សហរដ្ឋអាមេរិក ៖ ប្រមុខប៉ូលិសក្រុង ODESSA រដ្ឋតិចសាស់ លោកMICHAEL GERKEថ្លែងទៅកាន់សារព័ត៌មានកាលពីថ្ងៃទី១កញ្ញាថា មនុស្សដល់៧នាក់បានត្រូវស្លាប់ ដោយសារការបាញ់ប្រហារមិនរើសមុខ របស់បុរសម្នាក់លើបណ្ដារថយន្តនៅតាមផ្លូវថ្នល់មួយ…
សហរដ្ឋអាមេរិក ៖ ប្រមុខប៉ូលិសក្រុង ODESSA រដ្ឋតិចសាស់ លោកMICHAEL GERKEថ្លែងទៅកាន់សារព័ត៌មានកាលពីថ្ងៃទី១កញ្ញាថា មនុស្សដល់៧នាក់បានត្រូវស្លាប់ ដោយសារការបាញ់ប្រហារមិនរើសមុខ របស់បុរសម្នាក់លើបណ្ដារថយន្តនៅតាមផ្លូវថ្នល់មួយ ក្នុងទីក្រុងនោះកាលពីថ្ងៃទី៣១សីហា។ តួលេខនេះមានការកើនឡើងដោយសេចក្ដីរាយការណ៍នាពេលមុននេះ រៀបរាប់ពីមនុស្សស្លាប់៥នាក់់។
តាមមេប៉ូលិសរូបនោះថា ជនរងគ្រោះទាំងនេះមានអាយុពី១៥ទៅ៥៧ឆ្នាំ។ ចំណែកមនុស្ស២២នាក់រងរបួស ក្នុងនោះមានប៉ូលិស៣នាក់និងក្មេងស្រីតូចម្នាក់អាយុ១៧ខែ។ ខ្មាន់កាំភ្លើងបានរត់ចូលក្នុងរោងភាពយន្តមួយ មុនពេលប៉ូលិសបាញ់សម្លាប់។
ខ្មាន់កាំភ្លើងដែលប៉ូលិសមិនបង្ហាញអត្តសញ្ញាណ ជាជនស្បែកសម្នាក់មានអាយុប្រមាណជា៣០ឆ្នាំ ដោយរូបគេត្រូវស្លាប់ពេលបាញ់តតាំងជាមួយប៉ូលិស នៅមុខរោងភាពយន្តមួយនៃទីក្រុងODESSA។ គេមិនច្បាស់លើមូលហេតុនៃអំពើរបស់ជននោះ ដែលប្រើកាំភ្លើងវាយលុកមួយដើម។
ការបាញ់ប្រហារចាប់ផ្ដើមត្រង់បារាស់មួយរបស់ប៉ូលិសដែលឃាត់គេមិនព្រមឈប់។ បន្ទាប់មកគេបាញ់មិនរើសមុខលើបណ្ដារថយន្តនៅតាមផ្លូវថ្នល់I-20 ចន្លោះក្រុងODESSAនិងក្រុងMIDLANDជិតខាង។ រថយន្តជាច្រើនគ្រឿងត្រូវឆ្លុះដោយគ្រាប់កាំភ្លើង៕ (កែសម្រួលដោយ ៖ បុប្ផា)
ចែករំលែកព័តមាននេះ