តាងនាមឱ្យក្រុមហ៊ុនផលិតភេសជ្ជៈប៉ូវកម្លាំង វើក លោកស្រី គង់ កុសល់ បានបង្ហាញការសោកស្តាយចំពោះបេក្ខជនទាំងពីររូបគឺបេក្ខជន ថុន ស្រីយ៉ា និងក្រុមចម្រៀងនារី TMT…
តាងនាមឱ្យក្រុមហ៊ុនផលិតភេសជ្ជៈប៉ូវកម្លាំង វើក លោកស្រី គង់ កុសល់ បានបង្ហាញការសោកស្តាយចំពោះបេក្ខជនទាំងពីររូបគឺបេក្ខជន ថុន ស្រីយ៉ា និងក្រុមចម្រៀងនារី TMT ដែលត្រូវបានជម្រុះក្នុងវគ្គ Live Show សប្តាហ៍ទីមួយ កាលពីរាត្រីថ្ងៃទី ១ ខែកញ្ញានេះ តាមរយៈការបោះឆ្នោតផ្ញើសារពីទស្សនិកជន និងក្រោមការសម្រេចចិត្តពីគណៈកម្មការបីរូបមិនអនុញ្ញាតិឱ្យបន្តទៅមុខទៀតបាន ។
លោកស្រីបន្តថា៖ «ក្រៅពីមានការសោកស្តាយ ខ្ញុំក៏សូមចូលរួមអបអរចំពោះបេក្ខជនទាំង ១៤រូបដែលអាចឆ្លងផុតនៅវគ្គនេះ និងសូមសរសើរដល់បេក្ខជន គង់ ចំរើន មកពីខេត្តសៀមរាប ដែលទទួលបានសារគាំទ្រច្រើនជាងគេបំផុតក្នុងចំណោមបេក្ខជនប្រកួតទាំងអស់» ។
គួររំឭកថា កូនក្រុមរបស់គណៈកម្មការ ឱក សុគន្ធកញ្ញា ទទួលបានការបោះឆ្នោតគាំទ្រច្រើនជាងគេ និងបន្តដោយកូនក្រុមគណៈកម្មការ ណុប បាយារិទ្ធ ។
សម្រាប់វគ្គ Live Show សប្តាហ៍ទីពីរ ដែលនឹងត្រូវបន្តនៅរាត្រីថ្ងៃទី ៨ ខែកញ្ញានេះ នឹងមានបេក្ខជន ១៤ រូបដូចជាបេក្ខជន ៖ ធឿន លីលី មកពីភ្នំពេញ, ជាតិ សុច្ចកា (ភ្នំពេញ), ថាន់ នឿថង (ភ្នំពេញ), កែវ ចាន់ដាលីន (ភ្នំពេញ), សំ សុវណ្ណារ៉ាក់ (ភ្នំពេញ), គឿន នភាល័យ (ភ្នំពេញ), ចាន់ សុបញ្ញា (កំពង់ចាម), គង់ ចំរើន(សៀមរាប), ឆុន បាលូ ( សៀមរាប), ង៉ូត សិលា (ភ្នំពេញ), ចាន់ កូម៉ែន(កំពត), ក្រុម JMB, X Fighter និងX2B នឹងត្រូវប្រកួតហើយនឹងត្រូវជម្រុះបេក្ខជនជាបន្តផងដែរ ។
ដើម្បីចូលរួមទស្សនាផ្ទាល់វគ្គ Live Show សប្តាហ៍ទី២ សូមតាមដានទំព័រហ្វេសប៊ុករបស់ វើក (WURKZ) https://www.facebook.com/WurkzCambodia/ ឬមកកាន់ស្តង់របស់ វើក (WURKZ) នៅជាន់ផ្ទាល់ដីផ្សារទំនើបអ៊ីអនម៉លសែនសុខស៊ីធី នៅថ្ងៃផ្សាយផ្ទាល់ និងអាចទស្សនាតាមកញ្ចក់ទូរទស្សន៍ហង្សមាស HDTV ចាប់ពីម៉ោង ៨យប់តទៅ ។
សម្រាប់ព័ត៌មានបន្ថែម សូមទាក់ទងមកកាន់លេខ 086 314 555 ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ