តារាចម្រៀងលោក Pitbull រស់នៅក្នុងតំបន់ដែលជួបប្រទះវិបត្តិច្រើនក្នុងទីក្រុង Miami សហរដ្ឋអាមេរិក ។ នៅទសវត្សរ៍ឆ្នាំ១៩៨០ វាជាទីក្រុងដែលសម្បូរទៅដោយគ្រឿងញៀន និងឧក្រិដ្ឋជន ដូច្នេះលោកមិនដែលគិតថា…
តារាចម្រៀងលោក Pitbull រស់នៅក្នុងតំបន់ដែលជួបប្រទះវិបត្តិច្រើនក្នុងទីក្រុង Miami សហរដ្ឋអាមេរិក ។ នៅទសវត្សរ៍ឆ្នាំ១៩៨០ វាជាទីក្រុងដែលសម្បូរទៅដោយគ្រឿងញៀន និងឧក្រិដ្ឋជន ដូច្នេះលោកមិនដែលគិតថា ខ្លួនអាចក្លាយជាមនុស្សជោគជ័យមួយរូបឡើយ ។
ប៉ុន្តែលោកបាននិយាយថា លោកមិនដែលទួញសោកពីស្ថានការរស់នៅរបស់លោកឡើយ ។ ផ្ទុយមកវិញលោកបែរជាគិតថា ស្ថានការរបស់លោកបានធ្វើឲ្យលោកក្លាយជាមនុស្សដែលមានគំនិតច្នៃប្រឌិតមួយរូបទៅវិញ ។
បច្ចុប្បន្ននេះ លោកជាតារាចម្រៀងដែលមានទ្រព្យសម្បត្តិរាប់ប៊ីលានដុល្លារ ។ ប៉ុន្តែមុនពេលលោកមកដល់កន្លែងដែលលោកឈរនេះលោក គឺជាមនុស្សដែលចេះគិតគូររឿងលុយទៅហើយ ។ ពេលដែលលោកទទួលបានប្រាក់កម្រៃ១,៥០០ដុល្លារដំបូងលោកបានចំណាយ១,២០០ ដុល្លារ ដើម្បីទិញរថយន្ត Mazda 1988 មួយសម្រាប់ម្តាយរបស់លោករួចសន្សំលុយដែលនៅសល់ ។
ពេលដែលប្រាក់ចំណូលរបស់លោកកាន់តែកើនឡើងគោលការណ៍ និងទស្សនៈរបស់លោកទាក់ទងនឹងលុយនៅតែរក្សាសភាពដដែលនោះ គឺអ្នកមិនគួរធ្វើអ្វីមួយព្រោះតែលុយមួយទេ ។ លោកបានបកស្រាយថា ប្រសិនបើអ្នករត់តាមលុយនោះលុយនឹងរត់ចេញពីអ្នកដែរហើយ ។ មេរៀននេះបានជួយឲ្យលោកបន្តលូតលាស់ជាមនុស្ស ។
លោក Pitbull បានបន្តថា «វាអាស្រ័យលើអ្វីដែលអ្នកចង់ធ្វើ និងអ្នកចង់លូតលាស់ដោយវិធីណា ប៉ុន្តែប្រសិនបើអ្នកគិតថាលុយនឹងជួយឲ្យអ្នកសប្បាយចិត្តនោះអ្នកពិតជាគិតខុសទាំងស្រុងហើយ ។ ប្រសិនបើអ្នកធ្វើវាព្រោះតែលុយអ្នកបានបរាជ័យហើយ» ។
លោកបានបន្ថែមទៀតថា ប្រសិនបើអ្នកធ្វើអ្វីមួយព្រោះតែអ្នកចង់ធ្វើវា ឬព្រោះតែអ្នកជឿជាក់លើក្រុមហ៊ុន ឬវប្បធម៌ក្នុងក្រុមហ៊ុននោះវាបានក្លាយជាបដិវដ្តន៍មួយហើយ ព្រោះវាប្រៀបដូចជាអ្នកមិនបានធ្វើការទេ ព្រោះអ្នកទទួលបានសេរីភាពសម្រាប់ជីវិតរបស់អ្នកហើយ ៕ កែសម្រួលដោយ ៖ សុឃាក់
ចែករំលែកព័តមាននេះ