មានតែព្រះធម៌តែម្យ៉ាងគត់ដែលធ្វើឲ្យកក់ក្តៅក្នុងជីវិត ព្រោះព្រះធម៌បានស្ថាបនាមនុស្ស ដែលធ្លាប់តែអន់ថយទន់ទាប ដោយត្រកូល ឬដោយទ្រព្យជាដើម ឲ្យបានជាមនុស្សប្រសើរខ្ពង់ខ្ពស់ រហូតដល់ទេវតា ឥន្ទ្រ ព្រហ្មប្រណម្យអញ្ជលីសំពះថ្វាយបង្គំទៀតផង ។
ព្រះធម៌មិនបានឃ្លាតចាកពីលោកនេះទៅឡើយ មានតែសត្វលោកទេ ដែលចេះតែលះបង់ព្រះធម៌ចោល ។ ព្រះធម៌មានអានុភាពរកអ្វីប្រៀបពុំបានឡើយ សូមឲ្យមានការទុកចិត្តចំពោះព្រះធម៌ចុះ គឺល្អជាងការទុកចិត្តក្នុងអ្វីៗទាំងអស់ ។
ព្រះភគវាទ្រង់បានទេសនាអប់រំឲ្យបរិស័ទតម្កល់ខ្លួនដោយប្រពៃ គឺតម្កល់ខ្លួនក្នុងគុណធម៌ ឬ ឲ្យព្រះធម៌មាននៅក្នុងខ្លួនជានិច្ច ទោះបីភប់ប្រសព្វនូវសេចក្តីទុក្ខលំបាកយ៉ាងណា ក៏កុំចោលព្រះធម៌ ។
ការបើយើងមានព្រះធម៌ តាំងនៅក្នុងខ្លួនបានមាំមួនល្អហើយ យើងរឹងរឹតតែចេះសម្លឹងមើលបុគ្គលនិងហេតុការណ៍ផ្សេងៗបានកាន់តែល្អឡើង ធ្វើចិត្តឲ្យបានស្ងប់ ជីវិតបានសុខដ៏ប្រណីតជានិរន្តរ៍ ។ (ដោយសាន សារិន)
ចែករំលែកព័តមាននេះ