ក្រោយដឹងលទ្ធផល UEFA កីឡាករ Ronaldo ហៅ Messi បាយល្ងាចភ្លែត
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងរបស់ក្លិបសេះបង្កង់ Cristiano Ronaldo ចង់ទៅទទួលទានអាហារពេលល្ងាចជាមួយនឹងគូប្រជែងសិបឆ្នាំរបស់ខ្លួន Lionel Messi…
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងរបស់ក្លិបសេះបង្កង់ Cristiano Ronaldo ចង់ទៅទទួលទានអាហារពេលល្ងាចជាមួយនឹងគូប្រជែងសិបឆ្នាំរបស់ខ្លួន Lionel Messi…
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងរបស់ក្លិបសេះបង្កង់ Cristiano Ronaldo ចង់ទៅទទួលទានអាហារពេលល្ងាចជាមួយនឹងគូប្រជែងសិបឆ្នាំរបស់ខ្លួន Lionel Messi បើទោះបីជា Messi ជាប់ពាន UEFA ហើយខ្លួនមិនជាប់ក៏ដោយ។
ទាំងពីរនាក់ Ronaldo និង Messi សុទ្ធតែធ្លាប់ឈ្នះពាន Ballon d’Or ប្រាំដងទាំងអស់ តែ Messi បានយកឈ្នះ Ronaldo និង Mo Salah ក្នុងការយកពានមួយរបស់ UEFA នៅឆ្នាំនេះ។ អ្នកដែលឈ្នះពានធំគឺ Virgil Van Dijk។ Ronaldo មិនបានពាន UEFA ទេនៅឆ្នាំ២០១៩។
កីឡាករព័រទុយហ្កាល់អាយុ៣៤ឆ្នាំរូបនេះ ដែលមានអាយុច្រើនជាងកីឡាករអាហ្សង់ទីន២ឆ្នាំ ពេលនេះសង្ឃឹមថាអាចនឹងទទួលទានអាហារពេលល្ងាចជាមួយនឹង Messi ហើយបន្តភាពជាគូប្រជែងតទៅទៀត។
Ronaldo បាននិយាយថា៖ «ពួកយើងបានចែកគ្នាឈរលើលំដាប់កំពូលអស់រយៈពេល១៥ឆ្នាំហើយ។ ខ្ញុំមិនដឹងទេថាវាអាចនឹងចប់នៅថ្ងៃមុខពេលណាទេ ដែលមានមនុស្ស២នាក់ប្រជែងគ្នាទៅវិញទៅមកបែបនេះ។ អ្នកទាំងអស់គ្នាដឹងទេថា វាមិនស្រួលទេ។ ពិតប្រាកដណាស់ ដែលថាពួកយើងមានមិត្តភាពល្អជាមួយគ្នា។ ពួកយើងមិនទាន់ដែលបានទទួលទានអាហារពេលល្ងាចជាមួយគ្នាទេ។ តែខ្ញុំសង្ឃឹមថា យើងនឹងអាចនៅថ្ងៃអនាគត»។
គួរបញ្ជាក់ផងដែរថា ក្រៅពីនិយាយពី Messi កីឡាករជើងខ្លាំង Ronaldo ឆ្លៀតនិយាយពីអតីតកាលពេលនៅអេស្ប៉ាញ ដែលរូបគេនឹកគ្រាដែលប្រជែងគ្នាក្នុងលីគជាមួយនឹង Messi អស់រយៈពេល១៥ឆ្នាំ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ