រាជធានីភ្នំពេញ ៖ អាវុធហត្ថរាជធានីភ្នំពេញ សហការជាមួយកងកម្លាំងអាវុធហត្ថខណ្ឌពោធិ៍សែនជ័យ ចុះបង្ក្រាបសេវាកម្មជួញដូរផ្លូវភេទ ជនជាតិចិននិងវៀតណាមដោយឃាត់ខ្លួនបាន២៩នាក់ និងបង្កឱ្យមានការភ្ញាក់ផ្អើលកាលពីវេលាម៉ោង៨យប់ថ្ងៃទី៨ កញ្ញា រហូតដល់ម៉ោង១២និង៣០នាទីរំលងអធ្រាត្រ ឈានចូលថ្ងៃទី៩ កញ្ញា នៅហាងម៉ាស្សា យីហោសម្រាកកាយ ស្ថិតនៅផ្ទះលេខJ01 ផ្លូវលេខ១១៣K ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ ។
តាមប្រភពព័ត៌មានពីសមត្ថកិច្ចអាវុធហត្ថ សូមមិនបញ្ចេញឈ្មោះម្នាក់បានឱ្យដឹងថា បានសហការពីអាវុធហត្ថរាជធានីភ្នំពេញ និងកំលាំងអាវុធហត្ថខណ្ឌពោធិ៍សែនជ័យ ចុះបង្ក្រាបទីតាំងម៉ាស្សាខាងលើ ជាលើកទី២ហើយ ដោយលើកទី១ឃាត់ខ្លួនម្ចាស់ហាងដដែល បានធ្វើកិច្ចសន្យានិងណែនាំកុំឲ្យប្រព្រឹត្តិអំពើល្មើសច្បាប់ខាងលើនេះទៀត ។ លុះបន្ទាប់មកក៏ស្រាប់តែបន្តបើកអាជីវកម្មដដែលៗខ្លាំងជាងមុនធ្វើឱ្យសមត្ថកិច្ចទ្រាំមិនបានចុះបង្ក្រាបជាលើកទី២នៅថ្ងៃនេះ ។
សមត្ថកិច្ចអាវុធហត្ថបានបន្តទៀតថា ការចុះឃាត់នៅផ្ទះម៉ាស្សាជនជាតិចិននឹងវៀតណាម ជួញដូរផ្លូវភេទខាងលើមាន៤ទីតាំង ម្ចាស់តែមួយ ឃាត់ជនជាតិចិននិងវៀតណាមចំនួន២៩នាក់ក្នុងនោះមានស្រី្ត១៧នាក់ ដើម្បីបញ្ជូនទៅផ្នែកជំនាញបន្តនីតិវិធី ។
ក្រោយពេលកើតហេតុ សមត្ថកិច្ចអាវុធហត្ថរាជធានីភ្នំពេញ បានចេញសេចក្ដីប្រកាសបិទបណ្តោះអាសន្នទីតាំងខាងលើ ព្រោះជាមុខរបររកស៊ីជួញដូរផ្លូវភេទ ៕
ចែករំលែកព័តមាននេះ