ADផ្ទាំងផ្សព្វផ្សាយពាណិជ្ជកម្ម

គន្លឹះសំខាន់ៗក្នុងការជ្រើសរើសអ្នកបន្តគ្រប់គ្រងអាជីវកម្មគ្រួសារ

4 ឆ្នាំ មុន

០៥ ខែ កញ្ញា ឆ្នាំ ២០១៩ ម៉ោង ១៧:៣៥

អាជីវកម្មលក្ខណៈគ្រួសារជាច្រើនមានវប្បធម៌បង្កើតការប្រកួតប្រជែងសម្រាប់តំណែងសំខាន់ៗ ប៉ុន្តែការធ្វើដូច្នេះមានតែបង្កើតជម្លោះ និងភាពទានតឹងរវាងអ្នកដែលចូលរួមប៉ុណ្ណោះ ។ ហើយលោក Jacob M. Engel ដែលជាអ្នកនិពន្ធ និងនាយកប្រតិបត្តិរបស់…

ដោយហេតុដូចនេះលោកបានផ្តល់ដំបូន្មានថា អ្នកមិនគួរបង្កើតការប្រកួតប្រជែងទាំងនេះទេ ។ ផ្ទុយមកវិញ អ្នកអាចអនុវត្តតាមជំហានខាងក្រោមនេះ ដើម្បីជ្រើសរើសបេក្ខជនសម្រាប់បន្តតំណែង ៖

១. មានសមាជិកឯករាជ្យចូលរួមក្នុងការជ្រើសរើស ៖ អ្នកគួរតែអនុញ្ញាតឲ្យបុគ្គលិក ឬប្រធានដែលមិនមែនជាសមាជិកគ្រួសារ តែមានជំនាញក្នុងការជៀសវាងជម្លោះ ចូលរួមក្នុងការជ្រើសរើសបេក្ខជនដែលមានសក្តានុពល ។ មនុស្សទាំងនេះជួយឲ្យមនុស្សគ្រប់រូបយល់ពីតួនាទី និងគោលដៅរៀងៗខ្លួន និងជួយឲ្យបុគ្គលិកស្វែងរកកន្លែងដែលស័ក្កិសមជាងគេសម្រាប់ពួកគេក្នុងក្រុមហ៊ុន ។

២. ឲ្យបេក្ខជនធ្វើការក្រោមបុគ្គលិកដែលមិនមែនជាសមាជិកគ្រួសារ ៖ ពេលដែលបេក្ខជនធ្វើការក្រោមបុគ្ឯលិកដែលមិនមែនជាសមាជិកគ្រួសារពួកគេនឹងទទួលបានការណែនាំ និងតាមដានដោយមិនមានសម្ពាធពីសមាជិកដទៃដូចជា ឪពុក ពូ ឬបងប្អូនដទៃជាដើម ។

៣. ដុះខាត់ជំនាញភាពជាអ្នកដឹកនាំ ៖ មនុស្សខ្លះមានភាពជាអ្នកដឹកនាំទាំងពីកំណើត តែមនុស្សខ្លះទៀតក្លាយជាអ្នកដឹកនាំ ព្រោះតែការរៀនសូត្រ ឬបទពិសោធន៍នានា ។ អាជីវកម្មលក្ខខណៈគ្រួសារគួរតែជំរុញដល់បេក្ខជនឲ្យរៀនសូត្របន្ថែម ចូលរួមសិក្ខាសាលា ឬអានសៀវភៅដែលទាក់ទងនឹងភាពជាអ្នកដឹកនាំ ។

៤. បង្ហាញពីវិធីជ្រើសរើសអ្នកដឹកនាំ ៖ ប្រសិនបើសមាជិកគ្រួសារមានកំហុសឆ្គងធ្ងន់ធ្ងរ តើអាជីវកម្មគួរតែធ្វើដូចម្តេច ? ចុះបើក្នុងករណីសមាជិកគ្រួសារកំពុងកាន់កាប់តំណែងដែលមិនស័ក្កិសមនឹងខ្លួនវិញ ? ប្រសិនបើអាជីវកម្មមិនមានស្តង់ដារដូចគ្នាសម្រាប់សមាជិកគ្រួសារ និងបុគ្គលិកដែលនៅក្រៅគ្រួសារទេនោះវានឹងបង្កឲ្យមានការមិនពេញចិត្តក្នុងអាជីវកម្ម ។

៥. អនុញ្ញាតឲ្យបេក្ខជនបង្ហាញពីភាពជាអ្នកដឹកនាំខ្លួន ៖ អ្នកគួរតែផ្តល់ឱកាសឲ្យសមាជិកគ្រួសារ និងបុគ្គលិកក្រៅគ្រួសារទាំងអស់ក្នុងការបង្កើតគម្រោងផ្សេងៗដែលបង្ហាញពីភាពជាអ្នកដឹកនាំរបស់ខ្លួន ខណៈដែលអនុញ្ញាតឲ្យពួកគេរៀនសូត្របន្ថែមពីផ្នែកផ្សេងៗរបស់ក្រុមហ៊ុនផងដែរ ៕ កែសម្រួលដោយ ៖ សុឃាក់