ខេត្តបន្ទាយមានជ័យ ៖ មន្ត្រីមន្ទីពាណិជ្ជកម្មបានសហការជាមួយមន្ត្រីមន្ទីវប្បធម៌ និងវិចិត្រសីល្បៈចុះពិនិត្យអាជីវកម្មខុសច្បាប់ និងអាជីវកម្មណាលើកប៉ាណូឬផ្លាកយីហោដែលសរសេរមានខ្លឹមសារអត្តន័យមិនច្បាស់លាស់ ដែលការចុះពិនិត្យនេះនៅថ្ងៃទី២៨ ខែសីហា ឆ្នាំ២០១៩ នៅក្រុងប៉ោយប៉ែត ។…
ខេត្តបន្ទាយមានជ័យ ៖ មន្ត្រីមន្ទីពាណិជ្ជកម្មបានសហការជាមួយមន្ត្រីមន្ទីវប្បធម៌ និងវិចិត្រសីល្បៈចុះពិនិត្យអាជីវកម្មខុសច្បាប់ និងអាជីវកម្មណាលើកប៉ាណូឬផ្លាកយីហោដែលសរសេរមានខ្លឹមសារអត្តន័យមិនច្បាស់លាស់ ដែលការចុះពិនិត្យនេះនៅថ្ងៃទី២៨ ខែសីហា ឆ្នាំ២០១៩ នៅក្រុងប៉ោយប៉ែត ។
លោក ដុំ វណ្ឌី អនុប្រធានមន្ទីពាណិជ្ជកម្មខេត្តបន្ទាយមានជ័យបានប្រាប់ថា ដោយមានការណែនាំពីលោករដ្ឋមន្ត្រីក្រសួងពាណិជ្ជកម្ម និងលោក អ៊ុ រាត្រី អភិបាលខេត្តបន្ទាយមានជ័យហើយមន្ត្រីមន្ទីពាណិជ្ជកម្មខេត្តសហការជាមួយមន្ទីវប្បធម៌ និងវិចិត្រសីល្បៈខេត្តបានចុះពិនិត្យមើលផ្លាក់យីហោណាដែលសរសេរខ្លឹមសារ និងអត្ថន័យមិនច្បាស់លាស់ ។
លោកបានបញ្ជាក់ថា ជាកស្តែងនៅក្រុងប៉ោយប៉ែតមានហាងខ្លះដែលជារបស់ជនជាតិចិនបានលើកផ្លាកសញ្ញាយីហោសរសេរខ្លឹមសារ និងអត្ថន័យមិនច្បាស់ក្រោយពេលរកឃើញបានណែនាំហើយធ្វើកិច្ចសន្យាអោយរុះរើចេញបើនៅតែបន្ត និងចាត់វិធានការតាមច្បាប់ ។
លោក លី សុវណ្ណរិទ្ធ អនុប្រធានមន្ទីវប្បធម៌ និងវិចិត្រសីល្បៈខេត្តបន្ទាយមានជ័យបានបញ្ជាក់ថា នៅក្រុងប៉ោយប៉ែតមានជនជាតិចិនបានបើកហាងហើយសរសេរផ្លាកយីហោ ខុសអក្ខរាវិរុទ្ធ គ្មានជាលក្ខណៈរចនាបទខ្មែរ និងសរសេរគ្មានអក្សសាស្ត្រខ្មែរទេត្រូវមានវិធានការតាមច្បាប់ ។
លោកបានបញ្ជាក់ថា ក្រោយចុះពិនិត្យឃើញមានផ្លាកសញ្ញាយីហាខ្លះមានការសរសេរខុសឆ្គងមិនត្រឹមត្រូវដែលមានសរសេរភាសារបទេសផ្នែកខាងលើខ្មែរគឺខុសត្រូវណែនាំទំលាក់ចុះហើយអោយសរសេរអក្សសាស្ត្រខ្មែរផ្នែកខាងលើអក្សបរទេសទើបត្រឹមត្រូវហើយយោហោផ្លាកសញ្ញាត្រូវសរសេរអោយបានត្រឹមត្រូវក្រោយពេលណែនាំហើយនឹងធ្វើកិច្ចសន្យាហើយនៅតែបន្តប្រព្រឹត្តចាត់ការតាមច្បាប់ ៕
កែសម្រួលដោយ ៖ សំណាង
ចែករំលែកព័តមាននេះ