រាជធានីភ្នំពេញ ៖ អភិបាលខេត្តព្រះសីហនុបានសម្រេចឲ្យរុះរើសំណង់គ្មានគុណភាពចំនួន១៤ទីតាំង នៅក្នុងខេត្តព្រះសីហនុចេញជាដាច់ខាត ដើម្បីចៀសវាងហានិភ័យកើតឡើងប៉ះពា ល់ដល់ប្រជាជន ។ នេះបើតាមបណ្តាញសង្គមរបស់រដ្ឋបាលខេត្តព្រះសីហនុ ។ យ៉ាងណាក្តីរដ្ឋបាលខេត្តព្រះសីហនុបានបង្ហាញការសោកស្តាយចំពោះសំណង់ដែលត្រូវបានក្រុមការងារវាយតម្លៃគុណភាពសំណង់រកឃើញថា…
រាជធានីភ្នំពេញ ៖ អភិបាលខេត្តព្រះសីហនុបានសម្រេចឲ្យរុះរើសំណង់គ្មានគុណភាពចំនួន១៤ទីតាំង នៅក្នុងខេត្តព្រះសីហនុចេញជាដាច់ខាត ដើម្បីចៀសវាងហានិភ័យកើតឡើងប៉ះពា ល់ដល់ប្រជាជន ។ នេះបើតាមបណ្តាញសង្គមរបស់រដ្ឋបាលខេត្តព្រះសីហនុ ។
យ៉ាងណាក្តីរដ្ឋបាលខេត្តព្រះសីហនុបានបង្ហាញការសោកស្តាយចំពោះសំណង់ដែលត្រូវបានក្រុមការងារវាយតម្លៃគុណភាពសំណង់រកឃើញថា សាងសង់ខុសបច្ចេកទេស ហើយតម្រូវឲ្យម្ចាស់សំណង់ទាំង១៤ ទីតាំងត្រូវតែរុះរើចេញបន្ទាន់ ដើម្បីកុំឲ្យមានហានិភ័យណាមួយកើតឡើងបង្កគ្រោះថ្នាក់ដល់ប្រជាពលរដ្ឋដែលមានលំនៅដ្ឋាននៅជុំវិញ អាយុជីវិតកម្មករ ឬអាចជាម្ចាស់សំណង់ផ្ទាល់ ។ ការសម្រេចឲ្យរុះរើសំណង់គ្មានគុណភាពនេះ ខណៈដែលលោក គួច ចំរើន អភិបាលនៃគណៈអភិបាលខេត្តព្រះបានបញ្ជាក់នៅក្នុងកិច្ចប្រជុំអំពីការសាងសង់សំណង់នានា ក្នុងក្រុងព្រះសីហនុ សាលាខេត្តព្រះសីហនុ កាលពីរសៀលថ្ងៃទី២ ខែកញ្ញា ឆ្នាំ ២០១៩ ក្រោមអធិបតីភាព លោក ឡៅ ទិព្វសីហា រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់ និងជាប្រធានគណៈកម្មាធិការត្រួតពិនិត្យគុណភាពសំណង់ ខេត្តព្រះសីហនុ និងមានការចូលរួមពីម្ចាស់សំណង់ ឬតំណាង និងម្ចាស់ទីតាំងជួលដីចំនួន១៤ ទីតាំងដែលគណៈកម្មការត្រួតពិនិត្យគុណភាពសំណង់បានពិនិត្យឃើញថា សំណង់ទាំងនេះមិនមានគុណភាព ។
ការជូនដំណឹងចុងក្រោយ របស់រដ្ឋបាលខេត្តព្រះសីហនុ ចំពោះម្ចាស់សំណង់ខាងលើ ហើយលោកអភិបាលខេត្តព្រះសីហនុបានសង្កត់ធ្ងន់ថា ម្ចាស់សំណង់ទាំងអស់ សូមកុំព្យាយាមដើររកការអន្តាគមន៍ណាមួយ ដើម្បីរក្សាសំណង់ខុសច្បាប់ទាំងនោះឡើយ ។ ជាមួយគ្នានេះ លោក ឡៅ ទិព្វសីហា រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់ក៏បានមានប្រសាសន៍ដែរថា ក្នុងនាមប្រធានគណៈកម្មាការសំណង់ និងក្រុមការងារនឹងចុះធ្វើការត្រួតពិនិត្យជាប្រចាំលើដំណើរការរុះរើនេះ លោកបានឲ្យដឹងដែរថា កន្លងមកក្នុងចំណោមសំណង់ទាំង១៤នេះ មានតែម្ចាស់សំណង់៤ប៉ុណ្ណោះ ដែលបាន និងកំពុងរុះរើសំណង់មិនមានគុណភាពរបស់ខ្លួន ដោយឡែកសំណង់១០ទីតាំងទៀតនៅមិនទាន់មានសកម្មភាពនៅឡើយ ដូចនេះសូមម្ចាស់សំណង់គោរពទៅតាមការជូនដំណឹងរបស់រដ្ឋបាលខេត្ត ដោយធ្វើការរុះរើបន្ទាន់ បើមិនដូច្នេះទេនឹងអនុវត្តន៍ទៅតាមផ្លូវច្បាប់ ។ លោកក៏បានឲ្យដឹងដែរថា បន្ទាប់ពីបានរុះរើហើយអាជ្ញាធរព្រមទាំងមន្ត្រីជំនាញនឹងជួយសម្រួលការគូរប្លង់ ពិនិត្យលក្ខណៈបច្ចេកទេស រួមទាំងចេញលិខិតអនុញ្ញាតសាងសង់ឡើងវិញឲ្យបានឆាប់ជូនម្ចាស់សំណង់ ។
សូមរឮកថា កាលពេលថ្មីៗកន្លងមកនេះ ក្រុមការងារបច្ចេកទេសរបស់ក្រសួងដែនដីបានរកឃើញបញ្ហាប្រឈមមួយចំនួនក្នុងការត្រួតពិនិត្យសំណង់ជាង៥០០កន្លែងនៅខេត្តព្រះសីហនុ ជាក់ស្តែងបានរកឃើញការដ្ឋាន១៤ គ្មានគុណភាព ត្រូវរុះរើសំណង់ចេញ និង៧០ការដ្ឋានផ្សេ ងទៀតត្រូវធ្វើកោសលវិច្ច័យពីក្រុមហ៊ុនឯកជន ដើម្បីបញ្ជាក់ពីគុណភាពសំណង់ ដើម្បីបញ្ចៀសកុំឱ្យមានការខុសឆ្គងបន្តទៀត ៕ កែសម្រួលដោយ ៖ សុឃាក់
ចែករំលែកព័តមាននេះ