មាន់ថ្មីន័រវែសអាចនឹងប្រជែងយកស្បែកជើងមាសពី Ronaldo និង Messi?
តាមប្រភពព័ត៌មាន Soccer Laduma បានឱ្យដឹងថា កីឡាករ Lionel Messi និង Cristiano Ronaldo…
តាមប្រភពព័ត៌មាន Soccer Laduma បានឱ្យដឹងថា កីឡាករ Lionel Messi និង Cristiano Ronaldo…
តាមប្រភពព័ត៌មាន Soccer Laduma បានឱ្យដឹងថា កីឡាករ Lionel Messi និង Cristiano Ronaldo ស្ថិតនៅក្នុងចំណោមកីឡាករដែលអាចនឹងឈ្នះពានស្បែកជើងមាស 2019/20 European Golden Boot តែអាចនឹងមានកីឡាករវ័យក្មេងមកពីន័រវែសមកប្រជែង។
ជាមួយនឹងពានស្បែកជើងមាសជាច្រើនដែល Ronaldo និង Messi ធ្លាប់ទទួលបាន វាមិនចម្លែកទេ ដែលពួកគេអាចយកបានម្តងទៀតនៅរដូវកាលនេះ។ តែកីឡាករវ័យក្មេងមកពីន័រវែស Erling Braut Haaland អាចនឹងធ្វើជាគូប្រជែង។
កីឡាករអាយុ១៩ឆ្នាំរូបនេះ ដែលមានភាពល្បីល្បាញក្រោយពីរកគ្រាប់បាល់បានដល់ទៅ៩គ្រាប់ក្នុងការប្រកួតតែម្តង នៅ FIFA U20 World Cup នាពេលថ្មីៗនេះ បានរកគ្រាប់បាល់៧គ្រាប់ នៅក្នុងការប្រកួត៥ដង ឱ្យក្លិបអូស្ត្រាលី Red Bull Salzburg។ ប្រសិនបើគេអាចរក្សាបាននូវការលេងល្អបែបនេះបន្តទៀត គេនឹងអាចក្លាយទៅជាអ្នកប្រជែងជាមួយនឹង Ronaldo និង Messi ជាមិនខាន។
គ្រាប់បាល់ដែលគេរកបាននៅក្លិបអូស្ត្រាលី មិនសូវមានតម្លៃដូចនៅ LaLiga ឬ Serie A ទេ ដោយសារតែ ១គ្រាប់ស្មើរត្រឹមតែ១.៥ពិន្ទុប៉ុណ្ណោះ ខណៈដែល១គ្រាប់របស់ LaLiga ឬ Serie A មានតម្លៃស្មើរនឹង២ពិន្ទុ។
គួរបញ្ជាក់ផងដែរថា Messi បានឈ្នះពាននេះកាលពីរដូវកាលមុន ជាមួយនឹង៧២ពិន្ទុ សម្រាប់គ្រាប់បាល់ទាំង៣៦គ្រាប់ ដែលនេះមានន័យថា មាន់ថ្មីខាងលើត្រូវរកគ្រាប់បាល់ប្រហែល៥០គ្រាប់ (៧៥ពិន្ទុ) ដើម្បីអាចយកពានបាន៕
ប្រភព ៖ soccerladuma , កែសម្រួលដោយ ៖ សំណាង
ចែករំលែកព័តមាននេះ