ខេត្តស្ទឹងត្រែង ៖ សេចក្តីរាយការណ៍បានបន្តឱ្យដឹងថា ផ្លូវបេតុងជាច្រើនខ្សែស្ថិតកណ្តាលក្រុងស្ទឹងត្រែងត្រូវប្រជាពលរដ្ឋមួយចំនួន បានប្រើប្រាស់ទូកកាណូតជំនួសការប្រើម៉ូតូ និងរថយន្ត ដើម្បីបើកចម្លង ខណៈទឹកជំនន់មានកម្រិតខ្ពស់ហូរលិចតាមតំបន់អូរហើយ ពិសេសនៅក្បែរមាត់ទន្លេ គិតត្រឹមរសៀលថ្ងៃទី០៦ កញ្ញា នេះ ។
សេចក្តីរាយការណ៍បន្តថា ស្ថានភាពទឹកទន្លេមេគង្គ នាថ្ងៃទី៦ កញ្ញា ដដែលបានហក់ឡើងដល់កម្ពស់១២ម៉ែត្រ ខណៈកម្ពស់ប្រកាសអាសន្នត្រឹម១០.៧០ម៉ែត្រ ។ ស្ថានភាពនេះ ក៏បានបង្កឱ្យទឹកហូរចូលដល់ក្នុងក្រុង និងនៅតំបន់ជាប់ដងទន្លេ ហើយអាជ្ញាធរក៏បានជម្លៀសប្រជាពលរដ្ឋមួយចំនួន ទៅកាន់ទីទួលសុវត្ថិភាពដែរ ។
បើតាមរបាយការណ៍បូកសរុបរបស់រដ្ឋបាលសាលាខេត្ត ស្ថានភាពរងផលប៉ះពាល់ទាំង៦ក្រុង ស្រុក មាន ២៨ឃុំ សង្កាត់៩០ភូមិ ដែលមានប្រជាពលរដ្ឋរងផលប៉ះពាល់៦១៣៣គ្រួសារ ក្នុងបានជម្លៀលទៅកាន់ទីទួលសុវត្ថិភាព១,៤៦៦គ្រួសារ ។ ផ្ទៃដីបង្កបង្កើនផលរងផលប៉ះពាល់សរុប៣៩៦៥ហិកតា ។ (សម្រួល ដោយ៖ ស្រីណា)
ចែករំលែកព័តមាននេះ