ប្រទេសអង់គ្លេស ៖ មនុស្សជាច្រើនពាន់នាក់បាននាំគ្នាធ្វើបាតុកម្ម កាលពីថ្ងៃទី៣១សីហានៅអង់គ្លេសដើម្បីបរិហារចំពោះអ្វិដែលពួកគេហៅរដ្ឋប្រហារ របស់នាយករដ្ឋមន្រ្តីលោកបូរីសចនសុន ក្រោយការសម្រេចរបស់លោកផ្អាកសភា ក្នុងដំណើរការមួយមុនដល់ថ្ងៃកំណត់ នៃការចាកចេញរបស់អង់គ្លេស ពីសហភាពអឺរ៉ុប ហៅBREXIT។…
ប្រទេសអង់គ្លេស ៖ មនុស្សជាច្រើនពាន់នាក់បាននាំគ្នាធ្វើបាតុកម្ម កាលពីថ្ងៃទី៣១សីហានៅអង់គ្លេសដើម្បីបរិហារចំពោះអ្វិដែលពួកគេហៅរដ្ឋប្រហារ របស់នាយករដ្ឋមន្រ្តីលោកបូរីសចនសុន ក្រោយការសម្រេចរបស់លោកផ្អាកសភា ក្នុងដំណើរការមួយមុនដល់ថ្ងៃកំណត់ នៃការចាកចេញរបស់អង់គ្លេស ពីសហភាពអឺរ៉ុប ហៅBREXIT។
បាតុកម្មនានាកើតមានក្នុងទីក្រុងប្រមាណជា៣០របស់ប្រទេស ក្នុងនោះមានទីក្រុងឡុងដ៏និងម៉ាន់ឆេស្ទ័រជាដើម។ ពួកបាតុករស្រែកពាក្យឲ្យបញ្ឈប់រដ្ឋប្រហារ ។ ពួកអ្នករៀបចំបានលើកពីការចូលរួមរបស់មនុស្សច្រើនរយពាន់នាក់ ក្នុងការធ្វើបាតុកម្ម។ ការប្រមូលផ្ដុំមនុស្សធំប្រព្រឹត្តទៅនៅក្នុងទីក្រុងឡុងដ៏ ខាងមុខនិវេសនដ្ឋានរបស់នាយករដ្ឋមន្រ្តីដែលនៅទីនោះ ពួកបាតុករបានស្រែកពាក្យថា បូរីសចនសុនមិនចេះខ្មាស់អៀន ហើយពួកគេបានលើកទង់សហភាពអឹរ៉ុប។ យោងតាមប៉ូលិសថា ក្រោយបញ្ចប់បាតុកម្មបាតុករក្រុមតូចៗ បានលើកគ្នាទៅកាន់កន្លែងផ្សេងៗនាភាគកណ្ដាលក្រុងឡុងដ៏ហើយកើតមានឧប្បត្តិហេតុមិនធ្ងន់ធ្ងរនានា។ មនុស្ស៣នាក់ត្រូវចាប់ខ្លួន។
នាយករដ្ឋមន្រ្តីអង់គ្លេសលោកបូរីសចនសុន ប្រកាសកាលពីថ្ងៃទី២៨សីហាពីការផ្អាកសភា ចាប់ពីដើមសប្ដាហ៍ទី២នៃខែកញ្ញារហូតដល់ថ្ងៃទី១៤តុលា មុនការអនុវត្តBREXITថ្ងៃទី៣១តុលា ដែលញាំងឲ្យមានរលកនៃការក្ដៅក្រហាយ ៕ កែសម្រួលដោយ ៖ សុឃាក់
ចែករំលែកព័តមាននេះ