រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា គិតមកត្រឹមវេលាម៉ោង៣និង៤០នាទីរសៀលថ្ងៃទី១៥ កញ្ញា ក្មេងប្រុសម្នាក់ដែលវង្វេងឪពុកម្តាយ ហើយត្រូវបានសមត្ថកិច្ចប្រទះឃើញដើរក្រោមស្ពានអាកាស៧មករា ពេលនេះត្រូវបានឪពុកម្តាយមកទទួលយកត្រឡប់ទៅផ្ទះវិញហើយ ។ គួររំលឹកថា អាណិតណាស់! មិនដឹងគាត់មកពីណាទេ ឃើញដើរក្រោមស្ពានអាកាស៧មករា
បើតាមប្រភពពីឪពុកម្តាយក្មេងប្រុសម្នាក់ខាងលើបានរៀបរាប់ឱ្យដឹងថា កូនប្រុសរបស់ពួកគាត់មិនមែនជាជនជាតិចិននោះទេ តែមានជីដូនជីតាជាជនជាតិចិន ។
តាមប្រភពពីបុរសឈ្មោះប៊ុន ញឹម អាយុ៤០ឆ្នាំ មានទីលំនៅក្នុងសង្កាត់សំរោងក្រោម ត្រូវជាឪពុករបស់ក្មេងប្រុសម្នាក់ខាងលើ បានរៀបរាប់ឱ្យដឹងថា កាលពីព្រឹកថ្ងៃទី១៥ កញ្ញា គាត់និងប្រពន្ធបានធ្វើដំណើរទៅទិញគ្រឿងអេឡិចត្រូនិកនៅមុខផ្សារស៊ីធីម៉ល ហើយកូនប្រុសម្នាក់ខាងលើក៏បានទៅតាមម្តាយទៅទិញទឹក ដោយគាត់ស្មានថាកូនប្រុសទៅតាមម្តាយ ចំណែកម្តាយស្មានតែកូននៅជាឪពុក ។
តាមប្រភពដដែលបានបន្តថា បន្ទាប់ពីទៅទិញទឹករួចហើយ ម្តាយក៏បានទៅទិញអីវ៉ាន់នៅផ្សារអូរឫស្សី លុះត្រឡប់មកដល់ផ្ទះវិញនៅវេលាម៉ោងប្រហែលជា២រសៀលថ្ងៃដដែល ស្រាប់តែផ្អើលថាបាត់កូន ក៏នាំគ្នាដើររក ទើបដឹងដំណឹងថា ត្រូវបាននគរបាលនាំមករក្សាទុកនៅប៉ុស្តិ៍ទឹកល្អក់ ក៏ធ្វើដំណើរមកទទួលយកកូនប្រុសត្រឡប់ទៅផ្ទះវិញតែម្តង ៕ (កែសម្រួលដោយ ៖ ធីតា)
ចែករំលែកព័តមាននេះ