ចំណុចប្រសាសន៍សំខាន់ៗរបស់លោក ហ៊ុន ម៉ាណែត តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ក្នុងពិធីសម្ពោធសាលាធម្មសភា និងសមិទ្ធផលនានានៅក្នុងវត្តធម្មចារ (ហៅវត្តជើងគួន) ស្ថិតក្នុងភូមិជើងគួន ឃុំជើងគួន ស្រុកសំរោង ខេត្តតាកែវ នាចុងសប្តាហ៍នេះមាន
១-សមិទ្ធផលច្រើនណាស់នៅខេត្តតាកែវត្រូវបានកសាងសម្រាប់ប្រជាពលរដ្ឋនៅក្នុងខេត្តតាកែវ ដែលសមិទ្ធផលផលទាំងអស់នេះបានកើតឡើងដោយការកសាងរួមគ្នាពីសំណាក់ព្រះសង្ឃ គណៈកម្មការអាចារ្យវត្ត ពុទ្ធបរិស័ទសប្បុរសជន ។ បើយើងគ្មានសង្គ្រាមយើងប្រហែលកសាងបានច្រើនជាងនេះ ប៉ុន្តែដោយអកុសលយើងមានសង្គ្រាមបំផ្លិចបំផ្លាញលើគ្រប់វិស័យ ។ ជាមោទនភាពណាស់ដែលយើងបានបញ្ចប់សង្គ្រាម ហើយមោទនភាពខ្លាំងបំផុត គឺទឹកចិត្តរបស់ប្រជាពរដ្ឋខ្មែរបើទោះបីលំបាកយ៉ាងណាក៏ដោយក៏ខិតខំចូលរួមកសាងសមិទ្ធផលនានា ។
២- បើមនុស្សយើងឥតមានធម៌នៅក្នុងខ្លួន យើងគ្មានការគោរពគ្នា ។ ការដឹកនាំក៏ដូចគ្នា បើគ្មានធម៌យើងធ្វើឲ្យប្រជាជនវេទនា ។ រាជរដ្ឋាភិបាលដែលមានសម្តេចតេជោហ៊ុន សែន ជាអ្នកដឹកនាំបានដឹកនាំដោយធម៌ មិនមានការសងសឹកគ្នារួបរួមគ្នាធ្វើបុណ្យជាមួយគ្នាហើយយើងខិតខំរួមគ្នាកសាងសមិទ្ធផលជាច្រើន ដើម្បីកូនចៅជំនាន់ក្រោយ ។ ៣-ការជ្រើសរើសថ្នាក់ដឹកនាំត្រឹមត្រូវ មិនញុះញង់បំបែកបំបាក់ធ្វើឲ្យប្រទេសរីកចម្រើន ផ្ដល់សេចក្តីសុខផ្លូវចិត្ត ផ្លូវកាយដល់ប្រជាពលរដ្ឋ ប៉ុន្តែការជ្រើសរើសថ្នាក់ដឹកនាំខុស គឺធ្វើឲ្យប្រទេសជាតិបែកបាក់។
ប្រជាពលរដ្ឋបោះឆ្នោតជ្រើសរើសថ្នាក់ដឹកនាំ គឺបោះឆ្នោតឲ្យខ្លួនឯង ដើម្បីផ្ដល់សេចក្តីសុខ រក្សាសុខសន្តិភាព និងអភិវឌ្ឍប្រទេសឲ្យរីកចម្រើន ដើម្បីអនាគតកូនចៅជំនាន់ក្រោយ ។ ៤-សូមថ្លែងអំណរគុណ និងសូមឲ្យសប្បុរសជន ព្រះសង្ឃ គណៈកម្មការអាចារ្យវត្តពុទ្ធបរិស័ទប្រជាពលរដ្ឋ ចូលរួមបន្តការកសាងសមិទ្ធផលក្រោមបរិយាកាសប្រទេសជាតិមានសុខសន្តិភាព ។
កសាងសមិទ្ធផលសម្រាប់ទាំងអស់គ្នា និងជួយគ្នាថែរក្សាស្ថិរភាព សេចក្តីសុខ និងគោរពស្រឡាញ់គ្នា ។ សូមថែរក្សាស្មារតីនេះឲ្យបានគង់វង្ស ដើម្បីឲ្យមានសេចក្តីសុខ និងភាពសប្បាយរីករាយយូអង្វែងតាមរយៈមិនចូលតាមការអូសទាញណាមួយ ដើម្បីចូលរួមធ្វើសកម្មភាពទាំងឡាយដែលបំផ្លាញសុខសន្តិភាព ៕
ចែករំលែកព័តមាននេះ