រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរសជាជនជាតិចិនម្នាក់បានជិះម៉ូតូកង់បីចេញពីខារ៉ាអូខេត្រឡប់ទៅផ្ទះវិញ ក៏ស្រាប់តែត្រូវជនសង្ស័យ២នាក់ជិះម៉ូតូមកធ្វើសកម្មភាពឆក់យកទូរស័ព្ទដៃ បណ្តាលឱ្យជនរងគ្រោះធ្លាក់ពីលើម៉ូតូបោកក្បាលហូរឈាមស្លាប់ ខណៈពេលបញ្ជូនទៅសង្គ្រោះនៅមន្ទីពេទ្យ បង្កឱ្យមានការភ្ញាក់ផ្អើលកាលពីម៉ោង៩និង៣០នាទីយប់ ថ្ងៃទី២៩ ខែសីហា ឆ្នាំ២០១៩ ជិតសាលាបឋមសិក្សាទួលស្លែង ផ្លូវ១៧៣ កែងនឹងផ្លូវ៣១០ សង្កាត់ទួលស្វាយព្រៃ១ ខណ្ឌបឹងកេងកង ។
សេចក្តីរាយការណ៍បន្តថា សពជនរងគ្រោះដែលជាជនជាតិចិនខាងលើ មិនត្រូវបានទាន់ស្គាល់អត្តសញ្ញាណនៅឡើយទេ ។
តាមសម្ដីបុរសជាអ្នករត់ម៉ូតូកង់បីឥណ្ឌាបានឱ្យដឹងថា មុនលកើតហេតុ រូបគាត់បានដឹកបុរសជនជាតិចិនចេញពីម្តុំខារ៉ាអូខេ អេកូ គោលបំណងទៅម្តុំអូឡាំពិក ដោយធ្វើដំណើរតាមផ្លូវ១៧៣ ពីលិចទៅកើត លុះមកដល់ចំណុចកើតហេតុ ក៏ស្រាប់តែលេចមុខបុរសជាជនសង្ស័យ២នាក់បានជិះម៉ូតូមិនស្គាល់ម៉ាក់មកវ៉ាជែងខាងស្តាំ ហើយក៏ឆក់ទាញយកទូរស័ព្ទបស់ជនរងគ្រោះម៉ាកអាហ្វូនអ៊ិច បណ្តាលឱ្យជនរងគ្រោះជាជនជាតិចិនធ្លាក់ពីលើម៉ូតូកង់បីបោកក្បាលហូរឈាមចេញតាមត្រចៀក និងច្រមុះ សន្លប់ស្តូកតែម្ដង ហើយភ្លាមៗនោះដែរជនរងគ្រោះត្រូវរថយន្តដឹកយកទៅសង្គ្រោះបន្ទាន់ តែពេលដល់មន្ទីរពេទ្យជនរងគ្រោះក៏ដាច់ខ្យល់ស្លាប់បាត់ទៅ ។ ដោយឡែកជនសង្ស័យបានរត់គេបាត់ដោយយកទូរស័ព្ទបស់ជនរងគ្រោះទៅជាមួយផងដែរ ។
ក្រោយពេលកើតហេតុ សពជនរងគ្រោះត្រូវបានរថយន្តដឹកយកទៅដម្កល់ទុកនៅវត្តស្ទឹងមានជ័យ ដើម្បីរង់ចាំខាងសមត្ថកិច្ចជំនាញទំនាក់ទំនងរកសាច់ញាតិ ។ (កែសម្រួលដោយ ៖ បុប្ផា)
ចែករំលែកព័តមាននេះ