ជំងឺបេះដូងគឺជាបុព្វហេតុនៃការស្លា.ប់នាំមុខគេនៅស្ទើរគ្រប់បណ្ដាប្រទេសក្នុងលោក ។ វាពិតជាសំខាន់ដែលត្រូវបង្ហាញសញ្ញាប្រកាសអាសន្នឱ្យបានឆាប់ដើម្បីទប់ស្កាត់បញ្ហាកើតមានលើកក្រោយ ។ ខាងក្រោមនេះជាវិធីសាស្ត្របង្ការ៨ចំណុចដែលទំនងជាអាចធ្វើឱ្យល្អប្រសើរដល់សុខភាពបេះដូងលោកអ្នកបាន ។
ជំងឺបេះដូងគឺជាបុព្វហេតុនៃការស្លាប់នាំមុខគេនៅស្ទើរគ្រប់បណ្ដាប្រទេសក្នុងលោក ។ វាពិតជាសំខាន់ដែលត្រូវបង្ហាញសញ្ញាប្រកាសអាសន្នឱ្យបានឆាប់ដើម្បីទប់ស្កាត់បញ្ហាកើតមានលើកក្រោយ ។ ខាងក្រោមនេះជាវិធីសាស្ត្របង្ការ៨ចំណុចដែលទំនងជាអាចធ្វើឱ្យល្អប្រសើរដល់សុខភាពបេះដូងលោកអ្នកបាន ។
១- ទទួលទានដំណេកឱ្យបាន៧-៨ម៉ោងក្នុងមួយយប់ ៖
បុគ្គលដែលទទួលទានដំណេកតិចជាង៦ម៉ោងក្នុងមួយយប់ប្រឈមនឹងជំងឺបេះដូងដល់ទៅ៣ដងធៀបនឹងបុគ្គលដែលទទួលទានដំណេក៧-៨ម៉ោង ។ ដំណេកជួយគ្រប់គ្រងឱ្យមានរបៀបរៀបរយនូវសកម្មភាពអ័រម៉ូនអាំងស៊ុយលីន ។ ដំណេកមិនគ្រប់គ្រាន់អាចបណ្តាលឱ្យកើតមានលក្ខខណ្ឌរ៉េស៊ីស្តង់អាំងស៊ុយលីនដែលជាលទ្ធផល ធ្វើឱ្យកម្រិតស្ករក្នុងឈាមឡើងខ្ពស់ ទម្ងន់ខ្លួនក៏កើនឡើង ហើយទីបំផុតវត្តមានជំងឺបេះដូងក៏បង្ហាញខ្លួន ។ ភាពហេវហត់អស់កម្លាំងគឺជារោគសញ្ញាមួយទៀតរបស់ជំងឺបេះដូងដែលជារឿយៗត្រូវបានស្ត្រីភាគច្រើនព្រងើយកន្តើយ ។ ប្រសិនជាអស់លោកអ្នក ជួបប្រទះរោគសញ្ញាបែបនេះ បើទោះជាបានទទួលទានដំណេកឆ្អែតក្តី គឺត្រូវទៅពិគ្រោះជាមួយគ្រូពេទ្យជាបន្ទាន់ ។
២- បញ្ចុះទម្ងន់ខ្លួន៤,៥គីឡូក្រាម ៖
ពិតប្រាកដណាស់ទម្ងន់ក៏ជាបញ្ហាសម្រាប់បេះដូងដែរ ។ ទំហំចង្កេះគឺជាទ្រនិចចង្អុលបង្ហាញពីសុខភាពបេះដូងយ៉ាងល្អប្រសើរមួយ ។ បុរសដែលមានទំហំចង្កេះធំជាង ១១៤,៣សង្ទីម៉ែត្រឡើងទៅប្រឈមខ្ពស់បំផុតនឹងជំងឺបេះដូង ខណៈស្ត្រីវិញគឺចាប់ពី ១០១,៦សង្ទីម៉ែត្រ ។ ការសិក្សាមួយចំនួនបានបង្ហាញថា ការបញ្ចុះទម្ងន់ត្រឹម១០ឬ១៥ភាគរយនៃទម្ងន់ខ្លួនសរុបក៏អាចធ្វើឱ្យសុខភាពបេះដូងលោកអ្នកល្អប្រសើរបានដែរ ។ បន្ថែមពីលើនេះទៀត ការហាត់ប្រាណទៀងទាត់យ៉ាងហោចណាស់២៥-៥៥នាទីក្នុងមួយថ្ងៃគួបផ្សំនឹងរបបអាហារល្អក៏នឹងជួយឱ្យពង្រឹងសុខភាពបេះដូងកាន់តែរឹងមាំ ។
៣- ផ្តល់ពេលវេលាក្នុងការកំសាន្តនិងសើចលេងសប្បាយ ៖
ការកំសាន្តសប្បាយជាពិសេសសំណើចគឺជាឱសថដ៏សក្តិសិទ្ធបំផុត ។ រាងកាយឆ្លើយតបទៅនឹងសំណើចសប្បាយដោយការបញ្ចុះកម្រិតអ័រម៉ូន Stressឈ្មោះ Cortisol ។ កម្រិតអ័រម៉ូន cortisolទាបជួយកាត់បន្ថយការលើសឈាមនិងជំរុញកម្លាំងប្រព័ន្ធការពាររាងកាយព្រមទាំងអារម្មណ៍ផងដែរ ។ ការសិក្សាមួយចំនួនបានបង្ហាញថា បុគ្គលដែលមានអារម្មណ៍ធុញ តប់ប្រមល់ខ្លាំងប្រឈមទ្វេដងនឹងជំងឺគាំងបេះដូង ។ ដូច្នេះបុគ្គលម្នាក់ៗ គួរផ្តល់ពេលឱ្យខ្លួនឯងបានសើចសប្បាយរាល់ថ្ងៃ ។
៤- ទទួលទានស្រាក្រហមមួយកែវក្នុងមួយថ្ងៃ ៖
ការសិក្សាមួយចំនួនបានរកឃើញថា ទទួលទានស្រាក្រហមមួយកែវក្នុងមួយថ្ងៃជួយធ្វើឱ្យល្អប្រសើរដល់សុខភាពបេះដូងដ្បិតសមាសធាតុប្រឆាំងអុកស៊ីដកម្មដ៏សម្បូរបែបក្នុងស្រាក្រហមជួយការពារសរសៃឈាមបេះដូងនិងអាចបញ្ចុះខ្លាញ់កូឡេស្តេរ៉ូលអាក្រក់ទៀតផង ។ មិនត្រឹមតែស្រាក្រហមនោះទេ ស្រាបៀរក៏ផ្តល់អត្ថប្រយោជន៍ដល់បេះដូងផងដែរ ។ ស្រាបៀរផ្ទុកទៅដោយវីតាមីន B6-ដែលជាភ្នាក់ងារប្រឆាំងនឹងការប្រមូលផ្តុំ homocysteine(សារធាតុគីមីបំផ្លាញបេះដូង)ក្នុងកម្រិតមួយយ៉ាងខ្ពស់ ។ ទោះជាយ៉ាងនេះក្តី គេមិនត្រូវប្រើប្រាស់លើសកម្រិតនោះទេ ។ ការប្រើប្រាស់គ្រឿងស្រវឹងលើសកម្រិតនឹងបណ្តាលឱ្យខ្សោយបេះដូង លើសឈាម លើសខ្លាញ់ triglycerides បេះដូងលោតខុសចង្វាក់និងខូចសាច់ដុំបេះដូង ។ ប្រសិនអ្នកមិនចេះផឹកស្រា គួរកុំសាកល្បង ។
៥- គួរស្វែងយល់ពីប្រវត្តិគ្រួសារខ្លួន ៖
ការយល់ដឹងពីប្រវត្តិគ្រួសារពិតជាអាចជួយឱ្យអ្នករក្សាសុខភាពបេះដូងរបស់ខ្លួនបានល្អប្រសើរ ។ អ្នកត្រូវដឹងថា ប្រសិនមានអ្នកណាម្នាក់ក្នុងគ្រួសារធ្លាប់កើតមានជំងឺបេះដូង អ្នកក៏ជាបុគ្គលដែលប្រឈមខ្ពស់ផងដែរ ។ គួរប្រាប់បញ្ហានេះដល់គ្រូពេទ្យ ។
៦- មួយសប្តាហ៍គួររួមភេទឱ្យបាន២ដង ៖
នេះជាវិធីសាស្ត្រដ៏សាមញ្ញពីធម្មជាតិក្នុងការរក្សាសុខភាពបេះដូងសម្រាប់បុរស ។ ការសិក្សាស្រាវជ្រាវមួយចំនួនបានបង្ហាញថា សកម្មភាពរួមភេទគឺអាចជួយបញ្ចុះសម្ពាធឈាម ។ ការរួមភេទយ៉ាងហោចណាស់២ដងក្នុងមួយសប្តាហ៍ធ្វើឱ្យថយចុះសារធាតុដែលបង្កើនហានិភ័យជំងឺបេះដូង ។
៧- ស្រមុកគ្រប់ពេលលង់លក់ក្នុងដំណេក ៖
គួរកុំមើលរំលងបញ្ហានេះ ដ្បិតវាជាលក្ខខណ្ឌវេជ្ជសាស្ត្រាសាមញ្ញមួយដែលបង្កើនហានិភ័យកើតមានបញ្ហាបេះដូង ។
៨-កាត់បន្ថយការទទួលទានអំបិល ៖
អំបិល(សូដ្យូម)ជាគ្រឿងផ្សំមួយដែលគេមើលរំលងនិងប្រើប្រាស់ខុសក្បួនខ្នាត ។ ការប្រើប្រាស់លើសកម្រិតខ្លាំងនឹងនាំឱ្យសម្ពាធឈាមកើនខ្ពស់បណ្តាលឱ្យបេះដូងធ្វើការខ្លាំងជាងមុនហើយទីបំផុតនាំឱ្យកើតមានជំងឺបេះដូង ។ សម្រាប់បុគ្គលដែលមានវ័យ៥៥ឆ្នាំឡើងទៅ គួរយកចិត្តទុកដាក់លើបរិមាណអំបិលទទួលទានប្រចាំថ្ងៃ ៕
ចែករំលែកព័តមាននេះ