រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរសម្នាក់ត្រូវអ្នករត់ម៉ូតូកង់៣ ចាប់កាច់ដៃវាយឡើងទ្រមខ្លួន រួចប្រគល់ទៅឱ្យនគរបាលចាត់ការតាមច្បាប់ បន្ទាប់ជនសង្ស័យរូបនេះពីហៅម៉ូតូកង់៣ ជិះទៅកន្លែងស្ងាត់រួចដកកាំបិតចុងស្រួចភ្ជង់ប្លន់យកប្រាក់ និងទូរស័ព្ទ តែមិនបានសម្រេចបង្កឱ្យមានការភ្ញាក់កាលពីម៉ោងប្រមាណ១២និង៣០នាទីថ្ងៃត្រង់…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរសម្នាក់ត្រូវអ្នករត់ម៉ូតូកង់៣ ចាប់កាច់ដៃវាយឡើងទ្រមខ្លួន រួចប្រគល់ទៅឱ្យនគរបាលចាត់ការតាមច្បាប់ បន្ទាប់ជនសង្ស័យរូបនេះពីហៅម៉ូតូកង់៣ ជិះទៅកន្លែងស្ងាត់រួចដកកាំបិតចុងស្រួចភ្ជង់ប្លន់យកប្រាក់ និងទូរស័ព្ទ តែមិនបានសម្រេចបង្កឱ្យមានការភ្ញាក់កាលពីម៉ោងប្រមាណ១២និង៣០នាទីថ្ងៃត្រង់ ថ្ងៃទី០៤ ខែកញ្ញា ឆ្នាំ២០១៩ នៅតាមផ្លូវបេតុង ស្ថិតក្នុងភូមិទ្រង់មាន់ សង្កាត់អូរបែកក្អម ខណ្ឌសែនសុខ ។
សេចក្តីរាយការណ៍បន្តថា ជនសង្ស័យខាងលើនោះឈ្មោះ អូន ភេទប្រុស អាយុ២៣ឆ្នាំ ជាកម្មករសំណង់ ស្នាក់នៅផ្ទះជួលក្រោយសួនឧស្សាហ៍កម្មកាណាឌីយ៉ា ក្នុងសង្កាត់ចោមចៅទី១ ខណ្ឌពោធិ៍សែនជ័យ ហើយត្រូវបានប្រជាពលរដ្ឋនាំគ្នាវាយទ្រមខ្លួនផងដែរ។
បើតាមប្រភពពីកន្លែងកើតហេតុបានឱ្យដឹងថា នៅមុនពេលកើតហេតុ ជនសង្ស័យបានហៅម៉ូតូកង់៣ជិះពីកាណាឌីណា ដោយប្រាប់ថា ទៅឃ្លាំងនៅតាមផ្លូវដួងងៀប ។ លុះពេលធ្វើដំណើរមកដល់កន្លែងកើតហេតុ ចូលទៅតាមផ្លូវបេតុងជាកន្លែងស្ងាត់ ជនសង្ស័យបានធ្វើសកម្មភាពយកកូនកាំបិតចិតបន្លែ១មកភ្ជង់.កម្ចាស់ម៉ូតូកង់គំរាមប្លន់យកទូរស័ព្ទបានសម្រេច និងគំរាមយកប្រាក់ តែត្រូវជនរងគ្រោះដែលទំនងជាចេះក្បាច់គុន ក៏បានចាប់កាច់ដៃប្រវាយប្រតប់គ្នា រហូតបាក់កាំបិត ហើយឃាត់ខ្លួនបានវាយឡើងទ្រមខ្លួនតែម្តង ។
ប្រភពដដែលបន្តថា ជនសង្ស័យទំនងជាមនុស្សញៀនថ្នាំបានជាថ្លើមធំហ៊ានហៅម៉ូតូកង់៣ ទៅកន្លែងស្ងាត់ធ្វើសកម្មភាពប្លន់បែបនេះ។
ក្រោយពេលកើតហេតុ ជនសង្ស័យត្រូវបាននគរបាលនាំខ្លួនបញ្ជូនទៅកាន់អធិការដ្ឋានខណ្ឌសែនសុខ ដើម្បីសាកសួរ និងចាត់ការតាមច្បាប់។ (កែសម្រួលដោយ ៖ បុប្ផា)
ចែករំលែកព័តមាននេះ