ខេត្តព្រះសីហនុ ៖ តាមសេចក្តីរាយការណ៍បឋមបានឱ្យដឹងថា កាលពីល្ងាចថ្ងៃទី២៩ សីហា២០១៩ ផ្លូវលំក្រាលក្រួសក្រហម.តភ្ជាប់ពីផ្លូវជាតិលេខ៣(វាលរេញ-កំពត)ចូលទៅភូមិព្រែកក្រាញ់ ក្នុងឃុំសាមគ្គី ស្រុកព្រៃនប់ត្រង់ ចំណុចកំពង់ផ្កា ត្រូវបានទឹកហូរកាត់បណ្តាលឱ្យលិចផ្លូវដែលទឹកមានកម្ពស់ប្រមាណជាងកន្លះម៉ែត្រ…
ខេត្តព្រះសីហនុ ៖ តាមសេចក្តីរាយការណ៍បឋមបានឱ្យដឹងថា កាលពីល្ងាចថ្ងៃទី២៩ សីហា២០១៩ ផ្លូវលំក្រាលក្រួសក្រហម.តភ្ជាប់ពីផ្លូវជាតិលេខ៣(វាលរេញ-កំពត)ចូលទៅភូមិព្រែកក្រាញ់ ក្នុងឃុំសាមគ្គី ស្រុកព្រៃនប់ត្រង់ ចំណុចកំពង់ផ្កា ត្រូវបានទឹកហូរកាត់បណ្តាលឱ្យលិចផ្លូវដែលទឹកមានកម្ពស់ប្រមាណជាងកន្លះម៉ែត្រ នេះបើយោងតាមប្រភពពីក្រុមកាងារចុះជួយឃុំសាមគ្គី លោកនេន ចំរើន ។
តាមប្រភពដដែលបានបន្តថា សម្រាប់ការធ្វើចរាចរបានត្រឹមថ្មើរជើងប៉ុណ្ណោះ ចំណែករថយន្ត ជាពិសេសរថយន្តដឹកកម្មករ-កម្មការនីប្រមាណជា១០គ្រឿងចេញពីធ្វើការនៅពេលល្ងាច ដែលត្រូវបើកឆ្លងកាត់ផ្លូវខាងលើនេះ បានឈប់ចតទុកនៅបន្ទាយទាហាន១០៥ដែលនៅក្បែនោះ ហើយកម្មករ-កម្មការិនីបានដើរឆ្លងកាត់ផ្លូវទឹកលិចដែលមានចំងាយប្រមាណជា១០០ម៉ែត្រ ។
ជាមួយគ្នានេះ ស្ថានភាពផ្លូវលិចទឹកខាងលើនេះហាក់មិនមានអ្វីធ្ងន់ធ្ងរនោះទេ តែទោះបីជាយ៉ាងណា ទាំងក្រុមកាងារចុះជួយឃុំ និងក្រុមការងារអាជ្ញាធរមូលដ្ឋានកំពុងប្រចាំការតាមដាននៅតំបន់ខាងលើនេះជាបន្តទៀតផងដែរ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ