ការរកឃើញជាជំហានដំបូងដោយមន្ទីរពិសោធន៍បានបង្ហាញថា វត្តមានអំបិលនៅក្នុងរបបអាហារប្រចាំថ្ងៃអាចជាប់ពាក់ព័ន្ធទៅនឹងការជំរុញឱ្យប្រព័ន្ធការពាររាងកាយវាយប្រហារប្រឆាំងលើរាងកាយ ជាហេតុបង្កឱ្យមានជំងឺមួយចំនួនដូចជា Multiple Sclerosis-MS (ប្រភេទជំងឺដែលបំផ្លាញកោសិកាសរសៃប្រសាទរបស់ខួរក្បាលនិងឆ្អឹងខ្នងនាំឱ្យអ្នកជំងឺមើលលែងឃើញ និយាយមិនចេញនិង
ការរកឃើញជាជំហានដំបូងដោយមន្ទីរពិសោធន៍បានបង្ហាញថា វត្តមានអំបិលនៅក្នុងរបបអាហារប្រចាំថ្ងៃអាចជាប់ពាក់ព័ន្ធទៅនឹងការជំរុញឱ្យប្រព័ន្ធការពាររាងកាយវាយប្រហារប្រឆាំងលើរាងកាយ ជាហេតុបង្កឱ្យមានជំងឺមួយចំនួនដូចជា Multiple Sclerosis-MS (ប្រភេទជំងឺដែលបំផ្លាញកោសិកាសរសៃប្រសាទរបស់ខួរក្បាលនិងឆ្អឹងខ្នងនាំឱ្យអ្នកជំងឺមើលលែងឃើញ និយាយមិនចេញនិងកម្រើកខ្លួនមិនបាន ) ។
ការចុះផ្សាយជាបន្តបន្ទាប់គ្នានូវលទ្ធផលដែលខ្លួនបានរកឃើញនៅក្នុងព្រឹត្តិប័ត្រ The Nature អ្នកវិទ្យាសាស្ត្រជាច្រើនក្រុមសុទ្ធតែបាន អះអាងដូចៗគ្នាអំពីការជាប់ពាក់ព័ន្ធរបស់អំបិលទៅនឹងជំងឺ MS ។ ពួកគេថា អំបិលបានដើរតួជាអ្នកជំរុញឱ្យប្រព័ន្ធការពារចាប់យករាងកាយធ្វើជាគោលដៅវាយប្រហារ ។ ក្នុងពេលជាមួយគ្នានេះ កិច្ចការពាររាងកាយប្រឆាំងនឹងជំងឺឆ្លងផ្សេងៗក៏ត្រូវទទួលរងនូវផលប៉ះពាល់នាំឱ្យមានជំងឺ Autoimmune System(ប្រព័ន្ធការពារវាយប្រហារដោយភាន់ច្រឡំលើកោសិកានិងជាលិកាខ្លួនឯង) ។
ទោះជាយ៉ាងណា ក្រុមអ្នកវិទ្យាសាស្ត្រមកពីសាកលវិទ្យាល័យ Yale University សហរដ្ឋអាមេរិកនិងសាកលវិទ្យាល័យ University of Erlangen-Nurembergប្រទេសអាល្លឺម៉ង់បាននិយាយថា របកគំហើញនេះ ពិតជាគួរឱ្យចាប់អារម្មណ៍ខ្លាំងណាស់ហើយ ប៉ុន្តែវាមិនមែនជារបកគំហើញសម្រាប់ព្យាបាលអ្នកជំងឺ MS ទេ ។ ពួកគេបានបន្តថា ៖«ការសិក្សានេះគឺជាលើកដំបូងដែលបង្ហាញថា ទទួលទានអំបិលច្រើនអាចបង្កើនហានិភ័យពីជំងឺ Autoimmune System»។
ចំណែកលទ្ធផលនៃការសិក្សាស្រាវជ្រាវកាលពីពេលមុននេះរបស់មូលនិធិស្រាវជ្រាវជំងឺមហារីកចក្រភពអង់គ្លេស ក៏បានបង្ហាញផងដែរថា កាត់បន្ថយការទទួលទានអំបិលគឺមានន័យថាកាត់បន្ថយការកើតមជំងឺមហារីកក្រពះ ជំងឺលើសឈាម ជំងឺដាច់សរសៃឈាមខួរក្បាលនិងជំងឺបេះដូង ។
វេជ្ជបណ្ឌិត Rachel Thompsonអនុប្រធានផ្នែកវិទ្យាសាស្ត្ររបស់មូលនិធិស្រាវជ្រាវមហារីរីកពិភពលោក(WCRF)បានថ្លែងថា៖«យើងចង់ឱ្យប្រជាជនបានដឹងអំពីទំនាក់ទំនងរវាងអំបិលនិងជំងឺទាំងនេះ »។
ស្ថិតិដែលប្រមូលបានដោយមូលនិធិស្រាវជ្រាវជំងឺមហារីកចក្រភពអង់គ្លេសបានបង្ហាញថា ការប្រើប្រាស់អំបិលប្រចាំថ្ងៃជាមធ្យមគឺ ៨,៦ក្រាម-ចំនួននេះគឺច្រើនជាង៤០%លើសចំនួនកំណត់ប្រចាំថ្ងៃដែលមានត្រឹម៦ក្រាម ។ វេជ្ជបណ្ឌិត Thompsonបានបន្ថែមថា ៖«សព្វថ្ងៃនេះ មនុស្សមួយចំនួនធំកំពុងប្រើប្រាស់អំបិលប្រចាំថ្ងៃក្នុងបរិមាណច្រើន ។
ដោយសារតែមហារីកក្រពះជាជំងឺដែលគេអាចដឹងច្បាស់នៅពេលវាកើតមានទៅហើយនោះ ដូច្នេះមានអ្នកជំងឺប្រមាណជា១៥%ប៉ុណ្ណោះអាចរួចរស់ជីវិតបានរយៈពេលជាង៥ឆ្នាំនេះ ។ បញ្ហានេះបានធ្វើឱ្យអំបិលក្លាយជាមូលហេតុនៃការស្លាប់ដោយមហារីកក្រពះលើពិភពលោកជាពិសេសគឺនៅចក្រភពអង់គ្លេសដែលវាស្ថិតនៅលំដាប់ទី៧ ៕
ចែករំលែកព័តមាននេះ