កូនពួកខ្លះច្រើនគិតថា ឪពុកម្ដាយនៅជាមួយនាំឲ្យលំបាកជួយចិញ្ចឹមគាត់ ហើយអស់លុយច្រើន បើឈឺថែមទៀតរឹតតែសែនលំបាក តែបើគាត់មិននៅជាមួយទេ នោះនឹងមិនលំបាកឡើយ ។ គំនិតបែបនេះជាកូនល្ងង់ហើយ ឃើញគុណជាទោសមាតាបិតារស់នៅ មិនគិតជួយចិញ្ចឹមគាត់…
កូនពួកខ្លះច្រើនគិតថា ឪពុកម្ដាយនៅជាមួយនាំឲ្យលំបាកជួយចិញ្ចឹមគាត់ ហើយអស់លុយច្រើន បើឈឺថែមទៀតរឹតតែសែនលំបាក តែបើគាត់មិននៅជាមួយទេ នោះនឹងមិនលំបាកឡើយ ។ គំនិតបែបនេះជាកូនល្ងង់ហើយ ឃើញគុណជាទោសមាតាបិតារស់នៅ មិនគិតជួយចិញ្ចឹមគាត់ យកបុណ្យទេ ទៅនឹកឃើញការលំបាក អស់លុយជាច្រើនទៅវិញ មិននឹកឃើញគាត់ចិញ្ចឹមបីបាច់តាំងពីក្មេងមក តើគាត់ជួបការលំបាកយ៉ាងណា គួរឲ្យអាសូរណាស់ ។
ឯកូនខ្លះគិតតែពីដើរលេងមិនឈប់តាំងពីព្រលឹមដល់ព្រលប់ ទើបចូលផ្ទះ មិនជួយធ្វើការពុកម៉ែ នេះក៏នាំឱ្យម៉ែឪខកបំណង ព្រោះគាត់ចង់បានកូនឲ្យមកជួយធ្វើការងារ តែបែរជាបានកូនខ្ជិលច្រអូសមកវិញ ពិតជាអស់សង្ឃឹមខ្លាំងណាស់ ។
សូមកូនប្រុសស្រីជួយបំពេញបំណងឪពុកម្តាយផង មិនត្រូវខ្ជិលច្រអូសទេ។ ម៉ែឪតែងនឹកសញ្ជឹងថា ពេលគាត់ស្លាប់ទៅនឹងមានកូនធ្វើបុណ្យឧទ្ទិសទៅ ចុះបើកូនគិតតែពីចង់បាន ខ្លាចអស់ទ្រព្យ មិនហ៊ានធ្វើបុណ្យទានឧទ្ទិសឲ្យសោះយ៉ាងនេះ តើបដិសន្ធិរបស់ឪពុកម្តាយនឹងទៅជាយ៉ាងណា ពិតជាខកបំណងពេកហើយ ។
ដូច្នេះដើម្បីលើកទឹកចិត្តឪពុកម្តាយឱ្យត្រូវនឹងបំណងរបស់គាត់ កូនត្រូវចិញ្ចឹមបីបាច់ថែរក្សាពេលគាត់នៅរស់ លុះគាត់ស្លាប់ទៅគប្បីធ្វើបុណ្យឧទ្ទិសបុណ្យកុសលឲ្យគាត់បានអនុមោទនា ទើបសមជាលក្ខណៈកូនប្រពៃ ។ (ដោយសាន សារិន)
ចែករំលែកព័តមាននេះ