Alexis Sanchez លា Man Utd ជាផ្លូវការអុីតាលីហើយ
តាមប្រភពព័ត៌មាន The Sun បានឱ្យដឹងថា កីឡាករ Alexis Sanchez បានសម្រេចការចាកចេញទៅកាន់ក្លិប Inter Milan…
តាមប្រភពព័ត៌មាន The Sun បានឱ្យដឹងថា កីឡាករ Alexis Sanchez បានសម្រេចការចាកចេញទៅកាន់ក្លិប Inter Milan…
តាមប្រភពព័ត៌មាន The Sun បានឱ្យដឹងថា កីឡាករ Alexis Sanchez បានសម្រេចការចាកចេញទៅកាន់ក្លិប Inter Milan ក្នុងនាមជាកីឡាករខ្ចីជើងរហូតដល់ចប់រដូវកាលនេះ។
Manchester United និង Inter Milan បានបញ្ជាក់នៅក្នុងបណ្តាញសង្គមពីដំណឹងមួយនេះ ខណៈដែល Untied នៅតែត្រូវចេញថ្លៃលើសពាក់កណ្តាលសម្រាប់ប្រាក់អាទិត្យដែលមានតម្លៃ៥០៥០០០ផោន។
United សរសេរថា៖ “ពួកយើងសុំបញ្ជាក់ថា Alexis Sanchez បានទៅលេងនៅ Inter Milan ក្នុងនាមជាកីឡាករខ្ចីជើង រហូតដល់ថ្ងៃទី៣០ ខែមិថុនា ឆ្នាំ២០២០។ ពួកយើងសុំជូនពរ Alexis Sanchez ឱ្យជួបតែសំណាងល្អនៅអ៊ីតាលី។”
ចំណែកឯ Inter Milan ក៏បានសរសេរថា៖ “ក្នុងជីវិតរបស់ Alexis Sanchez កីឡាបាល់ទាត់គឺជាអ្វីដែលតំណាងគ្រប់យ៉ាងរបស់គេ ហើយគេតាំងតែសប្បាយចិត្តជាខ្លាំងនៅពេលមានបាល់ជាប់នឹងជើង។ ចាប់ពីពេលនេះទៅ គេនឹងអាចលេងបាល់នៅក្លិបរបស់យើង។ ពួកយើងស្វាគមន៍ចំពោះការមកដល់របស់គេ។”
នៅមុនពេលចាកចេញជាផ្លូវការ កីឡាកររូបនេះបានជូនពរដល់មិត្តរួមក្រុមនៅ Manchester United សម្រាប់រដូវកាលកន្លង ហើយបានបង្ហោះរូបថតមួយចំនួនជាមួយនឹងមិត្តនៅក្លិបបិសាចក្រហម។
គួរបញ្ជាក់ផងដែរថា Sanchez មិនត្រូវបានគ្រូបង្វឹកនៅក្លិប Man Utd លោក Ole Gunnar Solksjaer ពេញចិត្តឱ្យនៅបន្តទេ ព្រោះតែលោកយល់ថា គេនៅមានរបួសជាប់ខ្លួនដល់ទៅជាង១៨ខែ ហើយលេងមិនសូវបានល្អ ដោយរកគ្រាប់បាល់បានត្រឹមតែ៣គ្រាប់ក្នុងការប្រកួត៣២ដង៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ