ប្រទេសលីបង់ ៖ កងទ័ពលីបង់កាលពីថ្ងៃទី២៨សីហា បានបាញ់ប្រឆាំងបណ្ដាដ្រូនអុីស្រាអែល ដែលហោះហើរលើភាគខាងត្បូងប្រទេសនេះ ដែលនោះជារឿងដ៏កម្របំផុតមួយកើតមានខណៈមានភាពតានតឹងខ្លាំង រវាងប្រទេសជិតខាងទាំង២។ យោងតាមទីបញ្ជាការដ្ឋានកងទ័ពលីបង់ថា ដ្រូន៣គ្រឿងរបស់អុីស្រាអែល បានហោះហើរក្នុងដែនអាកាសលីបង់…
ប្រទេសលីបង់ ៖ កងទ័ពលីបង់កាលពីថ្ងៃទី២៨សីហា បានបាញ់ប្រឆាំងបណ្ដាដ្រូនអុីស្រាអែល ដែលហោះហើរលើភាគខាងត្បូងប្រទេសនេះ ដែលនោះជារឿងដ៏កម្របំផុតមួយកើតមានខណៈមានភាពតានតឹងខ្លាំង រវាងប្រទេសជិតខាងទាំង២។
យោងតាមទីបញ្ជាការដ្ឋានកងទ័ពលីបង់ថា ដ្រូន៣គ្រឿងរបស់អុីស្រាអែល បានហោះហើរក្នុងដែនអាកាសលីបង់ ហើយកងយោធាលីបង់ក៏បានបាញ់លើដ្រូន២គ្រឿង ដែលហោះវិលចូលក្នុងដែនអាកាសអុីស្រាអែលវិញ។ ឧប្បត្តិហេតុនោះកើតមានបន្ទាប់ពីការព្រមានរបស់លីបង់ចំពោះអុីស្រាអែល ក្រោយការវាយប្រហារដោយដ្រូនអុីស្រាអែល កាលពីថ្ងៃទី២៥សីហាប្រឆាំងទីតាំងរបស់ពួកហេសប៊ុលឡាហ៍លីបង់នៅក្រុងបេរូតមក។
លីបង់និងអុីស្រាអែលក្នុងលក្ខណៈបច្ចេកទេសស្ថិតក្នុងស្ថានភាពនៃសង្គ្រាម។ ក្រុមហេសប៊ុលឡាហ៍ជាសត្រូវអុីស្រាអែល និងជាតួអង្គនយោបាយសំខាន់នៅលីបង់ ហើយជាសម្ព័ន្ធមិត្តអុីរ៉ង់សត្រូវប្ដូរផ្ដាច់មួយទៀតរបស់អុីស្រាអែល៕ (កែសម្រួលដោយ ៖ បុប្ផា)
ចែករំលែកព័តមាននេះ