រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា អគារដែលសត្ថកិច្ចធ្វើការឡោមព័ទ្ធ និងឆែកឆេរបង្ក្រាបល្បែងស៊ីសងតាម Online ខុសច្បាប់ដោយឃាត់ខ្លួនជនជាតិចិន ចំនួន១០៥នាក់ក្នុងនោះមានស្រីចំនួន១០នាក់ កាលពី៤ថ្ងៃមុននៅក្នុងសង្កាត់អូរបែកក្អម ខណ្ឌសែនសុខ…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា អគារដែលសត្ថកិច្ចធ្វើការឡោមព័ទ្ធ និងឆែកឆេរបង្ក្រាបល្បែងស៊ីសងតាម Online ខុសច្បាប់ដោយឃាត់ខ្លួនជនជាតិចិន ចំនួន១០៥នាក់ក្នុងនោះមានស្រីចំនួន១០នាក់ កាលពី៤ថ្ងៃមុននៅក្នុងសង្កាត់អូរបែកក្អម ខណ្ឌសែនសុខ មិនមែនជាសាកលវិទ្យាល័យ Excelpolitan University នោះទេ គឺឈប់រៀនរាប់ឆ្នាំមកហើយ ។ បន្ទាប់ពីបង្ក្រាបជនជាតិចិនធ្វើអោយមហាជនមានការចាប់អារម្មណ៍ និងមានងឿងឆ្ងាល់ថា ហេតុអីសាលារៀនសោះបានជាបើកល្បែងស៊ីសងបែបនេះ? ។
ជុំវិញការងឿងឆ្ងល់នេះអ្នកយកព័ត៌មានកោះសន្តិភាពក៏បានចុះទៅសាកសួរ និងធ្វើការបំភ្លឺជួនមិត្តអ្នកអានព្រមទាំងមហាជនអោយអស់ចម្ងល់ ។ អគារដែលជាទីតាំងប្រព្រឹត្តល្បែងស៊ីសងនោះត្រូវគេដឹងថា មានកម្ពស់៦ជាន់ ស្ថិតនៅតាមបណ្តាលមហាវិថីសហព័ន្ធរុស្ស៊ីកែងផ្លូវណតប្រិត៍ (ជាប់ស្ពានអាកាសផ្សារដីហុយ) ក្នុងភូមិទ្រង់មាន់ សង្កាត់អូបែកក្អម ខណ្ឌសែនសុខ ។ អគារនេះបានដាក់យីហោ «សាកលវិទ្យាល័យ Excelpolitan University»។
តាមព័ត៌មានអោយដឹងថា កាលដើមឡើយទីតាំងនោះជាសាកលវិទ្យាល័យដែលនិស្សិតខ្មែរ និងបរទេសមកក្រេមជញ្ជក់យកចំណេះដឹង តែមិនដឹងមូលហេតុអ្វីនោះទេជាច្រើនឆ្នាំមកហើយខ្លះថាប្រមាណ២ទៅ៣ឆ្នាំ ស្រាប់តែសាកលវិទ្យាល័យនេះបានឈប់ដំណើរការ មិនដឹងថា គ្មានសិស្សរៀន ឬក៏ក្ស័យធននោះទេ ។ បន្ទាប់ពីឈប់ដំណើរការម្ចាស់ក៏ដាក់ស្លាកជួល ហើយត្រូវជនជាតិចិនជួលយកធ្វើជាទីតាំងប្រព្រឹត្តបទល្មើសលេងល្បែងស៊ីសងហើយត្រូវបានសមត្ថកិច្ចចុះបង្ក្រាប ។
គួរបញ្ជាក់ថា កាលពីវេលាយប់ថ្ងៃទី០៩ ខែកញ្ញានេះ កម្លាំងនគរបាលនាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្ដោប្រវេសន៍ក្រសួងមហាផ្ទៃបានធ្វើការឡោព័ទ្ធ និងឆែកឆេរបង្ក្រាបល្បែងស៊ីសង Online ខុសច្បាប់ ។ នៅក្នុងប្រតិបត្តិការបានបញ្ចប់នៅវេលាម៉ោងប្រមាណជាង១០យប់ ដោយសមត្ថកិច្ចឃាត់ខ្លួនជនជាតិចិនចំនួន១០៥នាក់ ក្នុងនោះមានស្រីចំនួន១០នាក់ និងដកហូតម៉ាស៊ីនកុំព្យទ័រលើតុដែលជាមធ្យោបាយប្រព្រឹត្តបទល្មើសចំនួន៨០គ្រឿង ។
ជនជាតិចិនរួមទាំងវត្ថុតាងត្រូវបាននគរបាលបញ្ជូនទៅកាន់អគ្គនាយកដ្ឋានអន្តោប្រវេសន៍នៃក្រសួងមហាផ្ទៃ ដើម្បីចាត់ការតាមច្បាប់ ៕ កែសម្រួលដោយ ៖ សុឃាក់
ចែករំលែកព័តមាននេះ