមួយថ្ងៃដូចមហាសេដ្ឋីធំៗដូចជា លោក Jack Dorsey ដែលជានាយកប្រតិបត្តិរបស់ Twitter និង Square និងលោក Jeff…
មនុស្សម្នាក់ៗមានពេលវេលាស្មើៗគ្នាក្នុងមួយថ្ងៃដូចមហាសេដ្ឋីធំៗដូចជា លោក Jack Dorsey ដែលជានាយកប្រតិបត្តិរបស់ Twitter និង Square និងលោក Jeff…
មនុស្សម្នាក់ៗមានពេលវេលាស្មើៗគ្នាក្នុងមួយថ្ងៃដូចមហាសេដ្ឋីធំៗដូចជា លោក Jack Dorsey ដែលជានាយកប្រតិបត្តិរបស់ Twitter និង Square និងលោក Jeff Bezos ដែលជានាយកប្រតិបត្តិរបស់ Amazon ដែរ ។ តើមហាសេដ្ឋីដែលមានមុខតំណែងធំៗទាំងនេះ ប្រើប្រាស់ពេលវេលាដែលខ្លួនមានដោយដូចម្តេច ? ខាងក្រោមនេះ គឺជាគន្លឹះមួយចំនួនដែលពួកលោកប្រើ ដើម្បីបង្កើនប្រសិទ្ធិភាពការងារ និងសន្សំសំចៃពេលវេលា ៖
១. ការប្រជុំ
ការស្រាវជ្រាវមួយចំនួនបានប្រទះឃើញថា អ្នកគ្រប់គ្រងក្រុមហ៊ុនភាគច្រើនគិតថា ការប្រជុំ គឺជាកត្តាដែលប៉ះពាល់ដល់ប្រសិទ្ធិភាពការងារ និងពេលខ្លះថែមទាំងធ្វើឲ្យខាតពេលវេលាផងដែរ ។ សម្រាប់លោក Jack Dorsey វិញលោកចូលចិត្តការប្រជុំតាមអនឡាញដោយប្រើប្រាស់ Google Doc ។ អ្នកចូលរួមប្រជុំនឹងមានពេលវេលា១០នាទីសម្រាប់ការអាន រួចផ្តល់មតិយោបល់លើកម្មវិធីនេះបានយ៉ាងងាយស្រួលមិនថា ពួកគេកំពុងស្ថិតនៅទីណាក៏ដោយ ។ លើសពីនេះទៅទៀត លោកគិតថា មធ្យោបាយនេះជំរុញឲ្យអ្នកចូលរួមមិនបង្វែរដានច្រើន និងនិយាយត្រង់ៗព្រមទាំងអាចគិតបានលឿនផងដែរ ។
២. ការសម្រេចចិត្ត
យោងទៅតាមលោក Jeff Bezos ដែលជានាយកប្រតិបត្តិរបស់ក្រុមហ៊ុន Amazon បានឲ្យដឹងថា វាពិតជាសំខាន់ណាស់ ក្នុងការធ្វើការសម្រេចចិត្តដែលមានគុណភាពខ្ពស់ និងលឿនព្រោះល្បឿនមានសារៈសំខាន់ខ្លាំងក្នុងការប្រកបអាជីវកម្ម ។ លោកបានចែករំលែកថា ការសម្រេចចិត្តភាគច្រើនគួរតែធ្វើឡើងបន្ទាប់ពីទទួលបានព័ត៌មានដែលអ្នកចង់បានប្រមាណ៧០% ។ ប្រសិនបើអ្នករងចាំរហូតដល់៩០%នោះ អ្នកយឺតពេលហើយ ។
៣. ការបដិសេធ
លោក Steve Jobs ដែលជាអតីតនាយកប្រតិបត្តិរបស់ក្រុមហ៊ុន Apple Inc បានប្រាប់មកថា កត្តាសំខាន់ដែលជួយឲ្យលោកសន្សំសំចៃពេលវេលាបានច្រើន គឺការដឹងពីពេលបដិសេធនឹងការងារ ។
អ្នកត្រូវបដិសេធនឹងគំនិតជាច្រើន ដូច្នេះវាពិតជាសំខាន់ក្នុងការដឹងថា ការងារណាដែលអ្នកត្រូវចំណាយពេលលើ និងការងារណាដែលអ្នកមិនត្រូវចំណាយពេលលើ ។ លោកមហាសេដ្ឋី Warren Buffett ក៏គាំត្រគំនិតនេះដែរ និងបានបន្តថា ភាពខុសគ្នារវាងមនុស្សដែលជោគជ័យ និងមនុស្សដែលជោគជ័យខ្លាំង គឺមនុស្សដែលជោគជ័យខ្លាំងបដិសេធស្ទើរតែគ្រប់ពេល ៕ កែសម្រួលដោយ ៖សុឃាក់
ចែករំលែកព័តមាននេះ