ក្រោយនាំមកដុះក្អែលហើយ…ត្រូវដកបញ្ឈរជើងជាបណ្តោះអាសន្ន
- ភ្នំពេញ
រាជធានីភ្នំពេញ ៖ លោកវរសេនីយ៍ត្រីទោ ចាន់ ពៅ អធិការរងនគរបាលខណ្ឌប្ញស្សីកែវ ត្រូវបានលោកឧត្តមសេនីយ៍ឯក ស ថេត អគ្គស្នងការរងនគរបាលជាតិ…
រាជធានីភ្នំពេញ ៖ លោកវរសេនីយ៍ត្រីទោ ចាន់ ពៅ អធិការរងនគរបាលខណ្ឌប្ញស្សីកែវ ត្រូវបានលោកឧត្តមសេនីយ៍ឯក ស ថេត អគ្គស្នងការរងនគរបាលជាតិ…
រាជធានីភ្នំពេញ ៖ លោកវរសេនីយ៍ត្រីទោ ចាន់ ពៅ អធិការរងនគរបាលខណ្ឌប្ញស្សីកែវ ត្រូវបានលោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានហៅទៅសាកសួរ និងបានផ្អាកការងារជាបណ្តោះអាសន្ន កាលពីរសៀលថ្ងៃទី០៤ កញ្ញា បន្ទាប់ពីគំរាមសម្លាប់លោកអនុសេនីយ៍ លី រ៉ូហ្សាត ជានាយផ្នែកចរាចរណ៍ខណ្ឌប្ញស្សីកែវ និងបានបែកធ្លាយសារសម្លេងសារគំរាមបង្ហោះតាមបណ្តាញសង្គមទៀតផង ។ ការគំរាមកំហែងនេះត្រូវគេដឹងថា ដោយសារតែខឹងមិនដោះលែងបុរសម្នាក់ដែលជាអ្នកបើកបរក្នុងស្ថានភាពស្រវឹងនោះ ។ គួររំលឹកថា៖ លោកស្នងការបានហៅអធិការរងខណ្ឌឫស្សីកែវទៅសាកសួរ ក្នុងរឿងគំរាមសម្លាប់នាយកផ្នែកចរាចរ
តាមព័ត៌មានបានឱ្យដឹងថា ការគំរាមកំហែងនេះ កើតឡើងកាលពីយប់ថ្ងៃទី០២ កញ្ញា កន្លងមក ដោយសារតែលោកវរសេនីយ៍ទោ ចាន់ ពៅ អធិការរងទទួលបន្ទុកសេនាធិការ ក៏ទូរស័ព្ទទៅអន្តរាគមន៍សុំអោយដោះលែងបុរសម្នាក់ដែលត្រូវឃាត់ខ្លួន ដោយមានជាតិស្រវឹង ហើយត្រូវលោកលី រ៉ូហ្សាត់ នាយផ្នែកចរាចរណ៍និយាយថា គាត់គ្មានសិទ្ធដោះលែងទេ ត្រឹមតែជានាយផ្នែក ។
តាមសារសម្លេងគំរាមនោះបានអោយដឹងថា «ចុយ ឥឡូវអ្ហែងថ្លែមធំដល់ប៉ុណ្ណឹង អ្ហែងធ្វើនឹងឈ្នះអញអត់ ឥឡូវគេដោះលែងបាត់ អ្ហែង កុំស្មាន អ្ហែងកូនចៅអញកុំចង់មកច្រឡោត» ។ នៅក្នុងសារសម្លេងនោះក៍បានអោយដឹងទៀតថា « អ្ហែងនិយាយមិញពាក្យឈ្លើយណាស់ ម៉ាជីវីតនេះអ្ហែងបានត្រឹមប៉ុណ្ណឹងអត់មានអោយតទៀត អ្ហែងកុំចង់ខ្លាំង ងាប់ចោលប្រពន្ធចោលកូន អ្ហែងនៅតែប៉ុណ្ណឹងមួយជីវីតឬអាចចុះជាងនឹងទៀត »។ «អ្ហែងស្មានថា០៧ ជួយអ្ហែង បាន០៧ច្រឡោតខ្លាំងញ៉េអាញ៉ៅបិតអាកុលចោលទៀតបិទប៉ុន្មានខែនឹងដោយសារយើងអ្នកអោយបិទ»។
បន្ទាប់ពីមានការគំរាមកំហែង នៅព្រឹកថ្ងៃទី០៣ កញ្ញា អធិការខណ្ឌប្ញស្សីកែវ បានហៅអ្នកទាំង២សម្របសម្រួលត្រូវរ៉ូវគ្នា តែសារសម្លេង គំរាមសម្លាប់បានបែកធ្លាយចេញមកក្រៅ និងបានបង្ហោះ តាមបណ្តាញសង្គមជាហេតុ ធ្វើអោយមហាជនក៏ដូចជាកងកម្លាំងនគរបាលមានការថ្កោលទោស ចំពោះទង្វើរបស់អធិការរងដ៏មានអំណាចរូបនោះហើយ ត្រូវបានស្នងការបានហៅទៅសាកសួរ និងដុះក្អែរព្រមទាំងបញ្ឈរជើង ដោយអោយមានមុខនៅការិយាល័យបុគ្គលិករាល់ម៉ោងធ្វើការ ។ (សម្រួលដោយ៖ ស្រីណា)
ចែករំលែកព័តមាននេះ